Dünyada qibtə ilə izlənən Türkiyə-Azərbaycan qardaşlığı

Bakı:

25 °C

73 %

6 m/s

Əlaqə

AZ RU EN

Ana səhifə / YAP xəbərləri / Dünyada qibtə ilə izlənən Türkiyə-Azərbaycan qardaşlığı

Dünyada qibtə ilə izlənən Türkiyə-Azərbaycan qardaşlığı

22.02.2024 [11:08]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Zəfərdə də, quruculuqda da, dünyanı heyran edən layihələri gerçəkləşdirməkdə də birlik olan Azərbaycan və Türkiyə qardaşlığının, əməkdaşlığının bu günkü mərhələsi dünyaya nümunədir. Qalib Lider İlham Əliyevin preziden seçkilərindən sonra ilk rəsmi səfərininin qardaş Türkiyəyə etməsi Azərbaycan-Türkiyə əlaqələrinin uğurla inkişafının daha bir təsdiqi oldu. İki qardaş ölkənin həmrəyliyi, beynəlxalq aləmdə sülhün, əmin-amanlığın, təhlükəsizliyin, əməkdaşlığın tənzimlənməsində, regionda meydana çıxan problemlərin həllində böyük əhəmiyyətə malikdir.

44 günlük qürur dolu tarixin ilk günlərindən qardaş ölkənin Azərbaycana siyasi-mənəvi dəstəyi gücümüzə güc qatdı. Türkiyə Prezidenti Rəcəb Tayyib Ərdoğan açıq və birmənalı bəyanatlar səsləndirərək bu müharibədə Azərbaycanın tək olmadığını, Türkiyənin hər zaman dövlətimizin və xalqımızın yanında olduğunu bəyan etdi. Bu isə təbii olaraq gücümüzə güc qatmaqla əldə etdiyimiz möhtəşəm tarixi qələbədə mühüm rol oynadı.

Qarabağın tacı Şuşada Azərbaycanla Türkiyə arasında müttəfiqlik münasibətlərinin rəsmiləşməsi bu günkü fəaliyyət üçün yol xəritəsi oldu. İki dost ölkə arasında gündən-günə möhkəmlənən münasibətlər, birgə həyata keçirilən layihələr, həmrəyliyimiz, qardaşlığımız hər zaman örnək göstərildi.

Türkiyənin paytaxtı Ankarada rəsmi səfəri zamanı hər iki ölkə rəhbərlərinin mətbuata bəyanatla çıxışları Azərbaycan və Türkiyə dövlətləri arasındakı əlaqələrin bütün sahələr üzrə daha yüksək səviyyəyə çatdığını təsdiq edir.

“Azərbaycan ilə əməkdaşlığımızın Ümummilli Lider Heydər Əliyevin vurğuladığı “Bir millət, iki dövlət” şüarı əsasında irəlilədiyini görürük. Ümumi ticarət dövriyyəmiz keçən il ilk dəfə 7,5 milyard dollar səviyyəsinə çatdı. 15 milyard dollarlıq hədəfimizə çatmaq üçün səylərimizi artırmaqda qətiyyətliyik.” Bu fikirləri söyləyən Türkiyə Respublikasının Prezidenti Rəcəb Tayyib Ərdoğan bildirib ki, qarşıdakı dövrdə Can Azərbaycan ilə qardaşlıq hüququmuz və Şuşa Bəyannaməsində ortaya qoyduğumuz ruhla yol getməkdə davam edəcəyik.

“Nəqliyyat, enerji layihələri bizim sərhədlərimizdən kənarda da artıq önəmli rol oynayır. Enerji və nəqliyyat təhlükəsizliyi bu gün dünya gündəliyinin ön sıralarında olan mövzulardır. Ticarət dövriyyəmizin sürətlə artması və rekord həddə çatması, əlbəttə ki, bizi çox sevindirir. 7,5 milyard dollar. Beş-altı il əvvəl bizim heç yuxumuza gələ bilməzdi ki, ticarət dövriyyəsi bu dərəcədə artacaq, ancaq bu, reallıqdır. Vaxtilə biz qarşıya müştərək hədəflər qoyduq və indi bu hədəflərə doğru gedirik.” Azərbaycan Respublikasının Prezidenti İlham Əliyevin mətbuata verdiyi bəyanatda qeyd etdiyi kimi sevincli, kədərli günlərdə bir-birinin yanında olan Azərbaycan-Türkiyə birliyi hər gün bir daha zəfər çalır. Hər zaman gücümüzə güc qatan Türkiyənin dəstəyi göstərir ki, bu gün dünyada Azərbaycan və Türkiyə qədər bir-birinə yaxın ikinci ölkələr yoxdur.

Əsas məqsədlərinin regionda sülhün bərqərar olması olan qardaş ölkələrin prezidentlərinin mətbuata verdikləri bəyanatları bir daha göstərdi ki, dünya neçə-neçə belə Türkiyə-Azərbaycan qardaşlığını təsdiq edən tarixi hadisənin şahidi olacaq. Dünyada qibtə ilə izlənən Türkiyə-Azərbaycan prezidentləri tərəfindən həyata keçirilən düzgün, məqsədyönlü siyasət regionun ümumi tərəqqisinə, sabitliyin bərqərar olmasına mühüm töhfələr verəcək.

Paylaş:

Baxılıb: 560 dəfə