Böyük Qayıdışa dair I Dövlət Proqramı Qarabağın bərpasına böyük töhfədir

Bakı:

16 °C

88 %

4 m/s

Əlaqə

AZ RU EN

Ana səhifə / YAP xəbərləri / Böyük Qayıdışa dair I Dövlət Proqramı Qarabağın bərpasına böyük töhfədir

Böyük Qayıdışa dair I Dövlət Proqramı Qarabağın bərpasına böyük töhfədir

19.12.2022 [17:08]

Ramil Orucov,

YAP Gəncə şəhər təşkilatının sədri

Müstəqil Azərbaycan bu gün inkişafının ən qüdrətli dövrünü yaşayır. Prezident, Müzəffər Ali Baş Komandan cənab İlham Əliyevin rəhbərliyi ilə ölkəmizin artan iqtisadi inkişafı sayəsində Böyük Qayıdış proqramı çərçivəsində “ağıllı şəhər”, “ağıllı kənd” layihələri icra edilir, el-obasından didərgin düşmüş soydaşlarımız evlərinə qayıdır. Qarabağı və Şərqi Zəngəzuru yenidən qurmaq, 30 ildir doğma yurd həsrəti ilə yaşayan soydaşlarımızı doğma yurd-yuvalarına qovuşdurmaq Azərbaycan dövlətinin hazırda ən mühüm prioritet vəzifələrindəndir.

Ölkə Prezidentinin tarixi sərəncamı ilə “Azərbaycan Respublikasının işğaldan azad edilmiş ərazilərinə Böyük qayıdışa dair I Dövlət Proqramı" bu istiqamətdə atılan əhəmiyyətli addımdır.

Xalqına 30 illik həsrətdən sonra qələbə sevincini yaşadan Ali Baş Komandan, Prezident İlham Əliyevin rəhbərliyi ilə işğaldan azad edilmiş ərazilərimizin dirçəldilməsi, Qarabağ və Şərqi Zəngəzurun cənnətə çevirməsi Ulu öndər Heydər Əliyevin yaratdığı müstəqil Azərbaycan dövlətinin yürütdüyü siyasətin əməli təzahürüdür.

30 illik işğal dövründə ərazilərimiz ermənilər tərəfindən böyük talançılıq, dağıntılara məruz qalıb. İşğal dövründə Azərbaycanın şəhərləri, qəsəbələri, kəndləri və digər yaşayış məntəqələrini, o cümlədən infrastrukturu tamamilə dağıdılıb, milli-mədəni irsimiz məhv edilib, təbii sərvətlərimiz talan edilib, iqtisadiyyatımıza əhəmiyyətli dərəcədə zərər vurulub, bir milyondan artıq soydaşımız öz dogma yurdlarından didərgin düşüb.

Müstəqil siyasət yürüdən qalib ölkəmizin tarixi zəfərdən sonra milli-strateji vəzifə kimi qarşımızda duran ən mühüm məsələlərdən biri xalqımızın üzün illərdir gözlədiyi Böyük Qaydıdışın reallaşdırılmasıdır. Qarşıya qoyulan məqsədlərə çatmağa kömək edəcək bu mühüm yol xəritəsi ölkəmizin 2032-ci ilə qədər 5 milli prioritetlərdən biri kimi uğurla həyata keçirilməkdədir. Ölkə başçımız cənab İlham Əliyevin əzmi və qətiyyəti, uzaqgörən siyasəti sayəsində işğaldan azad olunmuş ərazilərimiz qısa müddət ərzində sülh, əməkdaşlıq və təhlükəsizlik bölgəsinə çevirilib. Erməni faşistləri tərəfindən, viran qoyulmuş şəhər və kəndlərimiz, tarixi, mədəni, dini abidələrimiz bərpa olunur. İlk növbədə ərazilərin minalardan və partlamamış hərbi sursatlardan təmizlənməsinə start verilib. Böyük qələbədən iki il keçməsinə baxmayaraq düşmənin işğaldan azad edilmiş torpaqlarda basdırdıqları minalardan təmizlənməsi bu gün də davam edir.

Böyük rəmzi məna daşıyan Zəngilan rayonunun Ağalı kəndində “Ağıllı kənd” layihəsinin birinci mərhələsinin başa şatdırılması Böyük Qayıdış prosesinin daha da sürətləndiyinin, mənfur düşmənin 30 il ərzində xarabalığa çevirdiyi torpaqlarda normal həyatın tezliklə bərqərar olmasının zəmanətidir. “Böyük qayıdış”ın astanasında olan yurddaşlarımızın doğma yurd həsrətinə birdəfəlik son qoyulur. Ata-baba yurdlarından didərgin salınmış həmvətənlərimiz isti ocaqlarına qayıtmağa hazırlaşırlar.

Azad edilmiş torpaqlarımızın çiçəklənən bir diyara çevrilməsi istiqamətində qətiyyətli və sürətli işlərin aparılması Ulu Öndər Heydər Əliyevin dövründən təməli qoyulan və bu gün Prezident cənab İlham Əliyev tərəfindən məharətlə davam etdirilən düzgün və məqsədyönlü siyasətin ilbəil öz bəhrəsini verməsi nəticəsində reallığa çevrilir.

“Azərbaycan Respublikasının işğaldan azad edilmiş ərazilərinə Böyük qayıdışa dair I Dövlət Proqramı" doğma torpaqlarına qayıdacaqları anı çox səbrsizliklə gözləyən soydaşlarımızın öz yurd-yuvalarında məskunlaşmasını sürətləndirəcək və işğaldan azad edilmiş ərazilərimizin iqtisadi potensialını milli iqtisadiyyatımızla bütövləşdirəcək. İşğaldan azad edilmiş digər şəhər və kəndlərimiz də çox tez bir zamanda inkişaf edəcək, arzuladığımız kimi dirçələcək, nəinki Azərbaycanın, dünyanın ən gözəl məkanlarından birinə çevriləcək. İllərdir düşmənin dağıdaraq viran qoyduğu yurd yerlərimizə ayaq basanda işğalın ağır nəticələri, ağrı-acıları ilə deyil, gözəlliklərlə, doğma el-obalarına qayıtmış soydaşlarımızın çöhrəsindəki xoş təbəssümlə qarşılaşacağıq.

44 günlük Vətən müharibəsində qazandığımız böyük Zəfərimizin davamı olan Qarabağda quruculuq işlərinin geniş vüsət alması güclü dövlətimizin, güclü liderimizin sayəsində mümkün olub. Qüdrətli Azərbaycan dövlətinin hədəfi düşmən əsarətindən azad olan əraziləri çiçəklənən diyara çevirməkdir.

Paylaş:

Baxılıb: 440 dəfə