Demokratik seçkilər ölkənin beynəlxalq imicini möhkəmləndirmək baxımından mühüm əhəmiyyətə malikdir

Bakı:

0 °C

80 %

10 m/s

AZ RU EN

Ana səhifə / Daxili siyasət / Demokratik seçkilər ölkənin beynəlxalq imicini möhkəmləndirmək baxımından mühüm əhəmiyyətə malikdir

Demokratik seçkilər ölkənin beynəlxalq imicini möhkəmləndirmək baxımından mühüm əhəmiyyətə malikdir

26.08.2015 [10:06]

Avqustun 25-də 31 saylı Suraxanı ikinci seçki dairəsi Dairə Seçki Komissiyasında komissiyanın üzvləri və məntəqə seçki komissiyalarının sədrləri üçün seçki hüququ üzrə ixtisaslaşdırılmış kurs-seminarlar davam edib.
AZƏRTAC xəbər verir ki, Dairə Seçki Komissiyasının sədri İlham Bayramov bu tədbirlərin Azərbaycan Prezidentinin 2011-ci il 27 dekabr tarixli Sərəncamı ilə təsdiq edilmiş “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”na əsasən aşağı seçki komissiyalarının üzvlərinin maarifləndirilməsi məqsədilə keçirildiyini bildirib.
Dairə Seçki Komissiyasının sədri seçici siyahıları ilə iş qaydası, seçkiqabağı təşviqatın təşkilinə şəraitin yaradılması, bildirişlərin seçicilərə çatdırılması və bu istiqamətlərdə yerli icra və bələdiyyə qurumlarının rolu bərədə də geniş məlumat verdi. O diqqətə çatdırıb ki, müasir Azərbaycanda müstəqil dövlətçilik düşüncəsinin formalaşmasında mühüm rol oynayan strukturlardan biri də seçki təsisatlarıdır.
Qeyd olunub ki, 38 min 957 seçicisi olan 31 saylı Suraxanı ikinci seçki dairəsində 32 daimi məntəqə fəaliyyət göstərir. Kurslara seçki dairəsinin ərazisində məskunlaşan Ağdam, Zəngilan və Qubadlıdan olan məcburi köçkünlərin daxil olduğu məntəqə seçki komissiyalarının sədrləri və üzvləri də cəlb olunublar. Bütün məntəqələr lazımi texniki avadanlıqla tam təchiz edilib, burada şəffaf, azad və demokratik seçkilərin keçirilməsi üçün beynəlxalq standartlara uyğun şərait yaradılıb.
İ.Bayramov vurğuladı ki, demokratik seçkilər ölkəmizin beynəlxalq imicini möhkəmləndirmək baxımından mühüm rol oynayır. Odur ki, Suraxanı rayonunda Milli Məclisə seçkilərlə bağlı aparılan hazırlıq işləri bu mühüm siyasi kampaniyanın yüksək təşkilati fəallıqla keçiriləcəyini deməyə tam əsas verir.
Rayon polis idarəsinin rəisi Təhmasib İbrahimov seçki siyahılarının təkmilləşdirilməsi, rəsmi seçki sənədlərinin daşınması və saxlanılmasının təhlükəsizliyinin təmin edilməsi, eləcə də asayişin qorunmasında Daxili İşlər Nazirliyinin orqanlarının rolundan, onların seçki komissiyaları ilə qarşılıqlı əlaqələrindən söz açdı.
Sonra rayon İcra Hakimiyyətinin şöbə müdiri Rəşid Məmmədovun “Seçici siyahıları ilə işin təkmilləşdirilməsi, təşviqatın aparılmasına şərait yaradılması, bildirişlərin seçicilərə çatdırılması və bu istiqamətdə yerli icra və bələdiyyə qurumlarının rolu, onların seçki komissiyaları ilə səmərəli qarşılıqlı əlaqələrinin qurulması” mövzusunda məruzəsi dinlənildi.
Tədbirdə vurğulanıb ki, dairə seçki komissiyası səsvermə prosesinin əvvəlki seçkilərdə olduğu kimi, bu dəfə də Seçki Məcəlləsində, Konstitusiyada və digər qanunvericilik aktlarında nəzərdə tutulmuş qaydada, təlimata uyğun yüksək səviyyədə təşkilini təmin edəcək.

Paylaş:

Baxılıb: 1940 dəfə