Soçi görüşündə Ermənistanın bütün cəhdlərinin qarşısı alındı

Bakı:

28 °C

34 %

6 m/s

Əlaqə

AZ RU EN

Ana səhifə / YAP xəbərləri / Soçi görüşündə Ermənistanın bütün cəhdlərinin qarşısı alındı

Soçi görüşündə Ermənistanın bütün cəhdlərinin qarşısı alındı

04.11.2022 [11:43]

Azərbaycan xarici siyasətində hər zaman öz qonşuları ilə olan münasibətlərə xüsusi əhəmiyyət verir. Rusiya ilə Azərbaycan arasında münasibətlərin yüksələn xətlə inkişaf etməsi də bunun bariz nümunələrindən biridir. Azərbaycan və Rusiya prezidentlərinin siyasi iradəsi, müdrikliyi və uzaqgörənliyi sayəsində daim ölkələrimiz arasında qarşılıqlı hörmət və etimadın yüksək səviyyəsinə nail olunmuş və ikitərəfli qarşılıqlı əməkdaşlıqda əldə olunan uğurları, əsasən bu faktlar müəyyənləşdirmişdir. Azərbaycanla Rusiya Federasiyası arasında dialoqun müasir mərhələsi bölgə xalqlarının sıx əməkdaşlığına şərait yaradır. Hər iki ölkənin rəsmi nümayəndələri və dövlət başçıları səviyyəsində gedən danışıqlar çoxtərəfli münasibətlərin inkişafı, mövcud problemlərin həlli prosesini davam etdirmək üçün olduqca zəruri amildir. Cənab Prezidentimiz İlham Əliyevlə Rusiya Prezidenti Vladimir Putin arasında intensiv görüşlər ikitərəfli münasibətləri ətraflı müzakirə etmək və müsbət dinamikanı artırmaq imkanı yaradır. Belə görüşlərdən biri də oktyabrın 31-də Rusiya Federasiyasının Prezidenti Vladimir Putinin dəvəti ilə Soçi şəhərinə baş tutan işgüzar səfərdir. Səfər çərçivəsində cənab Prezidentimizlə Vladimir Putin arasında regional məsələlərə həsr olunmuş ikitərəfli görüş, daha sonra isə Ermənistan Respublikasının baş naziri Nikol Paşinyanın da iştirak etdiyi üçtərəfli görüş baş tutub. Görüş Azərbaycan Respublikasının Prezidenti cənab İlham Əliyev və Ermənistanın baş naziri Nikol Paşinyanın təşəbbüsü ilə Soçidə təşkil edilib. Üçtərəfli görüşün məqsədi isə 2020-ci il 9 noyabr, 2021-ci il 11 yanvar və 26 noyabr tarixli üçtərəfli bəyanatların həyata keçirilməsinin gedişatını təmin etmək olmuşdur. Bu görüş bütövlükdə vəziyyətin nizamlanması istiqamətində atılan addımlar üçün əlverişli şərait yaradır. Görüş zamanı humanitar məsələlər blokunun təxirə salınmadan həllinə yönəlmiş əlavə səylər göstərmək barədə razılaşma əldə olunub. Soçi görüşü zamanı Ermənistanın bütün cəhdlərinin qarşısı alındı və ölkəmiz növbəti diplomatik qələbə qazandı.

Biz münasibətlərin normallaşdırılması, sülhün, sabitliyin, təhlükəsizliyin və Cənubi Qafqazın davamlı iqtisadi inkişafının təmin edilməsi naminə göstərilən bütün razılaşmalara sadiqik. Ölkəmiz uzun illərdir ki, regionla bağlı xarici siyasətində ikitərəfli münasibətlərə daha çox önəm verir. 2020-ci ildə imzalanmış üçtərəfli Bəyannamə çoxillik münaqişəyə son qoydu. İndi isə Azərbaycan və Ermənistan arasında münasibətlərin normallaşması istiqamətində hərəkət etməyin vaxtı yetişib. Biz Ermənistan ilə münasibətlərin normallaşmasının əsası olan 5 əsas prinsipi irəli sürmüşük. Bunlar beynəlxalq hüququn fundamental prinsipləridir və bu əsasda normallaşmaya nail olmaq mümkündür. Azərbaycan və Ermənistan arasında münasibətlərin normallaşması çox ciddi addımlar tələb edən formatdır. Şübhəsiz ki, bütün problemli məsələlər güc tətbiq etmədən BMT Nizamnaməsinə və 1991-ci il Alma-Ata Bəyannaməsinə uyğun olaraq suverenliyin, ərazi bütövlüyünün və sərhədlərin toxunulmazlığının qarşılıqlı tanınması əsasında müzakirə edilməklə həll olunmalıdır. Davamlı və uzunmüddətli sülhə nail olmaq məqsədilə Azərbaycan və Ermənistan arasında sülh müqaviləsinin bağlanmasına hazırlıq işləri daha da fəallaşdırılmalı və mövcud təkliflər əsasında məqbul həll yollarının axtarışı davam olunmalıdır. Rusiyanın köməyi ilə Azərbaycan və Ermənistan ictimaiyyətinin və ekspert birliklərinin nümayəndələrinin və eləcə də dini liderlərin arasında dialoqu davam etdirmək, iki ölkənin xalqları arasında etimadı möhkəmlətmək məqsədilə üçtərəfli parlamentlərarası əlaqələrin başlanması üçün müsbət ab-havanın formalaşdırılması vacibdir.

YAP Xəzər rayon təşkilatının sədri Namiq Əhmədov

Paylaş:

Baxılıb: 693 dəfə