Qazaxda Heydər Əliyevin 100 illiyinə həsr olunmuş tədbir keçirildi

Bakı:

24 °C

43 %

3 m/s

Əlaqə

AZ RU EN

Ana səhifə / YAP xəbərləri / Qazaxda Heydər Əliyevin 100 illiyinə həsr olunmuş tədbir keçirildi

Qazaxda Heydər Əliyevin 100 illiyinə həsr olunmuş tədbir keçirildi

22.09.2023 [16:08]

2023-cü il sentyabr ayının 22-də Qazax rayon Gənclər Evində Ulu Öndər Heydər Əliyevin100 illiyinə həsr olunmuş tədbir keçirildi.

Tədbir iştirakçıları əvvəlcə Qazaxdakı Şəhidlər Xiyabanını və Ümummilli Lider, müasir müstəqil Azərbaycan dövlətinin banisi, Yeni Azərbaycan Partiyasının qurucusu Heydər Əliyevin abidəsini ziyarət edərək abidələrin önünə gül dəstələri düzərək dərin hörmət və ehtiramlarını bildirdilər və Heydər Əliyev Mərkəzini ziyarət etdilər.

Tədbir Dövlət Himninin səsləndirililməsi ilə başladı. Sonra Ulu Öndər Heydər Əliyevin və torpaqlarımızın işğaldan azad olunması, ərazi bütövlüyümüzün təmin olunması uğrunda canlarından keçmiş şəhidlərin əziz xatirəsi bir dəqiqəlik sükutla yad edildi.

Sonra Ulu Öndərin şərəfli və mənalı ömrünü əks etdirən 8 dəqiqəlik videoçarx nümayiş etdirildi.

YAP Qazax rayon təşkilatının sədri Anar Nəbiyev geniş məruzə ilə çıxış edərək bidirdi ki, Möhtərəm Prezidentimiz İlham Əliyevin Sərəncamı ilə 2023-cü il Azərbaycanda “Heydər Əliyev İli” elan olunmuşdur. Bu da müdrik Azərbaycan xalqının öz Böyük Oğluna, Dahi Rəhbərinə olan hörmət və ehtiramının, sevgi və sədaqətinin təcəssümüdür. Ulu Öndərimiz Heydər Əliyev müasir, müstəqil, demokratik, güclü və qüdrətli, hüquqi və dünyəvi dövlətin Azərbaycan modelinin müəllifidir. Ulu Ödərimizin mənalı ömrünün hər günü Dahi bir şəxsiyyət ömrünün şərəfli həyat salnaməsidir. Heydər Əliyev dünya siyasətini dərindən bilən, onu yönəltməyi bacaran, tarixi yazan və yaradan və onun zirvəsində durmağı bacaran tarixin nadir şəxsiyyətlərindəndir.

Qazax Rayon İcra Hakimiyyətinin başçısı Rəcəb Babaşov, Yeni Azərbaycan Partiyası İdarə heyətinin üzvü, Akademik Əli Quliyev adına Aşqarlar Kimyası İnstitutunun icraçı direktoru Əfsun Sucayev, Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, Milli Məclisin deputatı Ülviyyə Ağayeva, YAP Qazax rayon təşkilatının təsisçisi Abbas Göyüşov çıxış etdilər, partiya fəalı - şair Kazım Kazımlı, şair AYB üzvü Rüfət Axundlu, şair Cavanşir Rüstəm Ümummilli Lider Heydər Əliyevə həsr etdikləri şeirləri səsləndirdilər.

Qazax rayon Uşaq Gənclər İnkişaf Mərkəzinin dərnək üzvləri Ümummilli Lider Heydər Əliyevə həsr edilmiş şeirləri söylədilər.

Səmərəli fəaliyyətinə görə YAP Qazax rayon təşkilatının sədri Anar Nəbiyev Qazax Rayon İcra Hakimiyyəti Başçısının Sərəcamı ilə Fəxri Fəmanla təltif olundu.

Rayonun ictimai - siyasi həyatında fərqlənən fəallardan bir qrupu YAP Qazax rayon təşkilatının Fəxri Fərmanları ilə təltif olundular. YAP sıralarına yeni qəbul olunmuş gənc partiya üzvlərinə üzvlük vəsiqələri təqdim edildi.

Tədbirdə Yeni Azərbaycan Partiyasının Mərkəzi Aparatının məsul əməkdaşı Ramil Mirzəyev iştirak edirdi.

Paylaş:

Baxılıb: 484 dəfə