YAP Kəlbəcər rayon təşkilatı “Heydər Əliyev İli” çərçivəsində tədbirlər keçirib

Bakı:

21 °C

83 %

3 m/s

Əlaqə

AZ RU EN

Ana səhifə / YAP xəbərləri / YAP Kəlbəcər rayon təşkilatı “Heydər Əliyev İli” çərçivəsində tədbirlər keçirib

YAP Kəlbəcər rayon təşkilatı “Heydər Əliyev İli” çərçivəsində tədbirlər keçirib

13.04.2023 [11:48]

“Heydər Əliyev İli” ilə əlaqədar Yeni Azərbaycan Partiyası Mərkəzi Aparatı tərəfindən hazırlanan və İdarə heyyəti tərəfindən təsdiq edilən Tədbirlər Planı çərçivəsində Ulu Öndərin irsinin öyrənilməsi və aşılanması məqsədi ilə silsiləli tədbirlər keçirdi.
12 aprel 2023-cü il tarixində Yeni Azərbaycan Partiyası Kəlbəcər rayon təşkilatı “Heydər Əliyev İli” çərçivəsində “Kəlbəcər rayon Mərkəzi Xəstəxanası” Publik Hüquqi Şəxsində Heydər Əliyev və Azərbaycan səhiyyəsi mövzusunda tədbir keçirildi.
YAP Kəlbəcər rayon təşkilatının sədri Həbib Misirov çıxış edərək bildirdi ki, Heydər Əliyev Azərbaycan xalqının milli sərvəti və müstəqil Azərbaycan dövlətinin memarıdır. Ulu öndərin yenidən hakimiyyətə qaydışı Azərbaycanı parçalanmaq, dağılmaq təhlükəsizndən xilas etdi. Ölkəmizdə rifahın, tərəqqinin əsası qoyuldu. Təsadüfi deyil ki, ulu öndər səhiyyə sektorunun inkişafına xüsusi önəm verirdi və bunu əsas prioritet istiqamətlərdən birinə çevirmişdi. Prezidentimiz insan sağlamlığını cəmiyyətimizin sərvəti hesab etməklə yanaşı, Azərbaycan səhiyyə sistemində aparılan islahatlara da yüksək dəyər verir. Ulu Öndərin diqqət yetirdiyi ən vacib məsələ - insanların sağlamlığının qorunması, gələcək nəslin sağlam böyüməsi bu gün də dövlət başçısı İlham Əliyevin daim nəzarətindədir.

“Kəlbəcər rayon Mərkəzi Xəstəxanası” Publik Hüquqi Şəxsinin direktoru Ənvər İmaməliyev cıxış edərək bildirdi ki, Ulu Öndər Heydər Əliyevin hakimiyyətə qayıdışından sonra bir sıra fərman və sərəncamların imzalanması, tibb sahəsində həyata keçirdiyi islahatlar səhiyyənin səmərəsinin intensivləşdirilməsinə baza yaratdı. Azərbaycanın müstəqilliyini əldə etməsindən keçən qısa müddət ərzində səhiyyə sahəsində ciddi uğurların əldə edilməsi həm də onunla izah edilir ki, hələ Heydər Əliyev səhiyyəmizin də yüksəlişini təmin etmiş, onun hərtərəfli inkişafı üçün tədbirlər həyata keçirmişdir!
Kəlbəcər rayon Gigiyena və Epidemiologiya Mərkəzinin direktru Adil Heydərov, Gülüşən Muradxanlı çıxış edərək bildirdilər ki, Ulu öndər bütün sahələrdə olduğu kimi Azərbaycanın səhiyyə sahəsini, onun ayrılmaz şaxələrindən olan Azərbaycan tibb elmi və tibb təhsili sistemini də daim diqqət mərkəzində saxlayırdı. Ulu Öndər Heydər Əliyevin prezidentliyi dövründə səhiyyəmizin maddi-texniki bazasının gücləndirilməsi istiqamətində də xeyli iş görüldü, o cümlədən bir sıra tibb müəssisələrində təmir-tikinti işləri aparıldı, bəzi səhiyyə ocaqları yeni avadanlıq və cihazlarla təchiz edildi.

Partiyanın həyatında və ictimai proseslərdə fəal olan üzvlərə Fəxri Fərmanlar təqdim edildi.

Paylaş:

Baxılıb: 724 dəfə