YAP Kəlbəcər rayon təşkilatı "Heydər Əliyev ili" çərçivəsində silsilə tədbirlər keçirir

Bakı:

23 °C

73 %

1 m/s

Əlaqə

AZ RU EN

Ana səhifə / YAP xəbərləri / YAP Kəlbəcər rayon təşkilatı "Heydər Əliyev ili" çərçivəsində silsilə tədbirlər keçirir

YAP Kəlbəcər rayon təşkilatı "Heydər Əliyev ili" çərçivəsində silsilə tədbirlər keçirir

14.03.2023 [12:15]

"Heydər Əliyev ili" ilə əlaqədar Yeni Azərbaycan Partiyasının Mərkəzi Aparatı tərəfindən hazırlanan və İdarə Heyətinin qərarı ilə təsdiq edilmiş Tədbirlər Planı üzrə Ulu öndər Heydər Əliyevin zəngin irsinin öyrənilməsi və təbliği istiqamətində Statistika idarəsi, Kəlbəcər rayon Dövlət Arar İnkişaf Mərkəzi və rayon Heyvan xəstəlikləri və Baytarlıq xidməti idarələri üzrə Ərazi partiya təşkilatlarında "Ulu öndər Heydər Əliyevin zəngin irsi milli sərvətimizdir" mövzusunda tədbirlər keçirilmişdir.
Ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad edildi.

YAP Kəlbəcər rayon təşkilatının sədri Həbib Misirov çıxışında bildirdi ki, Ulu öndər Heydər Əliyevin banisi olduğu azərbaycançılıq məfkurəsi real müstəqilliyə nail olmaq, bütöv, bölünməz Azərbaycanı qoruyub saxlamaq, möhkəmləndirmək və gələcək nəsillərə ötürmək üçün əsas vasitədir. Dövlətçiliyini bərpa edən, azadlığına qovuşan Azərbaycan xalqının milli-mədəni inkişafı və ideologiyasının formalaşması da elə Ulu öndərin müstəqil respublikamıza rəhbərlik etdiyi dövrə təsadüf edir. Bu gün tam əminliklə deyə bilərik ki, Azərbaycan Prezidenti cənab İlham Əliyev bütün sahələrdə Ümummilli liderimizin siyasi kursunu uğurla davam etdirir, ölkəmiz yeni-yeni nailiyyətlərə imza atır. Bü Heydər Əliyevin ideyalarının real bəhrəsi, onların gerçəkləşməsidir.Heyvan xəstəlikləri və
Baytarlıq xidməti üzrə Ərazi Partiya təşkilatının sədri Mirzəli Məmmədov, Statistika idarəsi üzrə Ərazi Partiya Təşkilatının sədri Ramil Salmanov,Dövlət Aqrar İnkişaf Mərkəzi Ərazi Partiya Təşkilatının sədri Nicat Sadıqov və digər çıxış edənlər bildirdilər ki, müstəsna xidmətləri ilə əbədilik qazanan Ümummilli lider Heydər Əliyevin mənalı həyat yolu, zəngin və çoxşaxəli irsi tükənməz ibrət məktəbidir. Ötən illərə nəzər salarkən Azərbaycan xalqının öz müdrik liderinin rəhbərliyi ilə qazanmış olduğu mühüm tarixi nailiyyətlərin bir daha şahidi oluruq. Güclü siyasi iradəsi, qətiyyəti, uzaqgörənliyi, yüksək intellekti, əzmkarlığı, fədakarlığı və zəngin idarəçilik təcrübəsi Vətən qarşısında xilaskarlıq missiyasını uğurla yerinə yetirən Heydər Əliyev adını Azərbaycan tarixinə qızıl hərflərlə yazmışdır.
Sonda Yeni Azərbaycan Partiyası sıralarına yeni qəbul olunanlara üzvlük vəsiqələri və diplomlar təqdim edilmişdir.

Paylaş:

Baxılıb: 616 dəfə