AŞPA-nın qərarı da özü kimi əhəmiyyət kəsb eləmir

Bakı:

22 °C

56 %

2 m/s

Əlaqə

AZ RU EN

Ana səhifə / YAP xəbərləri / AŞPA-nın qərarı da özü kimi əhəmiyyət kəsb eləmir

AŞPA-nın qərarı da özü kimi əhəmiyyət kəsb eləmir

26.01.2024 [20:03]

AŞPA-ya üzv olduğu 2001-ci ildən bəri öz ərazimizdə və Ermənistanda bir milyona yaxın Azərbaycanlının fundamental hüquqlarının kobud şəkildə pozulması, minlərlə günahsız insanın milli mənsubiyyətinə görə ermənilər tərəfindən qətlə yetirilməsi və işğal olunmuş torpaqlarımızın etnik təmizləməyə məruz qalması ilə bağlı nümayəndə heyətimizin müzakirələr aparması və müvafiq qərarlar qəbul olunmasına təkid etməsinə baxmayaraq AŞPA bu məsələlərlə məşğul olmadığını və Ermənistan–Azərbaycan münaqişəsinin yalnız ATƏT çərçivəsində müzakirə oluna biləcəyini israr edirdi. Bu təbii ki 2020-ci ilə qədər belə idi. Ona qədər AŞPA-nın daha mühüm işləri vardı. Elə ki, Azərbaycan öz ərazi bütövlüyünü bərpa edərək erməni faşist rejimini ağır məğluniyyətə uğratdı və separatçı dəstləri məhv elədi, onda AŞPA-nın yadına ermənilərin hüquqları düşdü. Halbuki bu prosesə qədər bizə ATƏT-in qapısını göstərirdilər və bu təsisat da 35 il ərizdə problemin həllinə yox, həll olunmamasına çalışırdı. İndi AŞPA deputatları hətta Azərbaycandan ermənilərin həmin əraziyə qaytarılmasını tələb edir. Bu AŞPA tarixində görünməmiş ikiüzlülük, ədalətsizlik, Avropa siyasətində irqi, dini ayrı-seçkiliyin ən parlaq təzahürüdür. AŞPA üzvlərinin bir çoxu Ermənistanı haqlı olduğuna görə deyil, məhz xristian ölkəsi olduğuna görə dəstəklədiklərini heç də gizlətmir və əksinə öz çıxışlarında bunu açıqca vurğulayırlar. Belə olduğu tədirdə zəhmət çəkib AŞPA-nın xristian klubu o9lduğunu elan etsinlər və hamı öz işini bilsin. Yopxsa ki demokratiya, insan haqları, ədalət kimi bəşəri dəyərləri əldə bayraq edərək Azərbaycana, eləcə də digər müsəlman ölkələrinə qarşı təzyiq vasitəsi kimi istifadə etmək heç də siyasi qələbə deyildir.

Qeyd edək ki, 2023-cü ildə AŞPA 3 dəfə ölkəmizə müraciət edərək Laçın yoluna məruzəçi göndərmək istədiyini bildirib. Ermənilərin “blokadada yaşadıqları”nı göstərmək və uydurma faktlar əsasında saxta hesabatların hazırlanmasına xidmət edəcək sözügedən absurd niyyətlərin reallaşmasına Azərbaycan imkan vermədi və bu, tamamilə doğru bir qərar idi. Çünki 35 il ərzində bircə dəfə də olsun belə missiya ilə çıxış. Etməyən Avropa indi oyanmışdısa təəssüf ki çox gec idi.

Açığı, AŞPA Prezident İlham Əliyevin müstəqil siyasətini, Ermənistanı məğlubiyyətini, tam suverenliyimizin bərpa olunmasını həzm edə bilmir. Azərbaycanın müstəqil siyasət yürütməsi Fransanın və bir sıra Avropa ölkələrinin keyfinə soğan doğrayır. Məslənin də əsl mahiyyəti budur.

AŞPA-nın hazırkı qərarının insan hüquqları ilə heç bir əlaqəsi yoxdur. Qəbul olunmuş qərar öz suverenliyini və ərazi bütövlüyünü bərpa etmiş Azərbaycana qarşı qisas cəhdidir. Ona görə də Azərbaycan üçün nəinki AŞPA-da səsinin dondurulması, bu qurumun özü belə heç bir əhəmiyyət kəsb etmir.

Rüstəm Nağıyev,

YAP Gədəbəy rayon təşkilatının sədri

Paylaş:

Baxılıb: 567 dəfə