Artıq Soyqrımı qurbanlarının ruhu şaddır

Bakı:

29 °C

48 %

2 m/s

Əlaqə

AZ RU EN

Ana səhifə / YAP xəbərləri / Artıq Soyqrımı qurbanlarının ruhu şaddır

Artıq Soyqrımı qurbanlarının ruhu şaddır

29.03.2024 [15:36]

Tarixin müxtəlif dönəmlərində erməni millətçiləri Azərbaycan xalqına qarşı etnik təmizləmə, deportasiya və soyqırımları həyata keçiriblər. Soydaşlarımıza qarşı nifrət, bütün bu düşmənçilik, mifik “böyük Ermənistan” ideyasını gerçəkləşdirmək məqsədi daşıyırdı.

Təkcə Azərbaycan tarixində deyil, bəşər tarixində də ən dəhşətli faciələrdən biri olan 1918-ci ilin mart soyqırımlarından 106 il ötür. 1918-ci ilin 30 mart və 3 aprel tarixləri arasında Bakı şəhərində eləcədə Şamaxı, Göyçay, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə Bakı Soveti və Daşnaksütundan olan erməni silahlı dəstələrinin azərbaycanlılara qarşı Soyqrım hadisəsi törətmişlər. Mart hadisələri zamanı yüzlərlə şəhərimiz və kəndimiz, o cümlədən Qarabağ ərazisində azərbaycanlıların yaşadıqları 150-dən çox kənd xarabalığa çevrilmiş, Şuşada görünməmiş qırğınlar törədilmişdir. 50 mindən çox soydaşımız, o cümlədən Bakıda 30 minə yaxın azərbaycanlı qətlə yetirilmiş, məscidlər, məktəblər yandırılmış və dağıdılmışdır. Təkcə Zəngəzurda 115, İrəvan quberniyasında isə 211 kənd xarabalığa çevrilmiş, əhalisi misli görünməmiş amansızlıqla qətlə yetirilmişdir.

Azərbaycan xalqının ümummilli lideri Heydər Əliyev xalqın istək, arzu və təkidli tələbi ilə yenidən hakimiyyətə qayıdışından sonra “Azərbaycanlıların soyqırımı haqqında” 26 mart 1998-ci il tarixli fərmanı ilə xalqımıza qarşı törədilmiş ağır cinayətlərə hüquqi-siyasi qiymət verilmişdir. Məhs Ulu öndərin təşəbbüsü ilə 31 Mart soyqırımı faciəsinin araşdırılması və həqiqətlərin dünyaya ictimaiyyətinin diqqətinə çatdrılması istiqamətində mühüm işlər həyata keçirilməyə başlanılmışdır.

Ulu Öndər Heydər Əliyevin ideyalarını yaşadan, onun əsasını qoyduğu uzaqgörən, mükəmməl siyasəti uğurla davam etdirən Prezident cənab İlham Əliyevin rəhbərliyi ilə erməni millətçilərinin əsrlər boyu xalqımıza qarşı törətdikləri soyqrımları, cinayətləri, beynəlxalq aləmin diqqətinə çatdırılması istiqamətində ardıcıl və məqsədyönlü işlər görülür. Dövlət başçısı cənab İlham Əliyevin 30 dekabr 2009-cu il tarixli “ Quba şəhərində Soyqırımı Memorial Kompleksinin yaradılması haqqında”, daha sonra 2018-ci il yanvarın 18-də “1918-ci il azərbaycanlıların soyqırımının 100 illiyi haqqında” imzaladığı Sərəncamlar bu istiqamətdə atılan mühüm addımlardandır. Eyni zamanda Heydər Əliyev Fondunun prezidenti, Azərbaycanın Birinci vitse-prezidenti Mehriban xanım Əliyevanın rəhbərliyi ilə Heydər Əliyev Fondunun həyata keçirdiyi mühüm layihələr də soyqırımı ilə bağlı həqiqətlərin dünya ictimaiyyətinə çatdırılması baxımından olduqca əhəmiyyətlidir.

Azərbaycan Respublikasının Prezidenti cənab İlham Əliyevin sayəsində, Onun rəhbərliyi ilə bu gün ölkəmiz heç zaman olmadığı qədər güclü və qüdrətlidir. 2020-ci ildə Müzəffər Ali Baş Komandan İlham Əliyevin komandanlığı ilə 44 gün davam edən Vətən müharibəsində Azərbaycan Ordusu tarixi Zəfər qazanaraq, ötən il sentyabr ayında anti-terror tədbirləri zamanı ərazi bütövlüyünü və suverenliyini tam bərpa edərək gücünü, qüdrətini bütün dünyaya nümayiş etdirdi. Beləliklə bu Zəfərdən sonra Azərbaycan xalqı alnıaçıq, üzü ağ yaşayır. Qürurla deyə bilərik ki, bütün şəhidlərimizin, o cümlədən, 31 mart soyqrımında qətlə yetirilmiş şəhidlərimizin ruhu şaddır.

Sahib Şükürov

YAP Göyçay rayon təşkilatının sədri

Paylaş:

Baxılıb: 609 dəfə