Növbəti sosial qayğı

Bakı:

24 °C

88 %

8 m/s

Əlaqə

AZ RU EN

Ana səhifə / İqtisadiyyat / Növbəti sosial qayğı

Növbəti sosial qayğı

03.08.2024 [10:20]

Vətən müharibəsi qazilərinin övladlarına vergi güzəştləri verilir

Nazirlər Kabineti 4 yanvar 2001-ci il tarixli qərarı ilə təsdiq edilmiş “Əmək haqqından tutulan vergi hesablanarkən fiziki şəxslərin vergi güzəştləri hüququnun müəyyənləşdirilməsi üçün sənədlərin Siyahısı”nda dəyişiklik edib. Hökumətin yeni qərarına əsasən, vergi güzəştləri hüququnun müəyyənləşdirilməsi üçün sənəd təqdim edən şəxslərə həlak olmuş, yaxud sonralar vəfat etmiş döyüşçülərin dul arvadları ilə yanaşı, onların övladları da aid edilib.

Məlum olduğu kimi, Azərbaycanın ərazi bütövlüyü və müstəqilliyi uğrunda öz canından keçmiş şəxslərin ailələrinə, həmçinin müharibə əlillərinə dövlət tərəfindən hər zaman böyük diqqət və qayğı göstərilir. Belə ki, sağlamlıqlarını torpaq uğrunda itirən Qarabağ əlillərinin mənzil-məişət şəraiti yaxşılaşdırılır, şəhid ailələri və müharibə əlillərinə mütəmadi olaraq yeni mənzillər, avtomobillər verilir, habelə onların müalicəsi üçün reabilitasiya mərkəzləri açılır və digər sosial tədbirlər həyata keçirilir. Bu siyasətə uyğun olaraq, sosial cəhətdən həssas əhali qruplarının, o cümlədən müharibə ilə əlaqədar əlilliyi olan şəxslərin, şəhid ailələrinin, müharibə veteranlarının və digər formada zərərçəkmiş şəxslərin sosial müdafiəsinin gücləndirilməsi ilə bağlı həyata keçirdiyi sosial siyasət son bir ildə daha da gücləndirilib, Azərbaycanın ərazi bütövlüyünün bərpası zamanı həlak olmuş şəxslərin valideynləri və arvadları (ərləri) ilə yanaşı, onların övladlarının da hər hansı muzdlu işdən vergi tutulmalı olan aylıq gəlirinə güzəştlər artırılıb.

Vergi Məcəlləsinin 102-ci maddəsində göstərilən qaydada azadolma və güzəştlər tətbiq edilir. Nazirlər Kabinetinin 4 yanvar 2001-ci il tarixli 4 nömrəli “əməkhaqqından tutulan vergi hesablanarkən fiziki şəxslərin vergi güzəştləri hüququnun müəyyənləşdirilməsi üçün sənədlərin siyahısı” adlı qərarda güzəşt hüququ verən təsdiqedici sənədlər müəyyənləşib və gəlir vergisinə aid güzəştlər həmin sosial qrupların əməkhaqqından vergi hesablanarkən 400, 200,100 və 50 manatlıq həddə şamil olunur. Belə ki, Azərbaycanın Vətən Müharibəsi Qəhrəmanları, Azərbaycanın Milli Qəhrəmanları, müharibə ilə əlaqədar əlilliyi olan şəxslər, həlak olmuş, yaxud sonralar vəfat etmiş döyüşçülərin dul arvadları ərləri və övladları muzdlu işdən vergi tutulmalı olan aylıq gəlirin 400 manat məbləğində vergisindən azad olunub. Vergi Məcəlləsində 2023-cü ildə edilən yeni dəyişikliklərdən sonra bu güzəştlərin miqyası bir qədər də artrırılıb və şəhid statusu verilmiş şəxsin valideynlərinin, dul arvadlarının (ərlərinin) vergi tutulmalı olan aylıq gəlirləri (əməkhaqqı gəlirləri) ilə bağlı 800 manat məbləğində vergi güzəştin verilməsi təsbit olunub. Eləcə də 1990-cı il yanvarın 20-də SSRİ qoşunlarının müdaxiləsi nəticəsində, habelə Azərbaycan Respublikasının ərazi bütövlüyünün müdafiəsi zamanı həlak olmuş şəxslərin valideynləri və arvadları (ərləri) ilə yanaşı, övladlarına da vergi tutulmalı olan aylıq gəlirləri ilə bağlı güzəştlərin verilməsi müəyyənləşib.

Bu siyasət tədbirləri çərçivəsində şəhid ailələrinin və sağlamlığını itirmiş qəhrəman döyüşçülərimizin qayğılarına həssas münasibətin təzahürü kimi sosial xarakterli güzəştlər vasitəsilə onların maliyyə-vergi yükü azaldılıb. Vergi Məcəlləsinə edilmiş dəyişikliklərdə şəhid olmuş şəxslərin ailə üzvlərinə və qazilərə verilən maddi yardımın 20 min manatadək olan hissəsinin gəlir vergisindən azad edilməsi nəzərdə tutulub. Həmçinin, hədiyyələrin, təhsil və ya müalicə haqlarını ödəmək üçün maddi yardımın, birdəfəlik müavinətin dəyərinin 1.000 manatadək olan hissəsi gəlir vergisindən azaddır və bu azadolma sosial statusundan asılı olmayaraq maddi yardım alan bütün fiziki şəxslərə tətbiq edilir. Şəhid olmuş şəxslərin ailə üzvlərinə və hərbi əməliyyatlar nəticəsində əlil olmuş hərbi qulluqçulara və mülki şəxslərə dövlət tərəfindən göstərilən diqqət və qayğının davamı kimi, bu kateqoriyaya aid fiziki şəxslərə verilən və məqsədli təyinatından asılı olmayaraq, maddi yardımların 20 min manatadək olan hissəsinin gəlir vergisindən azad edilməsi nəzərdə tutulur.

Gəlir vergisi üzrə digər dəyişiklik ölkə daxilində müalicə haqlarını, o cümlədən cərrahiyyə əməliyyatının haqqını ödəmək üçün maddi yardımın, birdəfəlik müavinətin dəyərinin 10 min manatadək olan hissəsinin, xaricdə müalicə haqlarını, o cümlədən cərrahiyyə əməliyyatının haqqını ödəmək üçün maddi yardımın, birdəfəlik müavinətin dəyərinin 50 min manatadək olan hissəsinin gəlir vergisindən azad edilməsidir.

Göründüyü kimi Vətən Müharibəsindən sonra dövlətimizin qarşısında duran ən mühüm sosial məsələlərdən biri şəhid ailələrinin və sağlamlığını itirmiş qəhrəman döyüşçülərimizin, onların ailə üzvlərinin qayğıları, sosial vəziyyətinin yaxşılaşdırılması daim diqqət mərkəzindədir.

Beləliklə, Nazirlər Kabinetinin müvafiq qərarına əsasən, Vergi Məcəlləsinin 102.1.1-ci maddəsində təsbit olunmuş gəlir vergisi üzrə azadolma kateqoriyasına daxil olan həmin ailələrin övladlarına münasibətdə güzəştli vergi rejiminin tətbiqi genişləndirilir və güzəştlər bu kateqoriaydan olan insanların sosial müdafiəsinin gücləndirilməsinə imkan yaradacaq.

ELBRUS

Paylaş:

Baxılıb: 800 dəfə