YAP Laçın rayon təşkilatı “Şuşa ili-Zəfər qurultayı” ilə əlaqədar konfrans keçirib

Bakı:

24 °C

83 %

5 m/s

Əlaqə

AZ RU EN

Ana səhifə / YAP xəbərləri / YAP Laçın rayon təşkilatı “Şuşa ili-Zəfər qurultayı” ilə əlaqədar konfrans keçirib

YAP Laçın rayon təşkilatı “Şuşa ili-Zəfər qurultayı” ilə əlaqədar konfrans keçirib

27.04.2022 [15:52]

27 aprel 2022-ci il tarixdə YAP Laçın rayon təşkilatı "Şuşada keçirilən Dünya Azərbaycanlılarının V Qurultayı- Zəfər Qurultayı dünyanın diqqətini bir daha Qarabağa yönəltdi” mövzusunda konfrans keçirdi. Konfransda YAP Laçın rayon təşkilatının ərazi partiya təşkilatının sədrləri, ictimaiyyət nümayəndələri, ziyalılar iştirak etmişdir. Konfransı giriş sözü ilə açan YAP Laçın rayon təşkilatının sədri İlqar İlyasov çıxış edərək bildirdi ki, Şuşada keçirilən Zəfər qurultayı dünyaya yeni bir pəncərə açdı.

Şuşa şəhərində Dünya Azərbaycanlılarının V Qurultayı - Zəfər Qurultayının keçirilməsi Azərbaycan tarixinə yazılan qürurverici tədbirlərdən biridir. İ. İlyasov V qurultayda Azərbaycan Respublikası Prezidenti cənab İlham Əliyevin geniş və məzmunlu nitqinə istinadən bildirdi ki Azərbaycan dünyaya necə sülhsevər olmağı, tolerantlığı səbri- təmkini və qətiyyəti nümayiş etdirməklə yanaşı, vətənini , torpağını sevməyi qorumağı, ona əl uzadanın, düşmən gözü ilə baxanların layiqli dərsini verməyi də nümayiş etdirdi. Dünyanın mədəniyyət incilərindən olan qədim Şuşamızda bu cür təntənəli tədbirin keçirilməsi həm də ermənilərin bu vaxtadək tarixə saxtakarcasına yamaq edilmək xülyalarını məhv etdi. Bütün dünyaya Azərbaycanın qədim Şuşa şəhərindən verilən bir mesaj oldu. Daha sonra çıxış edən 52 saylı ƏPT-nin sədri Şəbnəm Uğurlu qeyd etdi ki, dünya azərbaycanlılarının V qurultayının Şuşada keçirilməsi hər bir azərbaycanlının reallaşan arzusudur. Ş. Uğurlu, cənab Prezidentin qurultaydakı tarixi çıxışına istinad edərək bildirdi ki, tarixi missiyanı həyata keçirən bizim qəhrəman övladlarımız tarix qarşısında, xalq qarşısında, Vətən qarşısında misilsiz xidmətlər göstərmişdir. Müstəqillik dövründə yetişən gənclər tarixi müjdəni Azərbaycan xalqına bəxş etmişdir. Çıxış edən 12 saylı ƏPT-nin sədri Fəxrəddin Bayramov, Şuşada gedən quruculuq işlərindən, dəyişən, yeniləşən Şuşamızdan, onun tarixi keçmişindən və ölkə başçısının rəhbərliyi ilə həyata keçirilən yenidənqurma işlərindən danışdı. Tədbirin sonunda 2 saylı ƏPT-nin sədr müavini Şamo Qasımov çıxış edərək bildirdi ki, Azərbaycan xalqı cənab Prezidentin rəhbərliyi ilə öz gücünü ortaya qoydu, ədaləti, beynəlxalq hüququ bərpa etdi. Bütün dünyaya sübut etdi ki, biz böyük xalqıq və Azərbaycan xalqı heç vaxt işğalla barışmaq fikrində deyildi.

Paylaş:

Baxılıb: 770 dəfə