Azərbaycan və Macarıstan geniş iqtisadi potensiala malik ölkələrdir

Bakı:

21 °C

83 %

1 m/s

Əlaqə

AZ RU EN

Ana səhifə / YAP xəbərləri / Azərbaycan və Macarıstan geniş iqtisadi potensiala malik ölkələrdir

Azərbaycan və Macarıstan geniş iqtisadi potensiala malik ölkələrdir

02.02.2023 [11:28]

Azərbaycanın strateji müttəfiqi sayılan Macarıstan da ölkəmizin Avropa İttifaqında ən etibarlı tərəfdaşlarından biridir. Ölkələrimiz qarşılıqlı münasibətlərdə və beynəlxalq təşkilatlar çərçivəsində bir-birini daim dəstəkləyir. Hazırda Azərbaycan Macarıstanla bir çox sahələrdə fəal əməkdaş edir. 1991-ci il dekabrın 26-da Azərbaycan Respublikasının müstəqilliyini tanıyan Macarıstanla çoxtərəfli platformada, xüsusilə BMT, ATƏT, NATO, Aİ, Şərq Tərəfdaşlığı, Vişeqrad Qrupu, Türk Dövlətləri Təşkilatı çərçivəsində davamlı əməkdaşlıq əlaqələri mövcuddur. Azərbaycan-Macarıstan münasibətləri dostluğa, qardaşlığa, dövlətlərin və xalqların firavanlığına, inkişafına əsaslanır. Qarşılıqlı əməkdaşlıq bu gün də davam edir və hər iki ölkə əlaqələrin daha da möhkəmləndirilməsi üçün ciddi tədbirlər həyata keçirməkdədir.

Möhtərəm Prezidentimiz cənab İlham Əliyevin yanvarın 29-da Macarıstan Prezidenti xanım Katalin Novakın dəvəti ilə Macarıstana rəsmi səfəri, səfər çərçivəsində Macarıstan Prezidenti xanım Katalin Novak və Baş nazir Viktor Orbanla həm təkbətək, həm də geniş tərkibdə görüşləri, iki ölkə arasında əlaqələrin gələcək inkişafı üçün vacib olan sənədlərin imzalanması münasibətlərin dünəninə baxış əsasında qarşıda dayanan hədəflərə işıq saldı. Bu səfər Prezident İlham Əliyevin dövlət başçısı kimi Macarıstana dördüncü səfəridir. Budapeştdə Macarıstanın Baş naziri Viktor Orban və Azərbaycan Respublikasının Prezidenti İlham Əliyev mətbuata bəyanatla çıxış ediblər. Baş nazir Viktor Orban bəyanatında Azərbaycan ilə Macarıstanın rəhbərləri arasında keçirilən görüşlərin müstəsna əhəmiyyətə malik olduğunu vurğulayaraq birgə çalışdıqları ötən 10 ildə ölkələrimizin bir–birinə daha da yaxınlaşdırılması, əməkdaşlığın dərinləşdirilməsi istiqamətində göstərilən səyləri yüksək dəyərləndirib. Azərbaycanın Avropanın strateji tərəfdaşı olduğunu diqqətə çatdıran Macarıstan hökumətinin başçısı ölkəmizin üzərinə götürdüyü öhdəliklərə sadiqliyini yüksək qiymətləndirərək Avropa İttifaqı ilə imzalanmış müvafiq sənədə əsasən, 2027-ci ilə qədər nəql ediləcək qazın həcminin iki dəfə artırılacağını bildirib. Möhtərəm Prezidentimiz cənab İlham Əliyev qeyd edib ki, Azərbaycanın uzun illər ərzində apardığı uğurlu siyasət, birgə addımlar bu gün enerji sahəsində əməkdaşlıq üçün çox güclü zəmin yaradıb. Enerji təhlükəsizliyi məsələlərinin bugünkü dünyada xüsusi əhəmiyyət daşıdığını diqqətə çatdıran Prezident İlham Əliyev qeyd edib ki, zəngin neft-qaz resurslarımız imkan verir ki, Azərbaycan təbii qazla bağlı ən azı yüz il bundan sonra Avropa üçün etibarlı tərəfdaş olsun.

Səfər çərçivəsində imzalanmış bir sıra mühüm sənədlər ölkələrimiz arasında strateji tərəfdaşlığın ən yüksək səviyyəyə çatmasına, Azərbaycan–Macarıstan iqtisadi əlaqələrinin yeni inkişaf mərhələsinə qədəm qoymasına başlamaq üçün yaxşı zəmin hazırlayır. Bütövlükdə isə, Prezident İlham Əliyevin dost ölkəyə səfəri yüksək səviyyədə olan əlaqələrin inkişafına və qarşılıqlı maraq doğuran sahələrdə əməkdaşlığın daha da gücləndirilməsinə töhfə verəcək. Azərbaycan Prezidentinin Macarıstan səfəri ölkəmizin xarici siyasi və iqtisadi əlaqələrinə müsbət təsir göstərməklə bərabər, respublikamızın tərəfdaşlıq və əməkdaşlıq baxımından yerini və rolunu da möhkəmləndirəcək.

YAP Tərtər rayon təşkilatının sədri Eldar Əsədov

Paylaş:

Baxılıb: 583 dəfə