Azərbaycan - Almaniya əlaqələri yeni səviyyədə: sülh, tərəfdaşlıq və inkişaf

Bakı:

26 °C

58 %

3 m/s

Əlaqə

AZ RU EN

Ana səhifə / Arxiv / Azərbaycan - Almaniya əlaqələri yeni səviyyədə: sülh, tərəfdaşlıq və inkişaf

Azərbaycan - Almaniya əlaqələri yeni səviyyədə: sülh, tərəfdaşlıq və inkişaf

23.07.2026 [17:43]

Vəfa Məmmədova

YAP Kəngərli rayon təşkilatının fəalı

Azərbaycan Respublikasının Prezidenti İlham Əliyevin 21 iyul 2026-cı il tarixində Almaniya Federativ Respublikasına rəsmi səfəri iki ölkə arasında siyasi, iqtisadi və enerji sahələrində əməkdaşlığın daha da möhkəmləndirilməsi baxımından mühüm əhəmiyyət daşıyıb. Səfər çərçivəsində keçirilən yüksək səviyyəli görüşlər, aparılan müzakirələr və imzalanan sənədlər Azərbaycan–Almaniya münasibətlərinin yeni inkişaf mərhələsinə qədəm qoyduğunu nümayiş etdirib.

Səfərin ən mühüm nəticələrindən biri Azərbaycan Respublikası ilə Almaniya Federativ Respublikası arasında İkitərəfli Tərəfdaşlıq üçün Strateji Gündəlik haqqında Birgə Bəyannamənin imzalanması oldu. Bu sənəd iki ölkə arasında siyasi dialoqun dərinləşdirilməsi, iqtisadi əlaqələrin genişləndirilməsi, enerji təhlükəsizliyi, ticarət, sənaye, innovasiya və rəqəmsal transformasiya sahələrində əməkdaşlığın inkişaf etdirilməsi üçün yeni hüquqi və siyasi baza formalaşdırır.

Prezident İlham Əliyev Almaniya Kansleri Fridrix Mertslə birgə mətbuata bəyanatında vurğulayıb ki, imzalanmış sənədlər Azərbaycan–Almaniya münasibətlərini keyfiyyətcə yeni səviyyəyə yüksəldəcək. Dövlət başçısı qeyd edib ki, tərəflər artıq strateji dialoqun başlanmasına nail olublar və bu istiqamətdə qəbul olunan Birgə Bəyannamə gələcək əməkdaşlıq üçün mühüm yol xəritəsi rolunu oynayacaq.

Səfər zamanı iqtisadi əməkdaşlıq məsələləri də geniş müzakirə olunub. Qeyd edilib ki, hazırda 200-dən çox Almaniya şirkəti Azərbaycanda uğurla fəaliyyət göstərir və yeni investisiya layihələrinin həyata keçirilməsi üçün əlverişli imkanlar mövcuddur. Alman şirkətlərinin sənaye, bərpaolunan enerji, nəqliyyat, logistika və yüksək texnologiyalar sahələrində iştirakının genişləndirilməsi ilə bağlı konkret təkliflər irəli sürülüb.

Enerji əməkdaşlığı görüşlərin əsas mövzularından biri olub. Azərbaycan Avropanın enerji təhlükəsizliyinin təmin edilməsində etibarlı tərəfdaş kimi çıxış etdiyini bir daha vurğulayıb. Tərəflər həm ənənəvi enerji resurslarının tədarükü, həm də yaşıl enerji sahəsində əməkdaşlığın genişləndirilməsi perspektivlərini müzakirə ediblər. Xüsusilə bərpaolunan enerji istehsalı və onun Avropa bazarına ixracı gələcək əməkdaşlığın prioritet istiqamətlərindən biri kimi qiymətləndirilib.

Rəsmi səfər çərçivəsində aparılan danışıqlarda regional təhlükəsizlik, Cənubi Qafqazda sülh və sabitliyin möhkəmləndirilməsi, iqtisadi əlaqələrin inkişafı və Avropa ilə tərəfdaşlığın genişləndirilməsi məsələləri də diqqət mərkəzində olub. Almaniyanın Avropa İttifaqının aparıcı dövlətlərindən biri kimi regionda konstruktiv əməkdaşlığın inkişafına verdiyi töhfə xüsusi qeyd edilib.

Nəticə etibarilə, Prezident İlham Əliyevin Almaniyaya rəsmi səfəri və bu səfər çərçivəsində imzalanan sənədlər Azərbaycan–Almaniya münasibətlərinin strateji xarakter aldığını göstərir. Qəbul olunan razılaşmalar iki ölkə arasında siyasi etimadın möhkəmlənməsinə, iqtisadi əməkdaşlığın genişlənməsinə, qarşılıqlı investisiyaların artmasına və enerji sahəsində tərəfdaşlığın yeni mərhələyə yüksəlməsinə mühüm töhfə verəcək

Paylaş:

Baxılıb: 142 dəfə