Demokratik ənənələrə sadiqlik

Bakı:

14 °C

100 %

4 m/s

Əlaqə

AZ RU EN

Ana səhifə / MEDİA / Demokratik ənənələrə sadiqlik

Demokratik ənənələrə sadiqlik

22.06.2025 [09:23]

Ölkəmizdə söz azadlığı təmin olunur

Ölkəmizdə fikir və söz azadlığı yüksək səviyyədə təmin olunub. Demokratik ənənənlərə sadiqliyi ilə seçilən Azərbaycan söz azadlığının qorunduğu, mətbuat azadlığı prinsipinə hörmətlə yanaşılan ölkələrdən hesab edilir. Kütləvi nformasiya asitələri - qəzetlər, jurnallar, televiziya və radiolar, informasiya agentlikləri və informasiyanın müntəzəm formada yayıldığı digər vasitələr cəmiyyətin inkişafına ciddi təsir göstərən, onun vəziyyətini və mahiyyətini müəyyənləşdirən siyasi sistemin tərkib hissəsidir.

Vurğulandığı kimi, söz və ifadə azadlığı demokratiyanın təməl prisiplərindəndir. Bu element dövlətlərin, xalqların siyasi inkişafında, cəmiyyətlərin formaşmasında müstəsna rola malik olmaqla yanaşı, indkator rolunu oynayır. Başqa sözlə, cəmiyyətin azadlıq indeksinin müəyyənləşdirilməsi həm də ölkədəki söz və mətbuat azadlığı və bu azadlığın təmin olunmasına yönəlik tədbirlərə əsaslanır. Azərbaycan da söz azadlığının qorunduğu, mətbuat azadlığı prinsipinə hörmətlə yanaşılan dövlətlərdəndir. 1993-cü ildə Ümummilli iderimiz Heydər Əliyevin xalqın təkidli tələbi ilə hakimiyyətə gəlişindən sonra ölkəmizdə söz azadlığının bərqərar olası istiqamətində mühüm addımlar atılıb, Ulu ndərin rəhbərliyi və birbaşa iştirakı ilə hazırlanan ölkə Konstitusiyasında vətəndaşların söz azadlığı hüququ təsbit edilib. Ulu ndərin siyasi kursunu uğurla davam etdirən Prezident İlham Əliyev ölkədə söz azadlığının təmin olunması istiqamətində əsaslı fəaliyyət nümayiş etdirir.

Zəruri qanunvericilik bazası yaradılıb

Mövzu barədə fikirlərini “Yeni Azərbaycan”la bölüşən “Bakı-xəbər” qəzetinin baş redaktoru Aydın Quliyev bildirib ki, Azərbaycan öz müstəqilliyini bərpa etdikdən sonra həyatın bir çox shələrində olduğu kimi, mətbuatın inkişafında da dönüş yarandı, siyasi plüralizm və söz azadlığını təmin etmək üçün mühüm işlər həyata keçirildi. Onun sözlərinə görə, Azərbaycan mətbuatının sürətli inkişafı respublikamızda dünya standartlarına cavab verən müstəqil kütləvi informasiya vasitələrinin yaranmasına gətirib çıxardı: “Bu gün Azərbaycanda müasir dünya standartlarına cavab verən müstəqil media formalaşmaqdadır. 1998-ci ildə mummilli ider Heydər Əliyev tərəfindən mətbuat üzərində dövlət tənzimlənməsini nəzərdə tutan bütün mexanizmlər, o cümlədən senzura ləğv olundu. Azərbaycan mətbuatının dövlət nəşriyyatına olan borcları əvvəlcə üç il müddətində donduruldu, sonra isə ləğv olundu. Çox sevindirici haldır ki, bu məqsədyönlü işlər Ulu ndər Heydər Əliyev siyasətinin layiqli davamçısı Prezident İlham Əliyev tərəfindən davam etdirilir. Bu gün qəzet, jurnal, informasiya agentliyinin təsis edilməsi üçün münbit şərait var. Ölkəmizdə kütləvi informasiya vasitələrinin normal fəaliyyət göstərməsi üçün zəruri qanunvericilik bazası yaradılıb”.

Medianın fəaliyyəti üçün hər hansı bir əngəl yoxdur

A.Quliyev vurğulayıb ki, hazırda Azərbaycanda medianın fəaliyyət göstərməsi üçün heç bir əngəl yoxdur: “Bu məsələyə, əsasən, iki aspektdən yanaşmaq lazımdır. Birinci, dövlətin görməli olduğu işlər və real durum, ikinci də, əlbəttə ki, medianın özünün üzərinə düşən vəzifələr. Dövlətə gəlincə, burada qanunvericilik kifayət qədər mükəmməldir. Müəyyən qüsurlar, yaxud da tənqidlər olsa da, dövlət medianın və jurnalistlərin azadlığının yüksək səviyyədə təmin edilməsi üçün bütün şəraiti yaradıb. Azərbaycanda heç kəs iddia edə bilməz ki, biz özümüzü azad şəkildə ifadə etməkdə çətinlik çəkirik. Medianın fəaliyyət göstərməsi üçün hər hansı əngəl yoxdur”.

Bu gün Prezident İlham Əliyev söz və fikir azadlığına, mətbuatın inkişafına, bu sahədə yaranan problemlərin həllinə daim xüsusi diqqət, qayğı göstərir. Məhz bu diqqət və qayğıdan irəli gəlir ki, hazırda Azərbaycanda yüzlərlə mətbuat orqanı, informasiya agentliyi, teleradio şirkətləri, sürətlə inkişaf edən internet resursları fəaliyyət göstərir, onlar vətəndaş cəmiyyəti quruculuğunun fəal iştirakçısına çevrilərək cəmiyyətimizin informasiyaya olan ehtiyacının ödənilməsində əhəmiyyətli rol oynayırlar. Mətbuatın, eləcə də digər media vasitələrinin maddi-texniki bazasının gücləndirilməsi istiqamətində atılan addımlar isə ölkəmizdə kütləvi informasiya vasitələrinin müstəqilliyini daha möhkəm özüllər üzərində bərqərar edir. Hazırda mətbuatda müasir informasiya-kommunikasiya texnologiyalarının tətbiqinin stimullaşdırılması, jurnalistlərin peşəkarlığının və məsuliyyətinin artmasına daha münbit şəraitin yaradılması, onların sosial müdafiəsinin gücləndirilməsi Azərbaycan dövləti və cəmiyyətinin qarşısında duran mühüm vəzifələrdən biridir”.

Yeganə

Məqalə “Azərbaycan Respublikasının Medianın İnkişafı Agentliyi”nin maliyyə dəstəyi ilə “Fikir, söz və məlumat azadlığının, plüralizmin inkişaf etdirilməsi” istiqaməti üzrə hazırlanmışdır.

Paylaş:

Baxılıb: 367 dəfə