Batumi konfransı işini yekunlaşdırdı

Bakı:

24 °C

49 %

1 m/s

Əlaqə

AZ RU EN

Ana səhifə / Dünya / Batumi konfransı işini yekunlaşdırdı

Batumi konfransı işini yekunlaşdırdı

16.01.2010 [08:33]

Yüksək iqtisadi inkişafa malik Azərbaycan son illərdə həyata keçirdiyi və iştirakçısı olduğu genişmiqyaslı enerji layihələri ilə Cənubi Qafqaz bölgəsini enerji dəhlizinə çevirməyi bacarıb. Bununla yanaşı, ölkəmiz artıq dünyanın aparıcı enerji təchizatçısı qismində də çıxış edir. Yerləşdiyimiz bölgənin inkişaf dinamikasının artmasında xüsusi yeri olan Bakı-Tbilisi-Ceyhan ixrac neft boru kəməri, Bakı-Tbilisi-Qars dəmiryolu, Bakı-Tbilisi-Ərzurum qaz kəməri Azərbaycanla yanaşı, Gürcüstanın və Türkiyənin həm təhlükəsizliyinin təminatında, həm də inkişafında böyük rola malikdir. ümummilli liderimiz Heydər Əliyevin əsasını qoyduğu neft strategiyası Azərbaycanı qısa müddət ərzində Avropanın alternativ enerji mənbəyinə çevirdi.
Yanvarın 14-də Gürcüstanın Batumi şəhərində keçirilən enerji məsələləri üzrə konfransda da bölgənin inkişafına dair məsələlər müzakirə olub. Konfranda 11 ölkənin nümayəndə heyəti, Avropa Komissiyası nümayəndəliyinin rəhbəri Her Eklund iştirak edib. ölkəmiz konfransda Baş nazir Artur Rasizadənın rəhbərlik etdiyi nümayəndə heyəti ilə təmsil olunub.
Gürcüstanın Baş naziri Nikoloz Gilauri konfransda çıxış edərək, belə bir tədbirin Batumidə keçirilməsinin bölgədə böyük layihələrin reallaşdırılmasında Gürcüstanın mühüm rol oynadığına sübut olduğunu önə çəkib. Baş nazir Gürcüstanı Azərbaycanın enerji ehtiyatlarının beynəlxalq bazara nəqlində etibarlı tərəfdaşı adlandırıb: “Bunu Gürcüstanın Bakı-Supsa, Bakı-Tbilisi-Ceyhan və Bakı-Tbilisi-Ərzurum kimi beynəlxalq layihələrə qoşulması təsdiq edir. Batumi konfransında bir sıra mühüm məsələlər müzakirə olunacaq. Əminəm ki, konfransın iştirakçılarının diskussiyalarda fəallığı səmərəli nəticə verəcək. Enerji təhlükəsizliyi məsələsində Avropa İttifaqı səylərini artırmalıdır. Gürcüstan enerji təminatı ilə bağlı çətin vəziyyətdə qalanda Azərbaycan dostluq köməyini əsirgəmədi, bizi təhlükədən xilas etdi. Buna görə də, Azərbaycan Respublikasının rəhbərliyinə gürcü xalqının minnətdarlığını bildiririk”.
Konfransda çıxış edən Azərbaycan Respublikasının Baş naziri Artur Rasizadə ölkəmizin Prezidenti İlham Əliyevin konfrans iştirakçılarına xoş arzularını çatdırıb. Konfransın dünya iqtisadiyyatının qlobal böhranla üzləşdiyi bir şəraitdə keçirildiyini bildirən A.Rasizadə böhranın sənayenin aparıcı sahələrinə, o cümlədən, energetika kompleksinə də təsir göstərdiyini qeyd edib. Baş nazir istehsalçı, tranzit və istehlakçı ölkələrin enerji siyasətinin uzlaşdırılmasının vacibliyini qeyd edib və Azərbaycanın Avropanın enerji təhlükəsizliyinin təmin olunmasında mühüm rol oynadığını vurğulayıb. A.Rasizadə diqqətə çatdırıb ki, 2009-cu ildə Azərbaycanda 51 milyon tondan çox neft və 23,7 milyard kubmetr qaz hasil edilib: “2010-cu ildə 52,5 milyon ton neft və 28,5 milyard kubmetr qaz çıxarılması nəzərdə tutulur. Azərbaycanın təbii qaz yataqlarının təsdiqlənən ehtiyatlarının həcmi 2 trilyon kubmetrdən çoxdur, lakin biz bu rəqəmin xeyli artıq olduğunu güman edirik”. Baş nazir qeyd edib ki, Azərbaycan Türkiyəyə, Gürcüstana, Rusiyaya və İrana neft və qaz ixrac edir.
Azərbaycanın çoxşaxəli nəql infrastrukturuna malik olduğunu vurğulayan A.Rasizadə bildirib ki, region və dünya bazarlarının enerji ehtiyatları ilə təchiz edilməsi sahəsində ölkəmizin təcrübəsi beynəlxalq əməkdaşlığın möhkəmləndirilməsi və genişləndirilməsi üçün güclü potensial yaradır. Bununla əlaqədar biz Avropa ölkələri, Azərbaycan, Gürcüstan, Türkiyə, Mərkəzi Asiya və Yaxın Şərq ölkələri arasında qarşılıqlı faydalı tərəfdaşlığın təmin edilməsi üçün “Cənub dəhlizi” layihəsinin həyata keçirilməsi təşəbbüslərini və müvafiq tədbirləri yüksək qiymətləndiririk.
Baş nazir qeyd edib ki, Azərbaycan öz təbii qazının Gürcüstandan keçməklə, Qara dənizin dibi ilə Bolqarıstana, Rumıniyaya, Ukraynaya, Şərqi və Mərkəzi Avropa ölkələrinə nəqli marşrutları ilə bağlı məsələləri də tərəfdaşlarla müzakirə etməyə hazırdır. Bunun üçün enerji ehtiyatlarının həmin istiqamətlər üzrə nəqlinin iqtisadi və kommersiya baxımından səmərəliliyi hərtərəfli araşdırılmalıdır.
Konfransda digər ölkələrin nümayəndə heyətlərinin rəhbərləri də çıxış edərək enerji təhlükəsizliyi ilə bağlı fikirlərini bildiriblər.
Pərviz SADAYOÄžLU

Paylaş:

Baxılıb: 1575 dəfə