Siyavuş Novruzov: Rüstəm İbrahimbəyov Balayanla 2000-ci ildən sonra çəkdiyi filmlərdən danışsın

Bakı:

13 °C

82 %

6 m/s

Əlaqə

AZ RU EN

Ana səhifə / Siyasət / Siyavuş Novruzov: Rüstəm İbrahimbəyov Balayanla 2000-ci ildən sonra çəkdiyi filmlərdən danışsın

Siyavuş Novruzov: Rüstəm İbrahimbəyov Balayanla 2000-ci ildən sonra çəkdiyi filmlərdən danışsın

02.05.2013 [11:27]

“Gəlin sizinlə bir yerdə çıxaq görək Azərbaycanda ictimai-siyasi xaos var, ya yox? Buradan Əhmədliyə qədər ayaqla, piyada gedək, bir yerdə belə, ictimai-siyasi qeyri-sabitliyə, qeyri-stabilliyə rast gəlsəniz, o zaman deyərsiniz ki, Rüstəm İbrahimbəyov həqiqəti deyir”. Bu fikirləri “Gün.Az”-a açıqlamasında Yeni Azərbaycan Partiyası (YAP) İcra katibinin müavini, millət vəkili Siyavuş Novruzov deyib.
“Amma Rüstəm İbrahimbəyovun ümumiyyətlə, Azərbaycan barədə məlumatı yoxdur. Onun əslində özünün fəaliyyətindən bütövlükdə xəbəri yoxdur” - deyən millət vəkilinin sözlərinə görə, R.İbrahimbəyov heç zaman siyasətlə məşğul olmayıb, heç vaxt dövlət işində çalışmayıb: “...Hərdən də təəssüf edirəm, elə bir təsəvvür yaranıb ki, guya Azərbaycan Afrikanın hansısa bir ölkəsidir, burada qarşıdurma, ay nə bilim, vətəndaş müharibəsi var. Guya gərginlik elə bir vəziyyətə gəlib çatıb ki, hər şey ləğv olunmalıdır, “Milli Şura” yaranmalıdır. Axı, ay qardaş, dövlət var, dövlətin müvafiq orqanları var, onlar fəaliyyət göstərirlər, parlamentin plenar iclaslarında qərarlar, qanunlar qəbul edilir.
Yaxud da, Azərbaycanın iqtisadiyyatı inkişaf edir, ictimai-siyasi sabitlik öz qaydasındadır, insanların sosial problemləri həll olunur, quruculuq-abadlıq işləri görülür. Dünya Azərbaycana həsəd aparır.
Ən böyük tədbirləri, konfransları Azərbaycanda keçirirlər. Bunlar isə deyir ki, xaosdur... Xaos tamam başqa bir şeydir. Xaos olub 90-cı illərdə... 93-cü ildən sonra Azərbaycanda xaos bitib-tükənib...”
S.Novruzov qeyd edib ki, Azərbaycanın öz inkişaf strategiyası var və işlər bu formada da davam edir: “Bunlar da danışmalıdır, o fikirləri deməlidir, mən bunu təbii hesab edirəm. Başqa nə deyə bilərlər ki? Rüstəm İbrahimbəyov deməlidir ki, erməni ilə üç filmi var, gedib Balayanla bir yerdə - keçmişdə yox, 2000-ci illərdə - film çəkərək, onlarla işbirliyi yaradıb, bundan danışmalıdır...
“Ziyalılar Forumu”nun digər üzvü “Daş yuxular” yazıb, bundan danışmalıdır, deməlidir ki, həmin şəxs bununla vətənə “xidmət” edib... Ancaq onları qoyublar bir kənara, Azərbaycanda hansısa xaosdan danışırlar...
Azərbaycanda heç bir ictimai-siyasi xaos yoxdur, ölkədə tam ictimai-siyasi sabitlikdir və seçki üçün də çox gözəl şərait var. Kim istəyir namizədliyini irəli sürə bilər...”

Paylaş:

Baxılıb: 2074 dəfə