Nüfuzlu “Eurosport” kanalında “Tour d’Azerbaidjan-2015”in 3, 4 və 5-ci mərhələləri canlı yayımlanıb

Bakı:

19 °C

72 %

2 m/s

AZ RU EN

Ana səhifə / İdman / Nüfuzlu “Eurosport” kanalında “Tour d’Azerbaidjan-2015”in 3, 4 və 5-ci mərhələləri canlı yayımlanıb

Nüfuzlu “Eurosport” kanalında “Tour d’Azerbaidjan-2015”in 3, 4 və 5-ci mərhələləri canlı yayımlanıb

13.05.2015 [09:56]

Bu möhtəşəm beynəlxalq yarış yerli və xarici kütləvi informasiya vasitələrində geniş işıqlandırılıb
Məlum olduğu kimi, 6-10 may tarixlərində Azərbaycanda Beynəlxalq Velosipedçilər İttifaqının (UCİ) 2.1 kateqoriyalı “Tour d’Azerbaidjan-2015” veloyürüşü keçirilib. 24 ölkədən 25 komandanın mübarizə apardığı 5 günlük yarışda iştirakçılar ümumilikdə 867 km məsafə qət ediblər. Və Azərbaycanı nüfuzlu yürüşdə təmsil edən “Synergy Baku Cycling Project” kontinental komandası 25 kollektiv arasında komanda hesabında 1-ci yerə çıxıb.
Qeyd edək ki, “Synergy Baku Cycling Project” komandasının rəqibləri içərisində 4 pro-kontinental, 15 kontinental və 4 milli komanda olub.
Beləliklə, “Synergy Baku Cycling Project” ilə yanaşı, Avstraliyanın “Drapac Professional Cycling”, İtaliyanın “Androni Giocattoli”, Rusiyanın “RUSVELO”, ABŞ-ın “Team Novonordisk” (hamısı pro-kontinental) və “Airgas Safeway Cycling Team”, Sloveniyanın “Adria-Mobil”, İrlandiyanın “An Post-Chain Reaction”, Lüksemburqun “LEOPARD Development Team”, Çin Xalq Respublikasının “Giant-Champion System”, Rumıniyanın “Tusnad”, Almaniyanın “MLP Team Bergstrasse”, Slovakiyanın “Banska Bystrica”, Türkiyənin “Torku”, Laosun “CCN Cycling Team”, Avstriyanın “Hrinkow Advarics”, Hollandiyanın “Parkhotel Valkenburg”, Çexiyanın “Dukla Praha”, Belarusun “MİNSK”, İsrailin “Cycling Academy Team”, Portuqaliyanın “Team Tavira” klubları (hamısı kontinental), həmçinin, Macarıstan, Estoniya, Yunanıstan və Qazaxıstanın milli komandalarının mübarizə apardığı “Tour d’ Azerbaidjan-2015” yerli və xarici kütləvi informasiya vasitələrində geniş işıqlandırılıb, o cümlədən, İdman Azərbaycan kanalında bütün mərhələlər, “Eurosport” kanalında isə 3,4 və 5-ci mərhələlər canlı yayımlanıb. Yürüşün yekunları ilə bağlı hər gün yarım saatlıq reportaj efirə verilib.
Məlumat üçün bildirək ki, ötən il keçirilən “Tour d’ Azerbaidjan-2015” veloyürüşünün sonuncu-beşinci mərhələsi “Eurosport” kanalı vasitəsilə canlı olaraq yayınlanmış, o zaman həmin yarışı 28,6 milyondan çox tamaşaçı izləmişdi. Bu il isə 3 mərhələ həmin kanal vasitəsilə canlı yayımlandığından tamaşaçı sayı əvvəlki ildən xeyli çox olub.
Əksər idman ekspertlərinin vurğuladıqları kimi, bu veloyürüşün “Eurosport” kanalında yayımlanması ölkəmizin beynəlxalq aləmdə tanıtdırılması üçün çox gözəl bir imkan yaradıb.
NADİR

Paylaş:

Baxılıb: 1147 dəfə