YAP Binəqədi rayon təşkilatında Dövlət Qulluqçularının Peşə Bayramı Günü münasibətilə görüş keçirildi

Bakı:

18 °C

94 %

3 m/s

AZ RU EN

Ana səhifə / YAP xəbərləri / YAP Binəqədi rayon təşkilatında Dövlət Qulluqçularının Peşə Bayramı Günü münasibətilə görüş keçirildi

YAP Binəqədi rayon təşkilatında Dövlət Qulluqçularının Peşə Bayramı Günü münasibətilə görüş keçirildi

24.06.2022 [11:17]

23 iyun 2022-ci il tarixində Yeni Azərbaycan Partiyası Binəqədi rayon təşkilatında partiya üzvü olan bir qrup dövlət qulluqçusu ilə görüş keçirildi. Görüşdə YAP Binəqədi rayon təşkilatının sədri Vüsar İsmayılov, Binəqədi Rayon İcra Hakimiyyəti başçısının birinci müavini Leysan Məmmədov, Binəqədi RİH başçısının müavini Sevinc Süleymanova, partiyanın rayon təşkilatının və rayon icra hakimiyyətinin kollektivinin nümayəndələri iştirak etdilər.

Görüşü giriş nitqi ilə açan YAP Binəqədi rayon təşkilatının sədri Vüsar İsmayılov bütün qonaqları salamladı. Rayon təşkilatının sədri bildirdi ki, Azərbaycan Respublikasının Prezidenti cənab İlham Əliyevin 2006-cı il 25 may tarixli Sərəncamı ilə 23 iyun tarixi Azərbaycanda Dövlət Qulluqçularının Peşə Bayramı Günü elan edilib. Ölkəmizdə bütün peşə sahiblərinə olduğu kimi, dövlət qulluqçularına da yüksək etimad mühiti formalaşıb və onlar daim dövlətimizin qayğısı ilə əhatələnib. Dövlət qulluqçuları da dövlətimiz tərəfindən onlar üçün yaradılan şəraitdən yararlanaraq dövlətimizə və xalqımıza ləyaqətlə və vicdanla xidmət edirlər. Vüsar İsmayılov partiyanın Binəqədi rayon təşkilatının sıralarında təmsil olunan dövlət qulluqçularının fəallıqları ilə seçildiklərini diqqətə çatdıraraq, bütün dövlət qulluqçularını bu əlamətdar gün münasibətilə təbrik etdi, onlara uğurlar arzuladı.

Binəqədi Rayon İcra Hakimiyyəti başçısının birinci müavini Leysan Məmmədov, Binəqədi RİH başçısının müavini Sevinc Süleymanova göstərilən diqqətə görə rayon təşkilatının rəhbərliyinə təşəkkür etdilər. Dövlət qulluğu peşəsinin şərəfli və məsuliyyətli olduğunu, bu vəzifənin öhdəsindən layiqincə gəlmək, dövlətimizə və xalqımıza xidmət naminə səylə çalışdıqlarını bildirdilər. Dövlət qulluqçusu peşəsinin onlar üçün imtiyaz deyil, xalq xidmət imkanı olduğunu qeyd etdilər.

Çay süfrəsi ətrafında keçirilən görüşdə, həmçinin rayon icra hakimiyyətinin şöbə müdirləri və YAP Binəqədi rayon təşkilatının əməkdaşları çıxış edərək fikirlərini bölüşdülər, fikir mübadiləsi aparıldı.

Görüşün sonunda YAP Binəqədi rayon təşkilatının sədri Vüsar İsmayılov tərəfindən Binəqədi RİH kollektivinə ünvanlanan təbrik məktubu, eləcə də bir qrup dövlət qulluqçusuna fəxri fərmanlar təqdim edildi.

Paylaş:

Baxılıb: 565 dəfə