Haqlı tələb

Bakı:

25 °C

40 %

3 m/s

Əlaqə

AZ RU EN

Ana səhifə / Xəbər lenti / Haqlı tələb

Haqlı tələb

25.10.2023 [15:00]

Günel Abbas

Qərbi Azərbaycan icmasının fəaliyyətinin əsas istiqaməti ötən 100 ildə indi Ermənistan ərazisi adlanan qədim Azərbaycan torpaqlarında yaşamış yerli əhali olan azərbaycanlıların ata-baba yurdlarına dönmək imkanlarının əldə olunması, onların hüquqlarının bərpa olunması, indiki Ermənistanda qalmış müqəddəs yerlərimizin, məzarlıqlarımızın, tarixi abidələrimizin qorunmasının vacibliyinin dünyaya çatdırılmasıdır.

Bu barədə Milli Məclisin üzvü Musa Quliyev “Yeni Azərbaycan”a açıqlamasında bildirib.

“Digər məqsədlərdən biri Ermənistanın keçmiş rəhbərliyi tərəfindən xalqımıza qarşı törədilmiş etnik təmizləmə siyasətini dünya ictimaiyyətinə çatdırmaqla ədalətin bərpa olunmasına nail olmaqdır. Ötən il dekabrın 24-də Prezident İlham Əliyev öz ad günündə Qərbi Azərbaycan icmasının üzvləri ilə görüşdə konseptual xarakterli çıxış etdi və bildirdi ki, hər bir insanın doğulduğu, böyüdüyü, soy köklərinin mənsub olduğu ölkədə, şəhərdə, kənddə yaşamaq hüququ var.

Bu, insanların fundamental, beynəlxalq hüquq tərəfindən tanınmış əsas hüquqlarından biridir. Buna görə də bizim məqsədimiz heç də başqa iddialar deyil, sülh yolu ilə, əməkdaşlıq yolu ilə oraya dönmək və bizim soydaşlarımızın orada yaşamaq və yaxud da ki, oraya gedib-gəlmək imkanlarını əldə etməkdir. Qərbi Azərbaycan İcması dünya ictimaiyyətinə, BMT də daxil olmaqla beynəlxalq təşkilatlara müraciətlərində qeyd edib ki, oradan deportasiya olunmuş insanlar və onların övladları ata-baba yurdlarına dönmək imkanı əldə etməlidirlər. Eyni zamanda Qərbi Azərbaycan icması Ermənistan hökumətinə, baş nazir Paşinyana məktubla müraciət edərək oraya qayıtmaq, yaşamaq hüquqlarının təmin edilməsini tələb edib”, - deyə deputat bildirib.

Onun sözlərinə görə, bütün tarixi faktlar da göstərir ki, indiki Ermənistan dövləti vaxtilə Azərbaycan türklərinin yaşadığı torpaqlarda yaradılıb: “Azərbaycan Prezidenti çıxışlarında dəfələrlə qeyd edib ki, bizim heç bir dövlətə, o cümlədən Ermənistana qarşı ərazi iddialarımız yoxdur. 44 günlük müharibədən sonra Ermənistan rəhbərliyi Azərbaycanın guya ərazi iddiaları olduğu barədə absurd fikirlər səslənib. Bizim Ermənistana heç bir ərazi iddiamız yoxdur. Qərbi Azərbaycan İcmasının da tələbi beynəlxalq hüquq normalarında təsbit olunmuş fundamental insan haqlarının həyata keçməsi, insanın doğulub öldüyü vətənə getmək, oranı ziyarət etmək, oranı görmək istəyirsə, şərait yaradılarsa, orada yaşamaq hüququnun bərpa edilməsidir”.

Deputat həmçinin qeyd edib ki, indi bir çox Qərb ölkələri tərəfindən Qarabağdan köçüb getmiş ermənilərin guya ki, etnik təmizləməyə məruz qalması barədə absurd iddialar ortaya atılır. “Amma 1988-1990-cı illərdə bizim oradakı azərbaycanlılara qarşı nə qədər vəhşiliklər törətdilər. Mən özüm o vəhşiliklərin şahidiyəm - ailəmizə, qohumlarımıza, yaxından tanıdığımız insanlara nə qədər faciələr yaşadıldı, zorla evlərindən qovuldular.

Bu gün Qərbi Azərbaycan İcması haqll olaraq öz ata-baba yurdlarından qovulmuş insanların hüquqlarının təmin olunmasını tələb edir”.

Paylaş:

Baxılıb: 565 dəfə