Etimad mühiti

Bakı:

25 °C

61 %

5 m/s

Əlaqə

AZ RU EN

Ana səhifə / YAP xəbərləri / Etimad mühiti

Etimad mühiti

17.02.2023 [14:52]

Fevralın 13-də “Gülüstan” sarayında keçirilən müstəqillik dövrünün 1280 MVt gücündə ən böyük İstilik Elektrik Stansiyasının təməlqoyma mərasimi Azərbaycanın, eyni zamanda, Avropanın enerji təhlükəsizliyinin təminatında növbəti addım kimi dəyərləndirilir. Bu kimi mühüm addımlar, həmçinin ölkəmizin beynəlxalq aləmdə yeri və roluna, əməkdaşlıq əlaqələrinin bugünkü inkişaf səviyyəsinə də işıq salır.

Azərbaycanın Avropa İttifaqı, eyni zamanda, quruma üzv dövlətlər ilə əlaqələri yüksələn xətlə inkişaf edir. Hər zaman bu mühüm məqam qeyd edilir ki, dövlətimizin siyasətində Avropa dövlətləri ilə əməkdaşlıq prioritetdir. Bu əlaqələrdə enerji amili mühüm rol oynayır. Azərbaycanın malik olduğu enerji resurslarından səmərəli istifadəsi, eyni zamanda, iştirakçısı və təşəbbüsçüsü olduğu enerji layihərinin hər birinin uğurlu sonluqla başa çatdırmaqda maraqlı olması daim dünyanın diqqətindədir. Ölkəmizin yeni dostlar, tərəfdaşlar qazanmasında da hər zaman münasibətlərdə etimad mühitinin qorunması əsas rol oynayır. Bu isə ölkəmizin etibarlı tərəfdaş kimi nüfuz qazanmasında öz sözünü deyir. Bu baxımdan İtaliya şirkətinin yeni stansiyanın inşasında iştirakı təsadüfi deyil. İtaliya Azərbaycanın strateji tərəfdaşıdır. İtaliya ilə Azərbaycan arasında strateji tərəfdaşlığa dair iki sənəd imzalanıb. Ümumilikdə Azərbaycanla Avropa ittifaqına üzv olan 9 dövlət arasında Starteji Tərəfdaşlığa dair səqnəd imzalanıb. Bu isə öz növbəsində həm həmin ölkələr arasında ikitərəfli əməkdaşlığın, həm də Avropa İttifaqı ilə əlaqələrin inkişafında əhəmiyyətli rol oynayır. İtaliya daim ölkəmizlə Avropa İttifaqı arasında əməkdaşlığın yüksələn xətlə inkişafına öz töhfələrini verməyə səy göstərir.

İtaliya Cənub Qaz Dəhizi layihəsinin 7 iştiakçısından biridr. İki il bundan öncə, 2020-ci il dekabrın 31-də Cənub Qaz Dəhlizinin əsas tərkib hissələrindən biri olan TAP istifadəyə verildi. Dövlət başçısı İlham Əliyev sözügedən təməlqoyma mərasimində bu məqamlara diqqəti yönəldərək bildirdi ki. bütövlükdə Azərbaycanla İtaliya arasında energetika sahəsində əməkdaşlıq ənənəvidir: “Azərbaycan neftinin böyük hissəsi İtaliya bazarına çatdırılır və iki ildən artıqdır ki, Azərbaycan qazı İtaliya bazarına çatdırılır. TAP layihəsi bizim birgə uğurumuzdur. Cənub Qaz Dəhlizinin başlanğıcı Azərbaycanın Xəzər dənizindəki sektorudursa, bunun son məntəqəsi İtaliyadır və yol boyunca bir neçə ölkə Azərbaycan qazından faydalanır. O cümlədən Avropanın yeni ehtiyaclarını nəzərə alaraq və keçən il Avropa Komissiyası ilə Azərbaycan arasında imzalanmış sənədə əsasən, biz Avropa məkanına təbii qazın həcminin artırılmasını təmin edəcəyik. Əlbəttə ki, burada TAP layihəsinin iki dəfəyədək genişləndirilməsi məsələsi gündəlikdədir.”

Azərbaycan-İtaliya əməkdaşlığının yüksək səviyyədə olması bütün sahələrdə özünü qabarıq şəkildə büruzə verir. Hazırda hər bir ölkə üçün enerji təhlükəsizliyinin əsas məsələlərdən olduğu bir vaxtda Azərbaycan-İtaliya əməkdaşlığı uğurlu sonluqla başa çatan, dünyanın təhlükəsizliyinə böyük töhfə olan layihələrdə özünün aydın ifadəsini tapır. İtaliyanın şirkətlər və “Made in Italy” naziri Adolfo Ursonun qeyd etdiyi kimi, Azərbaycan-İtaliyə əməkdaşlığında yeni səhifə açılır.

Etibar Hacıyev

YAP Ağstafa rayon təşkilatının sədri

Paylaş:

Baxılıb: 616 dəfə