Son 5 ay ...

Bakı:

16 °C

77 %

3 m/s

Əlaqə

AZ RU EN

Ana səhifə / Xəbər lenti / Son 5 ay ...

Son 5 ay ...

03.02.2023 [11:02]

Azərbaycanın ilk pullu yolunda tikinti işləri yekunlaşır

N.PAŞA

Ölkənin ilk ödənişli Bakı-Quba-Rusiya Federasiyası ilə dövlət sərhədi yeni avtomobil yolunda tikinti işləri davam edir. AAYDA-nın mətbuata açıqlamasında paralel olaraq nəzarət-buraxılış məntəqələrinin və turniketlərin quraşdırıldığı da diqqətə çatdırılır.

Qurumdan verilən məlumata görə, yeni avtomagistralın Quba-Xaçmaz avtomobil yolu ilə kəsişən ərazisində fəaliyyət göstərəcək nəzarət-buraxılış zolaqlarının inşası yekunlaşmaq üzrədir.

Burada ağır yük maşınlarının çəkisinin müəyyənləşdirilməsi üçün tərəzilər quraşdırılıb. Bu məntəqədə tikinti işlərinin 80 faizi başa çatdırılıb.

4 nəzarət-buraxılış zolağı

“Şimal-Cənub” beynəlxalq nəqliyyat dəhlizinin tərkib hissəsi olan Bakı-Quba-Rusiya Federasiyası ilə dövlət sərhədi yeni avtomobil yolunda ödəniş məntəqələrinin qurulması istiqamətində addımlar atılır. Ümumilikdə, hər bir hərəkət istiqaməti üzrə magistralın 52-ci km-də (Yaşma) və 171-ci km-də (Qusar-Xudat yolu ilə kəsişmə) 4 nəzarət-buraxılış zolağı fəaliyyət göstərəcək. Onlardan biri avtonəqliyyat vasitələrinin sürətli, ikisi adi qaydada keçidi?? təmin edəcək. Bir keçid isə ehtiyat keçidi olacaq və qabariti normadan böyük olan nəqliyyat vasitələrinin keçməsi üçün istifadə ediləcək.

Yük və minik avtomobilləri üçün fərqli qiymət

Bundan başqa, yeni avtomagistrala 73, 103, 132 və 154-cü km-də yerləşən 4 iri yaşayış məntəqəsindən yol qovşaqları vasitəsilə daxil olmaq mümkün olacaq. Bu, Giləzi yaşayış məntəqəsi, Siyəzən və Şabran rayonları, həmçinin Quba-Xaçmaz avtomobil yolu ilə kəsişən ərazilərdir. Sözügedən ərazilərdə hər bir hərəkət istiqaməti üzrə iki nəzarət buraxılış zolağı fəaliyyət göstərəcək.

Magistral avtomobil yolundan istifadə üçün ödənişin yük və minik avtomobillərinə görə fərqli məbləğdə olması nəzərdə tutulub.

Yeni ödənişli avtomagistralın keçdiyi ərazi Xəzər sahili boyu Samur-Dəvəçi ovalığında yerləşir, əsasən yaşayış məntəqələrindən və sənaye müəssisələrindən kənar keçir. Ümumilikdə, yeni inşa edilən 150 kilometrlik yolboyu 39 qovşaq və yol ötürücü körpü tikilib.

Tikinti işləri nə vaxt başa çatacaq?

Sualımızı cavablandıran qurumun mətbuat xidmətinin rəhbəri Anar Nəcəfli “Yeni Azərbaycan”a açıqlamasında yolun inşasının tam şəkildə cari ilin birinci yarımilliyində yekunlaşacağını bildirib.

Avtomobil yolunun tikilməsinin nəqliyyat xidmətlərinin daha da yaxşılaşdırılması ilə yanaşı, bölgədə turizmin inkişafına əlavə təkan verəcəyi də xüsusilə qeyd edilməlidir. Yeni yol həm də dəhlizlə yük və sərnişin daşımalarında mühüm rol oynayacaq.

Paylaş:

Baxılıb: 685 dəfə