İxtisaslaşdırılmış kursların təşkilinin seçki hüquqları sahəsində maarifləndirmə işində mühüm əhəmiyyəti vardır

Bakı:

27 °C

61 %

9 m/s

AZ RU EN

Ana səhifə / Siyasət / İxtisaslaşdırılmış kursların təşkilinin seçki hüquqları sahəsində maarifləndirmə işində mühüm əhəmiyyəti vardır

İxtisaslaşdırılmış kursların təşkilinin seçki hüquqları sahəsində maarifləndirmə işində mühüm əhəmiyyəti vardır

27.08.2015 [09:55]

Avqustun 26-da 24 saylı Nizami birinci seçki dairəsi Dairə Seçki Komissiyasında seçki hüquqlarına dair üç günlük ixtisaslaşdırılmış kurslar başa çatıb. İxtisaslaşdırılmış kursların sonuncu günündə də dairə seçki komissiyalarının üzvləri, məntəqə seçki komissiyalarının sədrləri və katıbləri üçün seminarlar təşkil edilib.
AZƏRTAC xəbər verir ki, Dairə Seçki Komissiyasının sədri Niyazi Nəcəfov bildirib ki, bu kurslar Azərbaycan Prezidenti İlham Əliyevin 2011-ci il 27 dekabr tarixli Sərəncamı ilə təsdiq edilmiş “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”na əsasən aşağı seçki komissiyalarının üzvlərinin maarifləndirilməsi məqsədilə bütün respublikanı əhatə edən irimiqyaslı layihənin ikinci mərhələsi çərçivəsində keçirilib.
24 saylı Nizami birinci seçki dairəsi dairə və məntəqə seçki komissiyalarında Milli Məclisə seçkilərlə bağlı hazırlıq işlərindən danışan N. Nəcəfov ilk iki gündə keçirilmiş kurslar haqqında da məlumat verib.
Diqqətə çatdırıb ki, kurslarda seçici siyahıları ilə işin aparılması, seçkiqabağı təşviqata şəraitin yaradılması, bildirişlərin seçicilərə çatdırılması sahəsində yerli icra və bələdiyyə qurumlarının rolu, onların komissiyalar ilə səmərəli əlaqələrinin qurulması mövzularına xüsusi yer ayrılıb.
Eyni zamanda, seçki hüququ və onun təminatının qanunvericilik əsasları, aşağı seçki komissiyaları və məhkəmələr tərəfindən seçki hüququnun qorunması mexanizmləri, seçki prosesində KİV-lərin rolu, yerli və xarici müşahidəçilərin hüquq və vəzifələri, rəsmi sənədlərin daşınması və təhlükəsizliyinin təmin edilməsi, eləcə də asayişin qorunmasında Daxili İşlər Nazirliyi orqanlarının rolu, səslərin hesablanması, nəticələrin rəsmiləşdirilməsi işində məntəqə seçki komissiyalarının vəzifələri və fəaliyyətlərinin təşkilinə dair maarifləndirici seminarlar və təlimlər keçirilib.
Vurğulanıb ki, 39 min 762 seçicisi olan dairə seçki komissiyasının ərazisində 35 daimi seçki məntəqəsi fəaliyyət göstərir. Məntəqələr lazımi texniki avadanlıqla tam təchiz edilib. Şəffaflığın təmin olunması məqsədilə əksər məntəqələrdə veb-kamera quraşdırılıb.
İxtisaslaşdırılmış kursların üçüncü günündə Nizami rayon prokurorluğunun nümayəndəsi Günel Məmmədli “Seçki subyektləri, seçki hüquqlarının pozulmasına görə məsuliyyəti nəzərdə tutan qanunvericilik aktları, normaları və məsuliyyət növləri” mövzusunda məruzə ilə çıxış edib. Tədbirdə iştirakçıları maraqlandıran suallar cavablandırılıb.

Paylaş:

Baxılıb: 587 dəfə