Rusiya əks-hücumların qarşısını almağa çalışır

Bakı:

19 °C

88 %

5 m/s

Əlaqə

AZ RU EN

Ana səhifə / Xəbər lenti / Rusiya əks-hücumların qarşısını almağa çalışır

Rusiya əks-hücumların qarşısını almağa çalışır

01.08.2023 [11:24]

GÜLAY

Ukraynada şiddətli döyüşlər davam edir. Xüsusilə, ölkənin şimal-şərqində Ukrayna və Rusiya qoşunları arasına güclü toqquşmalar var. Vəziyyətlə bağlı Ukraynanın müdafiə nazirinin müavini Anna Malyar bildirib ki, Rusiya ordusu Ukrayna hərbçilərini işğaldan azad edilən ərazilərdən çıxarmağa çalışır. A.Malyar “Rusların əsas məqsədi Ukrayna ordusunun diqqətini bir sıra uğurlar qazandığı Baxmut bölgəsindən yayındırmaqdır” - deyə açıqlamasına əlavə edib.

Müdafiə nazirinin müavini Rusiyanın arasıkəsilməz hücumlarını Baxmut bölgəsində yaranan gərgin vəziyyətlə əlaqələndirib: “Ruslar Baxmutdakı qızğın döyüşlər zamanı heç də az itki verməyiblər. Onlar bu həftə hücuma keçiblər. Amma bizim qoşunlarımız hücumlara müqavimət göstərir və bəzən ağır itkilərlə onları geriyə çəkilməyə məcbur edirlər”. Onu da qeyd edək ki, Ukrayna prezidenti Volodimir Zelenski həftəsonu cəbhənin Baxmut istiqamətində olub və burada hərbçilərlə görüş keçirib. O, komandirlərin əməliyyat vəziyyəti ilə bağlı məruzələrini dinlədiyini, hərbçilərlə söhbət etdiyini bildirib. Xatırladaq ki, iyulun 25-də Ukrayna Silahlı Qüvvələri quru qoşunlarının komandanı Aleksandr Sırski komandanlığın Baxmut və Krasnolımansk istiqamətlərində gedən qızğın döyüşlərlə əlaqədar planlarında dəyişikliklər edildiyini də açıqlamışdı.

Əsas qarşıdurmalar cənub bölgəsində davam etsə də, Ukraynanın nəzarətində olan şimal-şərqdəki Kupyansk və Liman şəhərləri ətrafında da şiddətli döyüşlər gedir. Rusiya qüvvələri, həmçinin Ukraynada yaşayış məntəqələrini vurmağa davam edir. Dünən gecə saatlarında Xarkov istiqamətində endirdiyi iki raket zərbəsi nəticəsində yerli şirkətin anbarına zərər dəyib və bir nəfər yaralanıb. Zelenski bildirib ki, şənbə günü Rusiyanın Sumı şəhərində məktəbə endirdiyi zərbə nəticəsində ölənlərin sayı ikiyə çatıb.

Rusiya silahlı qüvvələri iyulun 31-də Ukraynanın Krivoy Roq şəhərini raket atəşinə tutub. Raketlərdən biri dördmərtəbəli məktəb binasına, digəri isə doqquzmərtəbəli yaşayış binasına düşüb. Raket yaşayış binasının dördüncü mərtəbəsindən doqquzuncu mərtəbəsinə qədər olan hissəsini dağıdıb, binada yanğın baş verib. Ölənlər və yaralıların olduğu ictimaiyyətə açıqlanıb.

Rusiya Müdafiə Nazirliyi isə şimal-şərqdə Ukrayna qüvvələrinin hücumlarının dayandırdığını və Rusiya qüvvələrinin cənubda, Liman şəhəri yaxınlığında Ukraynanın dörd hücumunun dəf edildiyini bildirib. Beləliklə, qarşılıqlı hücumlar davam edir. Müharibənin nə zaman bitəcəyi isə məlum deyil.

Paylaş:

Baxılıb: 698 dəfə