Threads: “İplər” kimin əlindədir?

Bakı:

20 °C

77 %

6 m/s

Əlaqə

AZ RU EN

Ana səhifə / Maraqlı / Threads: “İplər” kimin əlindədir?

Threads: “İplər” kimin əlindədir?

08.07.2023 [12:00]

Yeni sosial şəbəkədə rekord göstərici

İnternetin nəhəng məlumat bazası hər saniyə yeni informasiya ilə zənginləşir. İnternet genişləndikcə sosial şəbəkələr yaranır ki, bu şəbəkələr vasitəsilə dünyanın istənilən nöqtəsində yaşayan insanlarla virtual ünsiyyət qurmaq, məktublaşmaq, online keçirilən müxtəlif forumlarda iştirak etmək, gündəlik hadisələr haqqında operativ məlumatlar almaq mümkündür.

Dünyada sosial şəbəkə istifadəçi sayı 2022-ci il hesablamalarıına görə “Facebook” 2,91 milyard sayla ilk pillədə yer alıb. “Facebook”dan sonrakı pillələrdə isə 2,56 milyard istifadəçi sayı ilə “Youtube”, 2 milyard ilə “WhatsApp”, 1,47 milyard ilə “İnstagram” ön sıralarda yerini alıb.

İki gün öncə insanların istifadəsinə verilən “Threads” sosial şəbəkəsi rekord göstəriciyə çatdı. Belə ki, “Meta” şirkəti tərəfindən yaradılan “Threads” platforması 7 saat ərzində 30 milyon istifadəçi toplaya bilib. Bu barədə “Meta” şirkətinin rəhbəri Mark Zukerberq paylaşım edib. Mark Zukerberq 11 ildən sonra ilk tvitini dərc edib. Bu, “Threads” sosial şəbəkəsinin istifadəyə verilməsindən bir neçə saat sonra baş verib. Onun paylaşımından sonra “Threads” sürətlə izləyicilərin diqqətini cəlb edib. yeni platformada mətn məzmununu paylaşmaq və ictimai çatlarda iştirak etmək olur. “Threads” 100 ölkədə mövcud olsa da, Avropa Birliyi ölkələrində hələ də aktiv deyil. Buna səbəb AB-nin nizamnamələridir.

Qeyd edək ki, ingilis dilindən tərcümədə “threads” “iplər” deməkdir. “İnstagram”ın “Twitter”ə rəqib olması üçün yaradılan bu sosial şəbəkə tarixin ən sürətlə böyüyən tətbiqi olub. Bir neçə ay əvvəl isə bu başlıq “ChatGPT”ə məxsus idi. (2 ay ərzində 100 milyon istifadəçiyə çatıb).

“Semafor” portalının məlumatına əsasən tviter özünə rəqib kimi görünən “Threads” adlı yeni sosial şəbəkənin istifadəyə verilməsinə görə “Meta”nı məhkəməyə verə bilər. Məlumata görə, iyulun 6-da yeni onlayn platformanın istifadəyə verilməsindən qısa müddət sonra tviteri təmsil edən “Quinn Emanuel” şirkətinin hüquqşünası Aleks Spiro “Meta”nın rəhbəri Mark Zukerberqə məktub göndərib və orada korporasiyanı “Twitter”in əqli mülkiyyətindən istifadədə ittiham edib. Xüsusilə, Spiro, keçən il İlon Mask tərəfindən satın alındıqdan sonra şirkətin ixtisarı zamanı “Meta”nın hələ də ticarət sirri məlumatlarına çıxışı olan onlarla “Twitter” işçisini işə götürdüyünə diqqət çəkib. Məktubda: “Twiter öz əqli mülkiyyət hüquqlarını ciddi şəkildə tətbiq etmək niyyətindədir və “Meta”dan şirkətin kommersiya sirri olan hər hansı məlumatdan istifadəni dayandırmaq üçün dərhal addımlar atmasını tələb edir”, - deyə qeyd olunub.

Beləliklə, “iplər”in kimin əlində olacağını zaman göstərəcək.

Şahanə XANKİŞİYEVA

Paylaş:

Baxılıb: 844 dəfə