Siyavuş Novruzov: Azərbaycanın ərazisini işğal edən dövlətlə eyni ittifaqda ola bilmərik

Bakı:

27 °C

46 %

3 m/s

Əlaqə

AZ RU EN

Ana səhifə / Siyasət / Siyavuş Novruzov: Azərbaycanın ərazisini işğal edən dövlətlə eyni ittifaqda ola bilmərik

Siyavuş Novruzov: Azərbaycanın ərazisini işğal edən dövlətlə eyni ittifaqda ola bilmərik

08.04.2014 [09:32]

“Ermənistanı çıxmaq şərti ilə Azərbaycan bütün qonşu ölkələrlə xoş münasibətə malikdir, o cümlədən Rusiya ilə. Bu əlaqələr bərabərhüquqlu formada inkişaf edir”. Bunu Yeni Azərbaycan Partiyasının (YAP) İcra katibinin müavini, millət vəkili Siyavuş Novruzov Publika.Az-a açıqlamasında son günlər Azərbaycana qarşı guya Rusiya təhlükəsinin olması haqqında yayılan xəbərlərə münasibət bildirərkən deyib.
Rusiyanın Azərbaycandan Gömrük İttifaqına qoşulmaqla bağlı istəyinin olması haqqında yayılan məlumatlara gəlincə S.Novruzov deyib ki, Azərbaycan heç bir bloka qoşulmur və bütün tərəflərlə bərabər əməkdaşlığa üstünlük verir: “Biz Gömrük İttifaqına qoşula bilmərik. Çünki Azərbaycanın ərazisini işğal edən dövlətlə eyni ittifaqda ola bilmərik. MDB-də elə sənədlər var ki, biz onlara qoşulmuruq. Gömrük İttifaqı ilə yanaşı, Kollektiv Təhlükəsizlik Müqaviləsi Təşkilatına da qoşula bilmərik. Ermənistan-Azərbaycan, Dağlıq Qarabağ münaqişəsi həll olunmayana qədər Azərbaycan Ermənistanla bərabər şəkildə əməkdaşlıq edə bilməz. Təsəvvür edin ki, ölkəmiz Gömrük İttifaqına qoşulsa, Ermənistana gedən bütün yüklər Azərbaycan ərazisindən sərbəst şəkildə keçməlidir. Bunun müqabilində də Ermənistan Azərbaycan torpaqlarını işğal altında saxlayır. MDB üzvü dövlətlər də bizi başa düşür. Bununla bağlı həm Qazaxıstanın, həm Belarusun, həm də Ukraynanın keçmiş prezidenti də çıxış etmişdi ki, bu məsələdə Azərbaycanın dediyi həqiqətdir. Azərbaycan vahid Gömrük İttifaqına qoşula bilməz”.
Millət vəkili qeyd edib ki, Azərbaycan Rusiya ilə yaxşı münasibətlərə, iqtisadi dövriyyəyə, siyasi əlaqələrə malikdir: “Xarici media bir çox hallarda aranı qızışdırır, eyni zamanda, hər iki ölkə arasında münasibətləri gözü götürməyənlər var. Belə KİV-lərin bir çoxu erməni lobbisinə xidmət edir”.
Ötən il prezident seçkilərindən öncə Rusiyanın Azərbaycana dair planlarının olduğu ilə bağlı məlumatlara gəlincə millət vəkili deyib ki, burda söhbət konkret Rusiyadan deyil, Rusiyadakı bəzi dairələrdən gedirdi: “İstər Rusiya, istər İran, istərsə Avropa və ABŞ-da müəyyən dairələr var ki, burada aranı qarışdırmaqda maraqlıdırlar. Yəni, söhbət konkret dövlətlərdən deyil, dairələrdən gedir. Elə senator yaxud konqresmen var ki, erməni lobbisinin təsiri altında Azərbaycana qarşı bəyanatlar səsləndirir. Ölkə daxilində də elə QHT-lər var ki, Azərbaycan haqqında mənfi rəy yaradırlar. Azərbaycanda da belə dairələrə qulluq edənlər var. Seçki öncəsi də onlar xof, qarışıqlıq yaratmaq istədilər, lakin xalq buna imkan vermədi”.

Paylaş:

Baxılıb: 862 dəfə