Vətən müharibəsində qələbəmiz ilə Xocalı qurbanlarının qisasını aldıq

Bakı:

20 °C

64 %

3 m/s

Əlaqə

AZ RU EN

Ana səhifə / YAP xəbərləri / Vətən müharibəsində qələbəmiz ilə Xocalı qurbanlarının qisasını aldıq

Vətən müharibəsində qələbəmiz ilə Xocalı qurbanlarının qisasını aldıq

24.02.2023 [10:42]

“Öz amansızlığına, qəddarlığına görə bəşər tarixinə qanlı iz salmış, təkcə Azərbaycan xalqına deyil, bütün insanlığa qarşı yönəlmiş Xocalı qətliamından bizi 31 il ayırır. 1992-ci il fevralın 25-dən 26-na keçən gecə baş verən Xocalı soyqırımı bəşər tarixində ən qanlı faciələrdən biridir. Belə ki, 1992-ci il fevralın 25-dən 26-na keçən gecə Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Azərbaycanın tarixi Xocalı şəhərini işğal edərkən, etnik azərbaycanlılara qarşı baş vermiş soyqırımdır. Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib.[3] Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb. Əsir götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil. Hər ilin 26 fevral tarixini xalqımız böyük kədər hissi ilə qeyd edir. Bu acı tarix xalqımızın yaddaşından heç bir zaman silinməyəcək. Erməni faşizminin və vandalizminin daha bir sübutu olan bu soyqırımı insanlıq adına ən böyük ləkədir”.

Bu sözləri açıqlamasında Yeni Azərbaycan Partiyası Binəqədi rayon təşkilatının sədri Vüsar İsmayılov bildirib. Onun sözlərinə görə Prezident İlham Əliyev erməni millətçilərinin xalqımıza qarşı törətdikləri cinayətlər, o cümlədən Xocalı faciəsi haqqında həqiqətlərin dünya ictimaiyyətinə çatdırılması, onun soyqırımı kimi tanınması istiqamətində məqsədyönlü və ardıcıl addımlar atır. Bu gün Azərbaycanın müstəqil, suveren dövlət kimi inkişafı, regional və beynəlxalq miqyasda böyük uğurlara imza ataraq tərəqqi edən ölkələr sırasında yer alması dövlətimizin və xalqımızın əzminin və qətiyyətinin nümunəsidir. Heç bir qüvvə bu müdrik xalqın iradəsini qıra bilməz, sarsıda bilməz. Çünki Azərbaycan xalqı tarixin müxtəlif dövrlərində bir sıra dövlətlərin və xalqların məkrli əməllərinə məruz qalıb, lakin sınmayıb. əyilməyib və bütün tarixi sınaqlardan üzüağ çıxaraq müstəqilliyini daha da möhkəmləndirib, daha da inkişaf edərək öz qüdrətini sübut edib. Bu millət üçün Vətən, torpaq anlayışı ən müqəddəs məfhumdur.

Rayon təşkilatının sədri onu da bildirdi ki, faciə ilə bağlı həqiqətlərin dünya ictimaiyyətinə çatdırılması məqsədilə Heydər Əliyev Fondunun vitse-prezidenti Leyla xanım Əliyevanın təşəbbüsü ilə “Xocalıya Ədalət!” kampaniyası çərçivəsində də hər il silsilə tədbirlər reallaşdırılır. Bu istiqamətdə Heydər Əliyev Fondunun xidmətləri danılmazdır. Tarixi faktların dünyaya çatdırılması və maarifləndirmə tədbirlərinin həyata keçirilməsi olduqca vacibdir. Bu müqəddəs missiyanı öz çiyinlərinə götürən və layiqincə yerinə yetirən Leyla xanım Əliyevanın məqsədyönlü fəaliyyəti və təşəbbüsləri təqdirəlayiqdir.

Vüsar İsmayılov onu da vurğuladı kimi, Azərbaycanın Ümummilli Lideri Heydər Əliyev hər zaman qeyd edib ki, bu amansız və qəddar soyqırımı aktı insanlıq tarixinə ən qorxulu kütləvi terror aktlarından biridir. Biz bu tarixi unutmamalı və gələcək nəsillərə ötürməliyik. Gələcək nəsillərimiz Azərbaycanın tarixi keçmişini, başına gətirilən müsibətləri dərindən bilməli və həqiqətlərimizi dünyaya, beynəlxalq ictimaiyyətə çatdırmalıdır: “Xocalı faciəsi erməni millətçilərinin yüzilliklər boyu türk və Azərbaycan xalqlarına qarşı apardığı soyqırımı və etnik təmizləmə siyasətinin qanlı səhifəsidir. Qürurla qeyd etməliyik ki, 44 günlük müharibədə misilsiz igidlik nümunələri göstərən qəhrəman ordumuz Müzəffər Ali Baş Komandanın rəhbərliyi ilə Xocalı faciəsi qurbanlarının da qisasını aldı, şəhidlərimizin qanı yerdə qalmadı”.

Paylaş:

Baxılıb: 410 dəfə