Azərbaycan bayrağı daim sülh səmasında dalğalanacaqdır

Bakı:

23 °C

73 %

2 m/s

Əlaqə

AZ RU EN

Ana səhifə / YAP xəbərləri / Azərbaycan bayrağı daim sülh səmasında dalğalanacaqdır

Azərbaycan bayrağı daim sülh səmasında dalğalanacaqdır

04.11.2022 [11:40]

Azərbaycan Respublikasının Dövlət Bayrağı Azərbaycan Dövlətinin suverenliyi rəmzidir. Möhtərəm Prezident cənab İlham Əliyevin sərəncamını ilə hər il 9 noyabr ölkəmizdə Dövlət Bayrağı Günü kimi qeyd edilir. Milli Bayraq gününün ölkəmizdə təntənə ilə qeyd olunması dünyanın ayrı-ayrı ölkələrinə səpələnmiş 50 milyondan çox Azərbaycanlının sonsuz sevincinə səbəb olmuşdur. Çünki bu əziz günün qeyd olunması bir millətin özünüdərki, qeyrəti, məsləki və əqidəsidir.

Tarix sübut edir ki, dövlətin müstəqilliyini qoruyub saxlamaq onu qazanmaq qədər çətindir. Xalqımız öz tarixi müstəqilliyini bərpa etmək üçün uzun illər ərzində çox çətinliklərə sinə gərmiş, son dərəcə ağır faicələrlə üz-üzə qalmış, lakin bütün bunlara baxmayaraq, öz qürurunu, ləyaqətini itirməmiş, milli dəyərlərini qorumaqla qüdrətini bir daha sübuta yetirmiş, müstəqillik haqqına sahib olmuşdur.

1918-ci ilin iyunun 24-də üzərinə ağ rəngli aypara və səkkizguşəli ulduz təsviri olan qırmızı rangli Dövlət Bayrağı qəbul edilmişdir. Yuxarıda qeyd etdiyimiz kimi, həmin ilin noyabrında isə üçrəngli, ay-ulduzlu Dövlət Bayrağımız qəbul edilmişdir.

1991-ci il fevralın 5-də isə Azərbaycan Respublikasının Dövlət bayrağı kimi Azərbaycan Demokratik Respublikası dövründə qəbul edilmiş üçrəngli bayraq bərpa olunmuşdur. Azərbaycanın üçrəngli bayrağı ikinci dəfə ümummilli lider Heydər Əliyevin sədrliyi ilə keçən Naxçıvan Muxtar Respublikası Ali Sovetinin iclas zalında qaldırıldı. Azərbaycan üçrəngli bayrağı 1990-ci il noyabrın 17-də Naxçıvan Muxtar Respublikanın dövlət bayrağı kimi qəbul edildi. Eyni zamanda, Naxçıvan Muxtar Respublikası Ali Soveti Azərbaycan SSR Ali Soveti qarşısında üçrəngli bayrağın Azərbaycanın rəsmi dövlət rəmzi kimi tanınması haqqında vəsatət qaldırdı.

Dövlət bayrağı haqqında məsələ Azərbaycan Respublikası Konstitusiyasında təsbit edilmişdir. Konstitusiyanın 23-cü maddəsinin I bandində göstərilir ki, “Azərbaycan Respublikasının Dövlət Bayrağı bərabər enli üç üfiqi zolaqdan ibarətdir. Yuxarı zolaq mavi, orta zolaq qırmızı, aşağı zolaq yaşıl rəngdədir və qırmızı zolağın ortasında bayrağın hər iki üzündə ağ rəngli aypara va sakkizguşəli ulduz tasvir edilmişdir. Bayrağın eninin uzunluğuna nisbəti 1:2-dir

Millət və dövlət kimi varlığımızın sübutu, atalarımızın əmanəti olan, uğrunda minlərlə vətən övladının canından keçdiyi bayrağımızı sevirik və bundan sonra da sevməliyik. Onu bundan sonra da son damla qanımıza qədər qoruyacaq və uca tutacağıq. Namusumuz. qeyrətimiz, şöhrətimiz olan bayrağımız ucaldıqca biz də ucalacağıq.

YAP Tərtər rayon təşkilatının sədri Eldar Əsədov