YAP Ağdaş rayon təşkilatı Gənclər Birliyinin təşəbbüsü ilə “Pandemiya dövründə dini ayinlərin icrası” mövzusunda konfrans keçirilib

Bakı:

21 °C

83 %

0 m/s

AZ RU EN

Ana səhifə / YAP xəbərləri / YAP Ağdaş rayon təşkilatı Gənclər Birliyinin təşəbbüsü ilə “Pandemiya dövründə dini ayinlərin icrası” mövzusunda konfrans keçirilib

YAP Ağdaş rayon təşkilatı Gənclər Birliyinin təşəbbüsü ilə “Pandemiya dövründə dini ayinlərin icrası” mövzusunda konfrans keçirilib

23.09.2020 [09:15]

Yeni Azərbaycan Partiyası (YAP) Ağdaş rayon təşkilatı Gənclər Birliyinin təşəbbüsü ilə Dini Qurumlarla İş üzrə Dövlət Komitəsinin Yevlax bölgəsi üzrə şöbəsi ilə birlikdə “Pandemiya dövründə dini ayinlərin icrası” mövzusunda onlayn konfrans keçirilib. Konfransı giriş sözü ilə açan YAP Ağdaş rayon təşkilatı Gənclər Birliyinin sədri Teymur Əmirli pandemiya dövründə dövlətimiz tərfindən görülən işlər, partiya üzvü olan rayon gənclərinin bu dövr ərzində fəaliyyəti və Gənclər Birliyinin gördüyü işlər barədə konfrans iştirakçılarına məlumat verib, eləcə də dövlət-din münasibətlərindən danışıb.
Dini Qurumlarla İş üzrə Dövlət Komitəsinin Yevlax bölgəsi üzrə şöbəsinin əməkdaşı Sahib Hacıyev pandemiya dövründə, xüsusən də Məhərrəmlik ayında dini ayinlərin icrası ilə bağlı maarifləndirici məlumatlar verib. Qeyd edib ki, insanlar pandemiya səbəbindən kütləvi dini mərasimlərdən uzaq durmaq məcburiyyətində qalıblar. Dünyanın əksər ölkələrində, o cümlədən ölkəmizdə də dini ibadət yerlərinin və ziyarətgahların fəaliyyəti həm də inzibati qaydada məhdudlaşdırılıb, kütləvi ibadətlər və tədbirlər ləğv edilib. Koronavirusla mübarizədə hər birimiz məsuliyyət daşıyırıq. Tibbi maskadan istifadə, sosial məsafə saxlamaq, gigiyenaya əməl etməklə yanaşı, ən mühüm mübarizə tədbirlərindən biri də kütləvi şəkildə toplaşmamaqdır. Aşura kimi, ənənəvi olaraq, böyük kütləviliyi ilə seçilən, sosial məsafəyə əməl olunmasının təmini qeyri-mümkün olan mərasim insanların virusa yoluxma sayının artma ehtimalı baxımından böyük təhlükə yarada bilərdi. Ona görə də bu il ölkə ərazisində kütləvi tədbirlər keçirilmədi. Bununla da, biz həm özümüzü, həm də cəmiyyətimizi qorumuş olduq.
Gənclərin diskusiyası şəraitində keçən konfransda ölkə başçısı cənab İlham Əliyevin və Birinci vitse-prezident Mehriban xanım Əliyevanın bu sahəyə göstərdikləri diqqət və qayğıdan danışılıb. Bu gün dünyada İslam dinini radikalizmvə terrorla əlaqələndirmək cəhdlərinin artmasından da bəhs edən konfrans iştirakçıları dini maarifləndirmə işinin vacibliyini vurğulayıblar. Qeyd edilib ki, gənc nəsli dini və mənəvi-əxlaqi dəyərlərimizə yad olan radikal təriqətlərin təsirindən qorumaq məsuliyyəti bütün cəmiyyətin üzərinə düşür.

Paylaş:

Baxılıb: 657 dəfə