Qanunlara riayət etmək hər bir şəxsin borcudur

Bakı:

13 °C

76 %

3 m/s

Əlaqə

AZ RU EN

Ana səhifə / Arxiv / Qanunlara riayət etmək hər bir şəxsin borcudur

Qanunlara riayət etmək hər bir şəxsin borcudur

14.11.2025 [23:57]

Cari ilin 12 noyabr tarixində Azərbaycan Respublikasının Prezidenti cənab İlham Əliyev Ceyhun Cəlilovu Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi, Elxan İbrahimovu Bakı şəhəri Nəsimi Rayon İcra Hakimiyyətinin başçısı, Natiq Ağayevi Balakən Rayon İcra Hakimiyyətinin başçısı, Orxan Mürsəlovu Göyçay Rayon İcra Hakimiyyətinin başçısı, Elvin Paşayevi Qax Rayon İcra Hakimiyyətinin başçısı, Vüqar Novruzovu Göygöl Rayon İcra Hakimiyyətinin başçısı, Elşən Həsənlini Kürdəmir Rayon İcra Hakimiyyətinin başçısı vəzifələrinə təyin olunmaları ilə əlaqədar qəbul etmiş və proqram xarakterli çıxış edərək yeni təyin olunmuş rəhbər şəxslərə gələcək fəaliyyətləri istiqamətində tövsiyyə və tapşırıqlarını vermişdir. Cənab Prezident çıxışı zamanı yeni təyin olunan icra başçılarına rəhbərlik etdikləri regionlarda ilk növbədə qanunlar çərçivəsində çalışmağı, sosial ədalət prinsiplərinə əməl etməyi və hər zaman vətəndaşlarla təmasda olmağı, onların problemlərinin aradan qaldırılması istiqamətində təxirəsalınmaz tədbirlərin görülməsini tapşırdı.

Dövlət başçısı yeni təyin olunan icra başçılarına və bütün məmurlara bir daha xəbərdarlıq edərək onlara qanunsuz əməllərdən əl çəkməyi, əks halda ciddi şəkildə cəzalandırılacaqlarını bəyan etdi. “Kimlərinsə şəxsi maraqlarına və tamahına görə ölkəmizin uğurlu inkişafına kölgə sala bilmərik” deyən cənab Prezident xüsusi vurğulamışdır ki, “rəhbər vəzifədə çalışan hər bir şəxs, hər bir məmur təvazökar olmalıdır. Həyatda, məişətdə özü, onun yaxın qohumları özlərini elə aparmalıdırlar ki, bizim ümumi işimizə heç bir irad tutulmasın”. Dövlətimizin başçısı çıxışında həmçinin dövlətin inkişafı və fəaliyyətinin daha səmərəli olması istiqamətində son illərdə həyata keçirilən islahatların əhəmiyyətindən bəhs edərək qeyd etdi ki, idarəetmə sistemində çox ciddi islahatlarla yanaşı, eyni zamanda bu sahədə çox böyük təmizləmə işləri aparılmaqdadır. Qanunlar çərçivəsində fəaliyyət göstərməyən bəzi dövlət məmurları tutduqları vəzifədən uzaqlaşdırılmış və qanunsuz əməllərinə görə ciddi cəzalandırılmışdır.

Cənab Prezidentin çıxışı zamanı toxunduğu digər mühüm məsələlərdən biri də regionlarda məşğulluqla bağlı məsələlər oldu. Bu istiqamətdə son illər ərzində böyük islahatların aparıldığını və işsizliyin səviyyəsinin aşağı düşdüyünü nəzərə çatdıran ölkə başçısı hələ də bölgələrdən Bakıya, böyük şəhərlərə miqrasiya meyillərinin mövcud olduğunu bildirmiş və xüsusi vurğulamışdır ki, “bu istiqamətdə rəhbərlərdən tələbim iş yerlərinin yaradılmasına çalışmaları, iş adamlarına şərait yaratmaqla onlara dəstək vermələridir”.

İnanırıq ki, Möhtərəm cənab Prezidentin tövsiyyə və proqram xarakterli çıxışı bütün məmurlarımızın gələcək fəaliyyətində mayak rolunu oynayacaq və keyfiyyət dəyişikliyi nəticəsində işlərində əsaslı dönüş baş verəcəkdir. Məhz bu sayədə dövlətimiz daha güclü, şəhidlərimizin qanı hesabına qazandığımız müstəqilliyimiz isə əbədi və dönməz olacaqdır.

Bəhruz Ramazanov

YAP Qusar rayon təşkilatının məsləhətçisi

Paylaş:

Baxılıb: 126 dəfə