Qarşılıqlı etimad və əməkdaşlığın təntənəsi

Bakı:

29 °C

55 %

2 m/s

Əlaqə

AZ RU EN

Ana səhifə / Arxiv / Qarşılıqlı etimad və əməkdaşlığın təntənəsi

Qarşılıqlı etimad və əməkdaşlığın təntənəsi

20.07.2026 [22:44]

Hacı Məmmədov,

YAP Kəngərli rayon təşkilatının fəalı

Slovakiya Respublikasının Prezidenti Peter Pelleqrininin Azərbaycana rəsmi səfəri iki ölkə arasında siyasi, iqtisadi və humanitar əlaqələrin inkişafı baxımından mühüm hadisə kimi qiymətləndirilir. Bu səfər Azərbaycan ilə Slovakiya arasında dostluq münasibətlərinin daha da möhkəmləndirilməsinə, qarşılıqlı etimadın artırılmasına və yeni əməkdaşlıq istiqamətlərinin müəyyənləşdirilməsinə xidmət edir. Səfər çərçivəsində keçirilən görüşlərdə tərəflər ikitərəfli münasibətlərin hazırkı vəziyyətini və gələcək inkişaf perspektivlərini geniş şəkildə müzakirə ediblər.

Prezident İlham Əliyev və Prezident Peter Pelleqrini arasında keçirilən təkbətək və geniş tərkibli görüşlər zamanı enerji təhlükəsizliyi, iqtisadi əməkdaşlıq, ticarət dövriyyəsinin artırılması, nəqliyyat-logistika layihələri, bərpa olunan enerji sahəsində əməkdaşlıq, eləcə də Avropa ilə Cənubi Qafqaz arasında əlaqələrin genişləndirilməsi kimi məsələlər ön plana çıxıb. Hər iki ölkə rəhbəri vurğulayıb ki, Azərbaycan ilə Slovakiya arasında siyasi dialoq yüksək səviyyədədir və bu münasibətlərin iqtisadi sahədə də öz əksini tapması üçün geniş imkanlar mövcuddur. Səfər zamanı Slovakiya Prezidenti Qarabağ bölgəsinə, o cümlədən Şuşa və Ağdam şəhərlərinə səfər edib. Qonağa işğaldan azad edilmiş ərazilərdə həyata keçirilən genişmiqyaslı bərpa və yenidənqurma işləri barədə ətraflı məlumat verilib.

Bu səfər Slovakiya nümayəndə heyətinə Azərbaycanın regionda sülh, inkişaf və quruculuq istiqamətində gördüyü işlərlə yaxından tanış olmaq imkanı yaradıb. Görüşlər zamanı beynəlxalq təşkilatlar çərçivəsində əməkdaşlıq, regional təhlükəsizlik, Avropanın enerji təminatı və qarşılıqlı maraq doğuran digər beynəlxalq məsələlər də müzakirə olunub. Tərəflər ölkələr arasında iqtisadi əlaqələrin genişləndirilməsi, investisiyaların təşviqi və biznes dairələri arasında əməkdaşlığın gücləndirilməsinin vacibliyini qeyd ediblər.

Azərbaycan ilə Slovakiya arasında münasibətlərdə mühüm dönüş nöqtələrindən biri 2024-cü ildə Strateji tərəfdaşlığa dair Birgə Bəyannamənin imzalanması oldu. Bu sənəd iki ölkənin əməkdaşlığını keyfiyyətcə yeni mərhələyə yüksəldərək siyasi, iqtisadi, enerji, nəqliyyat, humanitar və digər sahələrdə əlaqələrin inkişafı üçün möhkəm hüquqi-siyasi baza formalaşdırdı. Prezident İlham Əliyevin qeyd etdiyi kimi, bu bəyannamənin icrası artıq real nəticələrlə müşayiət olunur. Siyasi dialoqun intensivləşməsi, müxtəlif istiqamətlərdə birgə layihələrin həyata keçirilməsi və yeni təşəbbüslərin irəli sürülməsi strateji tərəfdaşlığın praktik müstəvidə uğurla inkişaf etdiyini göstərir.

Slovakiya Prezidentinin Azərbaycana rəsmi səfəri iki ölkə arasında dostluq və tərəfdaşlıq münasibətlərinin inkişafında yeni mərhələnin başlanğıcı kimi qiymətləndirilə bilər. Bu səfər siyasi dialoqun dərinləşdirilməsi, iqtisadi əməkdaşlığın genişləndirilməsi və qarşılıqlı faydalı layihələrin həyata keçirilməsi üçün əlverişli zəmin yaradıb. Eyni zamanda, səfər Azərbaycan ilə Slovakiyanın Avropa məkanında əməkdaşlığının möhkəmləndirilməsinə və regionda sabitliyin, təhlükəsizliyin və davamlı inkişafın təşviqinə mühüm töhfə verəcək.

Paylaş:

Baxılıb: 161 dəfə