"Prezidentlərin növbəti görüşü zamanı münaqişənin həllində müəyyən addımların atılması mümkün ola bilər"

Bakı:

25 °C

64 %

4 m/s

AZ RU EN

Ana səhifə / Müsahibə / "Prezidentlərin növbəti görüşü zamanı münaqişənin həllində müəyyən addımların atılması mümkün ola bilər"

"Prezidentlərin növbəti görüşü zamanı münaqişənin həllində müəyyən addımların atılması mümkün ola bilər"

11.06.2009 [11:14]

Prezident Adminstrasiyasının beynəlxalq əlaqələr şöbəsinin müdiri Novruz Məmmədovun SİA-ya müsahibəsi:
- Novruz müəllim, Fransa Milli Şurasının deputatı Fransua Roşbuyo qondarma “Dağlıq Qarabağ Respublikası”na səfər edib və orada görüşü zamanı bəyan edib ki, xalqların öz müqəddəratını təyinetmə hüququ əsasdır. Bu məsələyə münasibətiniz necədir?
- Belə məsələlərdə Azərbaycana Fransa dövlətinin özünün rəsmi mövqeyi daha vacibdir. Eyni zamanda, həmsədr ölkələrdən biri olan Fransanın parlament üzvünün bu səfəri və açıqlaması normal deyil. Bu məsələ ilə əlaqədar Azərbaycan tərəfi öz mövqeyini Milli Məclisin növbədənkənar sessiyasında da bildirib. Şübhəsiz ki, belə hadisələr həmin dövlətlərdə münaqişəyə yanaşmanın ədalətli olmadığını bir daha ortaya qoyur. Hesab edirəm ki, bu məsələdə Azərbaycanın ədalətli mövqeyinə qarşı mənfi mövqe nümayiş etdirilməsi, Fransanın nüfuzunu zəiflədir.
- Prezidentlərin növbəti görüşü nə vaxt olacaq?
- Prezidentlərin növbəti görüşü gələn ay baş tuta bilər. Növbəti görüş zamanı müəyyən bir addımın atılması mümkün ola bilər və buna çox böyük ehtiyac var.
-ATƏT-in Minsk qrupu həmsədrlərinin formatının dəyişdirilməsi gündəmə gələ bilərmi?
- Həmsədrlərin fəaliyyəti ilə bağlı Azərbaycan tərəfi dəfələrlə narazılığını bildirib. Həmsədrlər eyni zamanda beynəlxalq hüquq çərçivəsində çıxış edən vasitəçi olmalıdırlar. Bundan əlavə, həmsədr dövlətlərinin mövqeyi bir olmalıdır. Dünyada beynəlxalq hüquq mövcuddur və bu hüququ həmin dövlətlər formalaşdırıblar. Eyni zamanda münaqişənin həllində həmsədr dövlətlərin prezidentləri, xarici işlər nazirləri və digər nüfuzlu şəxsləri iştirak edə bilərlər. Lakin, belə təzyiq olmadığı üçün münaqişənin həllində danışıqlar zamanı irəliləyişlər çox azdır. Düşünürəm ki, həm Rusiya, həm ABŞ, həm də Fransa bu istiqamətdə daha qəti addımlar atmalıdır.
- Novruz müəllim, bu yaxınlarda Bakıya səfər edəcək İsrail prezidenti Şimon Peresin səfər proqramını mümkünsə açıqlayardınız?
- İsrail prezidenti Şimon Peresin Bakıya səfəri zamanı ikitərəfli münasibətlər, indiki durum və gələcək prespektivləri haqqında məsələlər müzakirə olunacaq. Səfər zamanı Şimon Peres Prezident İlham Əliyevlə bir sıra görüşlər keçirəcək.
- Şimon Peresin Azərbaycana səfəri İran hərbi dairələrində radikal qarşılanır. Bu nə dərəcədə düzgündür?
- Bu ay İsrail prezidenti Şimon Peres Bakıya rəsmi səfərə gələcək və bunula əlaqədar İranın bəzi dairələrində etirazlar olması ilə əlaqədar mətbuatda məlumatlar dərc olunur. Əlbəttə ki, İran da Azərbaycanla qonşu dövlətdir, pis-yaxşı əlaqələr saxlayırıq və bunu daha da inkişaf etdirmək əzmindəyik. Lakin, İranda da müxtəlif siyasi dairələr mövcuddur. Son deyilən fikirlər İranın rəsmi mövqeyi deyil. Bunu İranın güc strukturu rəhbərlərindən biri bəyan edib. İranın rəsmi mövqeyini bu ölkənin prezidenti və Xarici İşlər Nazirliyi bildirə bilər. Azərbaycan müstəqil dövlətdir, müstəqil xarici siyasət kursu həyata keçirir və öz maraqlarını təmin etmək üçün bu kursu irəliyə aparır. Bizim həyata keçirdiyimiz maraqlar heç bir dövlətin xarici siyasət kursuna zidd deyil. Yəqin ki, bunu İran tərəfi də bilir.

Paylaş:

Baxılıb: 1677 dəfə