Böyük Vətən müharibəsində qələbənin əldə olunmasında Azərbaycan övladlarının xüsusi rolu olmuşdur

Bakı:

18 °C

88 %

3 m/s

AZ RU EN

Ana səhifə / YAP xəbərləri / Böyük Vətən müharibəsində qələbənin əldə olunmasında Azərbaycan övladlarının xüsusi rolu olmuşdur

Böyük Vətən müharibəsində qələbənin əldə olunmasında Azərbaycan övladlarının xüsusi rolu olmuşdur

10.05.2023 [12:05]

Bu bir reallıqdır ki, 1941-1945-ci illər Böyük Vətən müharibəsində qələbənin əldə olunmasında Azərbaycanın, Azərbaycan övladlarının olduqca mühüm rolu olmuşdur. Məlum olduğu kimi, bu Qələbədə böyük payı olan mərd , qəhrəman Azərbaycan xalqı cəbhəyə 600 mindən çox oğul və qızını yola salmışdır. Azərbaycan SSR ərazisində 87 batalyon, 1123 özünümüdafiə dəstəsi, həmçinin bir neçə milli diviziya formalaşdırılmışdır.

Müharibə illərində göstərdikləri igidliyə görə 42 nəfər azərbaycanlı Sovet İttifaqı Qəhrəmanı adına, 30 nəfər isə “Şöhrət” ordeninin hər üç dərəcəsinə layiq görülüb, 170 mindən çox əsgər və zabitimiz müxtəlif orden və medallarla təltif edilmişdir.

1941 – 1945- ci illər Böyük Vətən müharibəsində Azərbaycan övladları böyük rəşadət göstərərək adlarını müharibənin tarixinə qızıl hərflərlə yazıblar. Həzi Aslanov, İsrafil Məmmədov, Mehdi Hüseynzadə, Gəray Əsədov, Hüseynbala Əliyev, Züleyxa Seyidməmmədova, Ziya Bünyadov kimi qəhrəman övladlarımızın Böyük Vətən müharibəsində göstərdikləri qəhrəmanlıq, şücaət heç zaman yaddaşlardan silinməyəcək.

Böyük Vətən müharibəsində Azərbaycan xalqı ön cəbhədə olduğu kimi, arxa cəbhədə də misilsiz fədakarlıqlar göstərmişlər. Müharibəsinin ən böyük qəhrəmanlarından biri də Bakı neftçiləri olublar. Azərbaycan neftçiləri şücaət göstərərək cəbhəni və sənayemizi yanacaqla təmin ediblər.

1941-1945 – ci illər Böyük Vətən müharibəsində qələbənin əldə olunmasında Azərbaycanın xüsusi rolu olduğunu hər zaman vurğulamış ümummilli liderimiz Heydər Əliyev müharibə veteranlarının xidmətlərini çox yüksək qiymətləndirmişdir. Ulu öndər Heydər Əliyev müharibə iştirakçılarına xüsusi diqqət göstərmiş ,onların bütün problem və qayğıları ilə maraqlanmışdır .

Hər il ölkəmizdə 1941 – 1945- ci illər Böyük Vətən müharibəsində faşizm üzərində qazanılan qələbə dövlət səviyyəsində qeyd edilir.

Ulu öndərimiz Heydər Əliyevin əsasını qoyduğu mükəmməl siyasəti zamanın tələblərinə uyğun olaraq davam etdirən Prezident cənab İlham Əliyev də hər zaman müharibə veteranlarına və onların ailə üzvlərinin qayğı göstərir, onların bütün problemlərini diqqət mərkəzində saxlayır. Dövlətimizin başçısı mütamadi olaraq müharibə veteranları ilə görüşür, Böyük Vətən müharibəsi iştirakçıları, onların ailə üzvlərinin sosial vəziyyətinin yaxşılaşdırılması üçün yeni sərəncamlar imzalayır, qəhrəmanlarımızın əziz xatirəsini dərin ehtiramla anır.

1941-1945-ci illər Böyük Vətən müharibəsi iştirakçılarına, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi haqqında Prezident İlham Əliyev tərəfindən imzalanmış sərəncamlar ölkə rəhbərimizin qəhrəmanlarımıza nə qədər dəyər verdiyinin bir daha sübut edir.

Sahib Şükürov

YAP Göyçay rayon təşkilatının sədri

Paylaş:

Baxılıb: 583 dəfə