YAP Beyləqan rayon təşkilatının XI hesabat konfransı keçirilib

Bakı:

23 °C

73 %

8 m/s

Əlaqə

AZ RU EN

Ana səhifə / YAP xəbərləri / YAP Beyləqan rayon təşkilatının XI hesabat konfransı keçirilib

YAP Beyləqan rayon təşkilatının XI hesabat konfransı keçirilib

28.08.2021 [12:46]

Avqustun 27-də Yeni Azərbaycan Partiyası (YAP) Beyləqan rayon təşkilatının videoformatda XI hesabat konfransı keçirilib.

Əvvəlcə müasir, müstəqil Azərbaycan dövlətinin qurucusu, Yeni Azərbaycan Partiyasının yaradıcısı, Ulu Öndər Heydər Əliyevin və torpaqlarımızın azadlığı uğrunda şəhid olan Vətən oğullarının əziz xatirəsi bir dəqiqəlik sükutla yad edilib.

Konfransın gündəliyi təsdiqləndikdən sonra YAP Beyləqan rayon təşkilatının sədri Rəfail Pəsiyev bildirib ki, öz sıralarında ictimaiyyətin bütün təbəqələrini birləşdirən Yeni Azərbaycan Partiyası Ümummilli Lider Heydər Əliyevin parlaq ideyalarının daşıyıcısı kimi cəmiyyətdə aparıcı rolunu gündən-günə daha da möhkəmləndirməkdədir. Yeni Azərbaycan Partiyası bütün məqamlarda ardıcıl və məqsədyönlü şəkildə dövlətçilik, milli-mənəvi dəyərlərimizə sadiqlik mövqeyində dayanıb, xalqımızın arzularının təcəssümü, yekdil iradəsinin ifadəçisi kimi çıxış edib. Müstəqilliyimizin qorunub saxlanılmasında, möhkəmlənməsində Yeni Azərbaycan Partiyasının özünəməxsus yeri var.

R.Pəsiyev qeyd edib ki, rayon təşkilatının 66 ərazi ilk partiya təşkilatında 6075 nəfər üzv birləşir ki, onlardan da 2583 nəfəri qadınlar, 1858 nəfəri isə gənclərdir. X konfransdan ötən dövr ərzində 1057 nəfər rayon təşkilatının sıralarına qəbul edilib.

Daha sonra YAP Beyləqan rayon təşkilatı Nəzarət-Təftiş Qrupunun sədri Fədayət Rüstəmovun hesabat məruzəsi dinlənilib.

Müzakirələr zamanı Beyləqan Rayon İcra Hakimiyyətinin başçısı Asif Ağayev, YAP İdarə Heyətinin üzvü, Milli Məclisin deputatı Şahin İsmayılov, rayon təşkilatının Qadınlar Şurasının sədri, 1 saylı məktəb ərazi ilk partiya təşkilatının sədri Gülbəniz Cəfərova, rayon təşkilatının Gənclər Birliyinin sədri Rufiz İsmayıllı, Mayak qəsəbə ərazi ilk partiya təşkilatının sədri Elçin Məmmədov çıxış edərək təşkilatın hesabat dövrü ərzindəki fəaliyyətinə münasibət bildiriblər.

Konfransda çıxış edən YAP Mərkəzi Aparatının Təşkilat şöbəsinin müdiri Əhliman Tağıyev bildirib ki, Yeni Azərbaycan Partiyasının VII Qurultayında ölkə Prezidenti İlham Əliyevin proqram xarakterli, müasir dövrün, 44 günlük İkinci Qarabağ müharibəsində Qələbəmizin yaratdığı yeni reallıqları özündə əks etdirən nitqi bütün partiya üzvləri üçün yeni vəzifələr müəyyənləşdirib. 44 günlük Vətən müharibəsindən alnıaçıq çıxan Azərbaycan dövləti böyük Zəfər günlərini qeyd edir. Azərbaycan bölgədə və dünyada yeni reallıqlar yaradıb. Vətən müharibəsindən qalib çıxan Azərbaycan 30 illik işğala son qoyaraq ərazi bütövlüyünü bərpa edib. Ölkəmiz özünün iqtisadi, siyasi çəkisinə görə fərqli bir dövlətdir. Yəni bütövlükdə, Azərbaycan fərqli bir reallıq yaradıb və bu yeni reallığa uyğun qarşımızda yeni çağırışlar, vəzifələr durur.

Ə.Tağıyev YAP Beyləqan rayon təşkilatına gələcək fəaliyyətində uğurlar arzulayıb.

Konfransda YAP Beyləqan rayon təşkilatının hesabat dövrü ərzindəki fəaliyyəti qənaətbəxş qiymətləndirilib.

Paylaş:

Baxılıb: 762 dəfə