Yeni Azərbaycan Partiyası beynəlxalq əlaqələrin inkişafına böyük önəm verir

Bakı:

23 °C

74 %

8 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası beynəlxalq əlaqələrin inkişafına böyük önəm verir

Yeni Azərbaycan Partiyası beynəlxalq əlaqələrin inkişafına böyük önəm verir

20.05.2010 [10:05]

YAP Sədrinin müavini-İcra katibi, millət vəkili Əli Əhmədov Qazaxıstanın hakim “Nur Otan” Xalq Demokratik Partiyasının Manqistau vilayəti filialı sədrinin birinci müavini Jaumbay Karaevlə görüşüb
Dünən Yeni Azərbaycan Partiyasının (YAP) Sədr müavini-İcra katibi, millət vəkili Əli Əhmədov ölkəmizdə səfərdə olan Qazaxıstanın hakim “Nur Otan” Xalq Demokratik Partiyasının Manqistau vilayəti filialı sədrinin birinci müavini Jaumbay Karaevlə görüşüb. Qonağı salamlayan Əli Əhmədov Azərbaycan-Qazaxıstan münasibətlərinin bugünkü səviyyəsindən, əlaqələrin müxtəlif istiqamətlər üzrə inkişafından, YAP-ın ölkəmizin ictimai-siyasi həyatında fəal rolundan geniş bəhs edib. Əli Əhmədov bildirib ki, Ulu öndər Heydər Əliyevin yaradıcısı olduğu Yeni Azərbaycan Partiyasının tərkibi gündən-günə kəmiyyət və keyfiyyət baxımından daha da möhkəmlənir. YAP beynəlxalq əməkdaşlıq əlaqələrinin genişləndirilməsinə xüsusi önəm verir. Bunu YAP ilə Qazaxıstanın hakim “Nur Otan” Xalq Demokratik Partiyasının münasibətlərinin timsalında da qeyd etmək olar.
ötən ilin sentyabr ayında Astana şəhərində Qazaxıstanın “Nur Otan” Partiyası ilə YAP arasında qarşılıqlı əməkdaşlığa dair Memorandumun imzalandığını xatırladan Əli Əhmədov qeyd edib ki, bu sənəd iki ölkənin hakim partiyasının əlaqələrinin gələcək inkişafına da stimul verir. Onun fikrincə, hakim partiyalar arasında əlaqələrin yüksək səviyyədə qurulması dövlətlərin münasibətlərinin inkişafına da öz töhfəsini verir. YAP Sədrinin müavini Azərbaycanın iqtisadi inkişaf baxımından mühüm uğurlara imza atdığını vurğulayaraq bildirib ki, ölkəmizlə iqtisadi əlaqələrin qurulmasında maraqlı olan dövlətlərin sayı artmaqdadır. Əli Əhmədovun sözlərinə görə, Azərbaycanla Qazaxıstan arasında da iqtisadi, siyasi, humanitar və mədəni sahələrdə geniş əməkdaşlıq mövcuddur.
Qazaxıstanın “Nur Otan” Xalq Demokratik Partiyasının Manqistau vilayət filialı sədrinin birinci müavini Jaumbay Karaev Bakıda olmağından böyük məmnunluq hissi keçirdiyini bildirib. O, qeyd edib ki, hər iki ölkənin hakim partiyaları arasında əlaqələrin yüksək səviyyədə inkişafı üçün tərəflər ciddi səylər göstərir. “Hakim partiya olaraq ölkənin ictimai-siyasi həyatında fəal iştirak etməklə yanaşı, partiyanın xətti ilə müxtəlif ölkələrdə əlaqələrin inkişafına yönələn tədbirlər həyata keçiririk” -deyən J.Karaev təmsil olunduğu partiyanın məqsəd və məramından, fəaliyyət prinsiplərindən ətraflı bəhs edib. Qarşılıqlı səfərlərin əhəmiyyətini önə çəkən qonaq bu əməkdaşlığın gələcəyinə böyük inamını ifadə edib.
Görüşdə YAP İcra katibinin müavini, millət vəkili Mübariz Qurbanlı iştirak edib.
Nardar BAYRAMLI

Paylaş:

Baxılıb: 1424 dəfə