Ermənilərin təcavüzkar mahiyyəti bir daha ifşa olundu

Bakı:

14 °C

94 %

0 m/s

Əlaqə

AZ RU EN

Ana səhifə / Siyasət / Ermənilərin təcavüzkar mahiyyəti bir daha ifşa olundu

Ermənilərin təcavüzkar mahiyyəti bir daha ifşa olundu

03.07.2018 [09:41]

Bolqarıstan erməniləri Ermənistanın işğalçılıq siyasətini ifşa edən BTV televiziyasına və bununla bağlı veriliş hazırlayan jurnalistə qarşı hücuma keçib, təhdidlərə başlayıblar
Dünyanın əsas iqtisadi mərkəzlərindən biri hesab edilən Cənubi Qafqaz regionu mühüm strateji əhəmiyyət daşımaqdadır. Son illər Azərbaycanın təşəbbüsü ilə reallaşan mühüm qlobal layihələr böyük perspektivlər vəd etməklə yanaşı, bu regionun sabitliyinin təminində də öz rolunu oynamaqdadır. Bu məqamda qeyd edək ki, artıq uzun illərdir Azərbaycan torpaqlarını işğal altında saxlayan, təcavüzkar siyasət yürüdən Ermənistan hazırda Cənubi Qafqazda sabitliyə real təhlükədir. Azərbaycanın əzəli torpağı olan Dağlıq Qarabağı və ona bitişik rayonları işğal edən, beynəlxalq sülhə qarşı təhdid olan Ermənistan beynəlxalq təşkilatların münaqişə ilə bağlı qəbul etdiyi qətnamələri yerinə yetirmir. Daha dəqiq desək, bu gün Azərbaycanın 20 faizədək torpaqlarını işğal altında saxlayan, bir milyona yaxın soydaşımızı öz yurd-yuvalarından didərgin salan, onların hüquqlarını pozan, XX əsrin ən qanlı faciələrindən olan Xocalı soyqırımını törədən, o cümlədən, beynəlxalq təşkilatların münaqişənin həlli ilə bağlı tələblərini yerinə yetirməyən Ermənistan bölgədə işğalçılıq və təcavüzkar siyasətini davam etdirməkdədir.
Onu da xüsusi olaraq qeyd etmək yerinə düşər ki, ermənilər son illərdə də günahsız, dinc sakinlərə qarşı terror siyasətini davam etdirir və onları daim atəş, qorxu altında saxlamağa çalışır. 2016-cı ilin aprelində baş verən erməni təxribatları, ardından təmas xəttində yerləşən kəndin sakini 2 yaşlı Zəhra Quliyevanın vəhşicəsinə qətlə yetirilməsi ermənilərin vandal xislətlərini bir daha ifşa etmiş oldu. Vurğulanmalıdır ki, həmin dövrdə bir sıra xarici KİV nümayəndələri ölkəmizə səfər etmiş, hadisə yerində baş verənlərlə canlı şəkildə tanış olmuş, erməni vəhşiliklərini ifşa edən materiallar hazırlamışdılar.
Eyni zamanda, bundan sonra da zaman-zaman xarici KİV-də erməni vəhşiliyini ifşa edən məqalələr dərc edilib, verilişlər yayımlanıb. Bu yaxınlarda isə Bolqarıstanın BTV televiziya kanalında Ermənistanın Azərbaycana qarşı hərbi təcavüzündən bəhs edən geniş veriliş yayımlanıb. Bununla bağlı, yayılan məlumatda bildirilir ki, verilişdə qoşunların təmas xəttindəki vəziyyət, erməni vəhşiliyi, Xocalı soyqırımı və digər məqamlar, o cümlədən münaqişə ilə bağlı Azərbaycanın mövqeyi barədə ətraflı məlumat verilir. Lakin Ermənistanın işğalçılıq siyasəti, erməni vəhşiliyi haqqında həqiqətlərin xarici KİV-də növbəti dəfə işıqlanması erməniləri ciddi şəkildə narahat edib və onlar bu dəfə də öz xislətlərinə uyğun davranıblar. Belə ki, məlumatlara əsasən, Bolqarıstan erməniləri bu verilişə görə onu hazırlayan jurnalistə və BTV televiziyasına qarşı hücuma keçib, təhdidlərə başlayıblar.
Beləliklə, bu fakt bir daha ermənilərin təcavüzkar mahiyyətini üzə çıxarır. Görünən odur ki, hər keçən gün ərzində bütün yalanları və işğalçı mahiyyətləri ifşa edilən ermənilər bundan narahatlıq keçirirlər. Lakin həqiqətlərin yayılmasına dözməyərək jurnalistlərə və televiziyaya qarşı təhdidlər yağdırmaqla özlərinin əsl kimliklərini gizlədə biləcəklərini düşünən ermənilər yanılırlar. Çünki artıq bütün dünya Ermənistanın terroru dövlət səviyyəsində dəstəkləyən təcavüzkar bir ölkə olduğunu, ermənilərin işğalçıdıq xislətini, onların günahsız azərbaycanlıları yurd-yuvalarından didərgin saldıqlarını, körpələri qətlə yetirdiklərini görür və bilir...
Pərviz SADAYOĞLU

Paylaş:

Baxılıb: 617 dəfə