Sahibə Qafarova Stokholmda AŞ PA-nın Bərabərlik və qeyri-diskriminasiya komitəsinin iclasında çıxış edib

Bakı:

29 °C

43 %

7 m/s

AZ RU EN

Ana səhifə / Siyasət / Sahibə Qafarova Stokholmda AŞ PA-nın Bərabərlik və qeyri-diskriminasiya komitəsinin iclasında çıxış edib

Sahibə Qafarova Stokholmda AŞ PA-nın Bərabərlik və qeyri-diskriminasiya komitəsinin iclasında çıxış edib

19.05.2016 [10:21]

İsveçin paytaxtı Stokholmda Avropa Şurası Parlament Assambleyasının (AŞ PA) Bərabərlik və qeyri-diskriminasiya komitəsinin iclası keçirilib. İclasda Milli Məclisin Ailə, qadın və uşaq məsələləri komitəsinin sədr müavini, AŞ PA-nın Miqrasiya, qaçqınlar və məcburi köçkünlər üzrə komitəsinin sədri Sahibə Qafarova da iştirak edib. İclasda Sahibə Qafarova müzakirə olunan məsələlərlə bağlı çıxış edib. Onun sözlərinə görə, insan hüquq və azadlıqlarının təmin olunması istiqamətində əsas beynəlxalq sənədlər olan Birləşmiş Millətlər Təşkilatının Nizamnaməsində, insan haqları üzrə Ümumi Bəyannamədə və insan hüquqları sahəsində digər beynəlxalq sənədlərdə, xüsusilə də Qadınlara Münasibətdə Ayrı-seçkiliyin Bütün Formalarının Aradan Qaldırılması haqqında Konvensiyada və Uşaq Hüquqlarına dair Konvensiyada, eləcə də Qadınlara qarşı Zorakılığın Aradan Qaldırılması haqqında Bəyannamədə və İnkişaf Hüquqlarına dair Bəyannamədə fikir, vicdan, din və əqidə azadlığı hüquqları daxil olmaqla qadınların vəziyyətinin yaxşılaşdırılmasına və imkanlarının genişləndirilməsinə, beləliklə də, qadınların və kişilərin mənəvi, etik, ruhi və intellektual tələblərinin fərdi və ya başqaları ilə birlikdə təmin olunmasına, bunun vasitəsi ilə onlara öz şəxsi arzularına müvafiq həyatlarını formalaşdırarkən cəmiyyətdə öz potensiallarını tam həyata keçirmələrinə şəraitin yaradılması öz əksini tapıb: “Amma çox təəssüflər olsun ki, qadınlar üçün bəyan edilən bərabər hüquqlar bəzi hallarda real bərabər imkanların olmaması üzündən gerçəkləşə bilmir. Ümumdünya insan hüquqları təşkilatlarının apardıqları araşdırmalar və əldə olunan statistik göstəricilər də qadınların böyük bir hissəsinin bu və ya başqa formalarda hüquqlarının pozulduğu, zorakılığa və təzyiqlərə məruz qalması faktlarını ortaya qoyur”.
Diskriminasiyanın qarşısının alınması və bərabər imkanların təmin olunması istiqamətində Azərbaycan dövlətinin əldə etdiyi uğurları diqqətə çatdıran S.Qafarovanın sözlərinə görə, ölkəmizin bu sahədə təcrübəsi bir sıra dövlətlər üçün də uğurlu bir seçim ola bilər. O, xüsusi olaraq vurğulayıb ki, Azərbaycan Şərqdə qadınlara seçmək və seçilmək hüququ verən ilk demokratik respublika olub. Bu gün də Azərbaycan tarixi ənənələrinə sadiqlik nümayiş etdirir və gender bərabərliyinin təmin olunması yönündə geniş tədbirlər reallaşdırır. Buna misal olaraq, Sahibə Qafarova Ailə Qadın və Uşaq Problemləri üzrə Dövlət Komitəsinin uğurlu fəaliyyəti, Milli Məclisdə Ailə, qadın və uşaq məsələləri komitəsinin yaradılması, ölkəmizin bu sahədə zəngin qanunvericilik bazası və digər məqamları diqqətə çatdırıb.
Komitə sədri deyib ki, müasir dövrdə qadınların ictimai həyata daha çox inteqrasiya olunduğu bir zamanda zərif cinsin nümayəndələrinə daha geniş hüquqların verilməsi, onların bütün sahələrdə təmsilçiliklərinin artırılması, fəaliyyət sferalarının təhsil, səhiyyə kimi ənənəvi istiqamətlərdən daha da genişləndirilməsi, iqtisadi, sosial sferalarda qadınların potensialından səmərəli faydalanma kimi tədbirlər bu gün daha böyük nailiyyətlərin əldə olunmasına şərait yarada bilər.

Paylaş:

Baxılıb: 731 dəfə