“Bakı 2015” Oyunları Akademiyası fəaliyyətə başlayıb

Bakı:

22 °C

64 %

3 m/s

Əlaqə

AZ RU EN

Ana səhifə / İdman / “Bakı 2015” Oyunları Akademiyası fəaliyyətə başlayıb

“Bakı 2015” Oyunları Akademiyası fəaliyyətə başlayıb

19.04.2014 [14:09]

“Bakı 2015” ilk Avropa Oyunları Əməliyyat Komitəsi (BAOƏK) “Bakı 2015” Oyunları Akademiyası təşəbbüsünün irəli sürülməsindən qürur hissi duyur və hazırda məzun təlim proqramı üçün ərizələrin qəbuluna başlayır.
Oyunlar Akademiyasının yaradılmasında məqsəd çevik öyrənmə üsulları ilə birgə Azərbaycan və bütün Avropadan olan universitet məzunlarının bu təlim proqramında iştiraklarını təmin etmək, yerli qrup üzvlərinin bacarıq və oyunlarla bağlı biliklərini artırmaqdır. Hər iki proqram Oyunlar Akademiyasına Azərbaycanda potensial və dəyərli yerli irsin formalaşmasına dəstək olmaq imkanı verəcək.
Bu nadir təşəbbüsü Avropa Olimpiya Komitəsi (AOK) dəstəkləyir.
Azərbaycanın gənclər və idman naziri və “Bakı 2015” İlk Avropa Oyunlarının icraçı direktoru Azad Rəhimov məzun təlim proqramını şərh edərkən bildirib ki, bu, Azərbaycandan və bütün Avropa ölkələrindən olan gənclərə “Bakı 2015” ilk Avropa Oyunlarının uğurlu keçməsinə yardım göstərmələri üçün yaradılan imkandır. İlk Avropa Oyunlarında təcrübə toplamaq və öz istedadlarını artırmaq imkanı yaradan bu proqram 199 namizədi (Azərbaycan universitetlərindən 150 nəfər və oyunlarda iştirak edəcək ölkələrin Milli Olimpiya komitələrindən bir nəfər olmaqla 49 nəfər) əhatə edəcək.
Yerli BAOƏK qrupu, həmçinin çevik öyrənmə üsulu təşəbbüsündən yararlanacaq və bu təşəbbüs onları tədbirin idarə edilməsi və çoxsaylı idman tədbirləri üzrə əsas bacarıq və hazırlıq kursları ilə təmin edəcək.
Avropa Olimpiya Komitəsinin Prezidenti Patrik Hiki qeyd edib ki, “Bakı 2015” Oyunlar Akademiyası “Bakı 2015” ilk Avropa Oyunlarının irəli sürdüyü tam yeni innovativ ideyadır, Azərbaycandan və Avropanın istənilən yerindən olan gənclər üçün çox faydalı olacaq.
Bu Akademiya AOK və BAOƏK-in idmanın idarə edilməsi ilə bağlı yüksək təcrübə nümayiş etdirmək məqsədi ilə ilk Avropa Oyunları üçün eyni missiyanı paylaşmasının bir nümunəsidir. Mən xüsusi olaraq Avropa Milli Olimpiya komitələrinin bu Akademiyanın bir hissəsi olmaq üçün dəvət edilməsi təşəbbüsündən məmnunam.
Oyunlar Akademiyasının məsul şəxsi Gavin McAlpine deyib ki, Akademiyanın irimiqyaslı tədbirlər sahəsində nadir bir hadisə olacağına inanırıq. İlk dəfə olaraq bu cür irimiqyaslı tədbirdə insanlar korporativ təşkilatlarda gələcək karyeralarını müəyyən edəcək bilik və təcrübə əldə edə biləcəklər.
Gələcək nəsillərə geniş imkanlar yaratmaq, karyeranızda irəliləyiş əldə etmək və digər proqramlara bənzəməyən məzun təlimi proqramının bir hissəsi olmaq istəyirsinizsə, httr://www.baku2015.com/en/gamesacademy internet saytında məzun təlimi proqramına müraciət edə bilərsiniz.
Ərizələr cari il mayın 8-dək qəbul edilir.

Paylaş:

Baxılıb: 1450 dəfə