20 illik prezidentlik dövrünün möhtəşəm zəfər salnaməsi

Bakı:

26 °C

51 %

4 m/s

Əlaqə

AZ RU EN

Ana səhifə / YAP xəbərləri / 20 illik prezidentlik dövrünün möhtəşəm zəfər salnaməsi

20 illik prezidentlik dövrünün möhtəşəm zəfər salnaməsi

13.10.2023 [16:39]

13.10.2023-cü il tarixdə Samux rayonunda Prezident İlham Əliyevin 20 illik prezidentlik fəaliyyətinə həsr edilmiş “20 illik prezidentlik dövrünün möhtəşəm zəfər salnaməsi” mövzusunda YAP Samux rayon təşkilatının və Samux rayon İcra Hakimiyyətinin birgə təşkilatçılığı ilə Sərkar kənd Uşaq Musiqi Məktəbinin akt zalında tədbir keçirilib.

Tədbir Azərbaycan Respublikasının Dövlət Himninin səsləndirilməsi və müasir, müstəqil Azərbaycan Respublikasının banisi Ulu Öndər Heydər Əliyevin və ölkəmizin ərazi bütövlüyü, suverenliyi naminə canını qurban vermiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

Daha sonra Prezident İlham Əliyevin 20 illik fəaliyyətinə həsr edilmiş videoçarx nümayiş etdirilib.

Tədbiri giriş sözləri ilə açan Samux Rayon İcra Hakimiyyətinin başçısı Alı Qocayev qeyd etib ki,cənab İlham Əliyev Prezident seçildiyi ilk gündən etibarən bütün sahələrdə inkişafın təmin edilməsi üçün yerində, lazımi addımlar atmış, Azərbaycanı regionun lider dövlətinə çevirmək, onun beynəlxalq nüfuzunu artırmaq, dövlətimizi gücləndirmək və onu daha da qüdrətli etmək kimi vəzifələri həyata keçirməyə başlamışdır. Bu gün onun rəhbərliyi ilə ölkəmiz beynəlxalq aləmdə öz layiqli yerini tutub.

Tədbirdə geniş məruzə çıxış edən YAP Samux rayon təşkilatının sədri Gündüz Bayramov vurğulayıb ki, Azərbaycanın müstəqillik dövrünün ən parlaq, möhtəşəm illəri kimi yaddaşlarda əbədi qalacaq bu son 20 ildə respublikamız bütün parametrlər baxımından Cənubi Qafqazın lider dövləti səviyyəsinə yüksəlib və öz müstəqilliyini inamla möhkəmləndirmişdir. Bu gün dünyadakı məlum gərginliklər fonunda ölkəmiz sabitlik və inkişaf adası kimi fərqlənir. Bütün bu uğurların təməlində isə xalqımızın yeni əsrdəki yeni Liderinin - İlham Əliyevin qətiyyətli mövqeyi, səyləri, Onun ardıcıllıqla həyata keçirdiyi məqsədyönlü siyasət dayanır. Ərazi bütövlüyümüzün və suverenliyimizin bərpa olunması Prezident İlham Əliyevin siyasətinin şah əsərinə çevrilib.

Tədbirdə fəal partiya üzvləri Təhminə Əliyeva, Namiq Cəfərov və Gültəkin Qasımova çıxış edərək bildiriblər ki, Prezident Ilham Əliyev son 20 ildə xalqımızın Ümummilli Lideri Heydər Əliyev siyasətinə sonsuz sədaqət nümayiş etdirib, Onun ideyalarını yeni dövrün çağırışlarına uyğun daha da zənginləşdirib. Bu isə Azərbaycanın inkişafının təməlində dayanan əsas amildir.Diqqətə çatdırılıb ki, Ulu Öndər Heydər Əliyevin ən böyük arzusu Qarabağın düşmən tapdağından azad edilməsi, ərazi bütövlüyümüzün bərpası olub. 2020-ci ildə Vətən müharibəsi şanlı Zəfərlə başa çatıb, rəşadətli Azərbaycan Ordusu Müzəffər Ali Baş Komandan İlham Əliyevin rəhbərliyi ilə Qarabağı azad edib, xalqımızın 30 illik yurd həsrətinə, torpaq nisgilinə son qoyub. 2023-cü ilin sentyabr ayının 19-da keçirilmiş antiterror tədbirləri nəticəsində isə Azərbaycanın suverenliyi tam olaraq təmin edilib.

Tədbir Sərkar kənd Uşaq Musiqi Məktəbi kollektivinin ifasında konsert proqramı ilə davam edib.

Paylaş:

Baxılıb: 512 dəfə