“Vətənpərvərliyi gücləndirən amillərdən biri tarixi-hərbi Zəfərimizdir və idman uğurlarımızdır”

Bakı:

28 °C

36 %

6 m/s

AZ RU EN

Ana səhifə / YAP xəbərləri / “Vətənpərvərliyi gücləndirən amillərdən biri tarixi-hərbi Zəfərimizdir və idman uğurlarımızdır”

“Vətənpərvərliyi gücləndirən amillərdən biri tarixi-hərbi Zəfərimizdir və idman uğurlarımızdır”

09.04.2022 [11:52]

Azərbaycan xalqının, Azərbaycan gəncliyinin əzmkarlığı, böyük ruh yüksəkliyi ilə Vətən müharibəsində əldə etdiyi şanlı qələbə müasir tariximizdə yeni səhifələrin açılmasını şərtləndirdi. Bu baxımdan, sevincini yaşadığımız parlaq qələbələrinmemarı möhtərəm Prezidentimiz cənab İlham Əliyevinaşağıdakı fikirləri Azərbaycan dövlətinin strateji baxışlarını aydın ifadə edir: “Müharibə başa çatandan sonra nəinki bölgə, həm də dünya dəyişəcək. Hər kəs bizim gücümüzü gördü. Biz bu bölgədə yeni strateji mənzərə, strateji baxış yaratmalıyıq. Müharibədən sonra Azərbaycanın, bölgənin yeni dövrü başlanacaq”.

44 günlük şanlı Vətən müharibəsində Ali Baş Komandanımız cənab İlham Əliyevin ətrafında yumruq kimi birləşən xalqımız öz vətənpərvərliyi və qəhrəmanlığı ilə bir daha dünyaya özünü tanıtdı.

Gənclərimiz 44 günlük Vətən müharibəsində olduğu kimi idman sahəsində də möhtəşəm bir uğur qazandılar. Bolqarıstanda keçirilmiş Avropa çempionatında gənc güləşçilərimiz ölkəmizi ləyaqətlə təmsil edərək böyük uğura imza atdılar.Azərbaycan idmançıları yarışda 16 medal qazandı, onlardan 7-si qızıl medaldır. Komanda hesabında ölkəmizin komandası birinci yerə layiq görülmüşdür.

Ölkə Prezidenti cənab İlham Əliyevin xüsusi diqqət və qayğısı sayəsində Azərbaycanda idman uğurla inkişaf edir. Azərbaycan idman dövlətidir və həm böyüklər, həm gənclər arasında keçirilmiş beynəlxalq yarışlarda bizim idmançılarımız öz gücünü, dövlətimizin qüdrətini nümayiş etdirirlər.

Güləş Azərbaycanda idmanın bütün növləri arasında xüsusi yerə malikdir. Güləş milli idman növüdür. Güləşin ənənələri Azərbaycanda kifayət qədər güclüdür və gənc nəsil bu ənənələri davam etdirir.

Azərbaycanda idman və gənclər siyasətinin düzgün qurulduğunu bu sahədə qazanılmış uğurlu nəticələr də təsdiqləyir. Artıq neçə vaxtdır ki, respublikamızda beynəlxalq səviyyəli yarışlar təşkil olunur, idmançılarımız hər il müxtəlif növlər üzrə keçirilən Avropa və dünya çempionatlarına qatılaraq uğurlu nəticələr göstərirlər. Azərbaycan müxtəlif beynəlxalq idman yarışlarının keçirildiyi nüfuzlu məkana çevrilir. Ölkə Prezidenti İlham Əliyevin əksər hallarda bu yarışları əyani surətdə izləməsi, idmançılarımıza mənəvi və maddi dəstək verməsi, onları ruhlandırması da vacib məqam kimi vurğulanmalıdır.

Prezident cənab İlham Əliyev idmana yüksək qayğının nümunəsi kimi idmançılar üçün Prezident təqaüdü, dövlət başçısının göstərişi əsasında isə Milli Olimpiya Komitəsi respublikanın adlı-sanlı idmançıları üçün aylıq təqaüd təsis etmişdir.

Ölkə Prezidentinin böyük diqqət və qayğısı idmançılarımızı yeni-yeni qələbələrə ruhlandırır.

Yeni Azərbaycan Partiyası Ağdam rayon təşkilatının

sədri Mansur Quliyev

Paylaş:

Baxılıb: 771 dəfə