Dneproavia kompaniyası Ukraynadan “Bakı-2015” birinci Avropa Oyunlarına gələn sərnişinlərə güzəştli bilet təklif edir

Bakı:

19 °C

72 %

3 m/s

AZ RU EN

Ana səhifə / İdman / Dneproavia kompaniyası Ukraynadan “Bakı-2015” birinci Avropa Oyunlarına gələn sərnişinlərə güzəştli bilet təklif edir

Dneproavia kompaniyası Ukraynadan “Bakı-2015” birinci Avropa Oyunlarına gələn sərnişinlərə güzəştli bilet təklif edir

04.06.2015 [09:13]

Dneproavia kompaniyası birinci Avropa oyunlarını nəzərə alaraq iyunun 6-dan etibarən möhtəşəm idman yarışmasında iştirak edəcək idmançıların və azarkeşlərin rahat gediş-gəlişini təmin etmək üçün Dnepropetrovsk - Bakı təyyarə reysində xüsusi xidmət növündən istifadə edəcək. Dneproavia kompaniyasının Azərbaycan üzrə nümayəndəsi Əziz Əliyevin verdiyi məlumata görə, birinci Avropa Oyunlarında iştirak etmək üçün Ukraynadan Bakı şəhərinə təşrif buyuracaq hər bir idmançıya və azarkeşə yüksək xidmət göstərmək, onlara Bakının qədim abidələri və müasir istirahət mərkəzləri ilə tanış olmaları üçün informasiya bukletləri paylanılacaq. Kompaniya, həmçinin, ilk Avropa Oyunlarında iştiraklarını müvafiq sənədlə təsdiq edən sərnişinləri güzəştli biletlərlə sevindirəcək.
“Biz çalışacağıq ki, doğma Bakımıza gələn hər bir qonağa ölkəmiz haqqında dolğun məlumat verilsin”. Birinci Avropa Oyunlarının Bakıda keçirilməsini hər bir azərbaycanlının qürur mənbəyi adlandıran Əziz Əliyev qeyd edib ki, Dneproavia kompaniyası bu istiqamətdə üzərinə düşən missiyanın öhdəsindən layiqincə gələcək. “Bildiyiniz kimi Şərqi Ukraynada 2 mindən çox azərbaycanlı tələbə təhsil alır. Bölgədə, həmçinin, 10 minlərlə soydaşımız yaşayır. Onlar Ukraynanın Dnepropetrovsk, Xarkov, Zaporojye, Poltava, Sumı və digər şəhərlərindən vətənə gəlib-getmək üçün mütləq hər dəfə əlavə 500-600 km məsafə qət etməklə Kiyevin Borispol hava limanından istifadə edirdilər ki, bu da onlara həm vaxt itkisi, həm də maddi baxımdan baha başa gəlirdi. Biz, həmçinin, soydaşlarımıza da bu istiqamətdə yüksək xidmət göstərməklə, onların vətənə gəlib-getməsinin asanlaşdırılmasına da öz töhfəmizi verəcəyik”, - deyə Əziz Əliyev bildirib.
Qeyd edək ki, Dnepropetrovsk-Bakı təyyarə reysi ilkin olaraq uçuşlarını iyunun 6-dan başlayaraq hər həftənin bazar günü yerli vaxtla saat 14-00-da Dnepropetrovsk şəhərindən, 19:30-da isə Bakıdan həyata keçirəcək. Şirkət sərnişinlərin tələbinə uyğun olaraq iyuldan etibarən reysin sayını həftədə 2 dəfəyədək artırmağı da nəzərdə tutub. Yeni təyyarə reysinə bilet almaq istəyən sərnişinlər Dniproavia.com saytına və istənilən aviabilet satışı agentliklərinə müraciət edə bilərlər.

Paylaş:

Baxılıb: 1167 dəfə