Nərimanov rayonunda seçkilər demokratik şəraitdə, qanunvericiliyin tələblərinə uyğun keçirilib

Bakı:

22 °C

65 %

1 m/s

Əlaqə

AZ RU EN

Ana səhifə / Siyasət / Nərimanov rayonunda seçkilər demokratik şəraitdə, qanunvericiliyin tələblərinə uyğun keçirilib

Nərimanov rayonunda seçkilər demokratik şəraitdə, qanunvericiliyin tələblərinə uyğun keçirilib

10.02.2020 [11:32]

VI çağırış Milli Məclisə seçkilər Bakı şəhəri Nərimanov rayonunda da yüksək seçici fəallığı ilə müşayiət olunub. 19 saylı Nərimanov birinci seçki dairəsinin 14 saylı Məntəqə Seçki Komissiyasının sədri Elnar Verdiyev deyib ki, məntəqə üzrə 1223 seçici qeydiyyatdadır. Onun sözlərinə görə, səhər saatlarından seçki məntəqələrinə gələn seçicilər öz səsvermə hüquqlarından sərbəst surətdə - qanunlara müvafiq olaraq istifadə ediblər.
Seçicilərin fəallığının müşahidə edildiyi 19 saylı Nərimanov birinci seçki dairəsinin 12 saylı Məntəqə Seçki Komissiyasının sədri Yusif Qurbanov isə deyib ki, məntəqə üzrə ümumilikdə 1318 seçici qeydiyyatdadır. O qeyd edib ki, ümumiyyətlə, seçicilərin seçkilərə marağı yüksəkdir.
Eyni aktivlik digər məntəqələrdə də müşahidə edilib. Məsələn, 1331 seçicinin qeydiyyatda olduğu 19 saylı Nərimaov birinci seçki dairəsinin 17 saylı Məntəqə Seçki Komissiyasının sədri Mustafa Həsənovun sözlərinə görə, seçicilər yüksək fəallıqla məntəqəyə gələrək öz seçimlərini ediblər. Həmin dairənin 18 saylı Məntəqə Seçki Komissiyasının sədri Azər Əliyev isə deyib ki, ümumilikdə, 1461 seçicinin qeydiyyatda olduğu məntəqədə proses qanunvericiliyin tələblərinə uyğun şəkildə davam edib.
19 saylı Nərimanov birinci seçki dairəsinin 16 saylı Məntəqə Seçki Komissiyasının sədri Rahim Hüseynov isə bildirib ki, məntəqə üzrə 1403 seçici qeydiyyatdadır. Seçici fəallığının müşahidə edildiyini vurğulayan məntəqə sədri əlavə edib ki, seçki prosesi demokratik və beynəlxalq standartlara müvafiq surətdə davam edib.
Yeri gəlmişkən, seçkilərin demokratik şəraitdə, qanunvericiliyin tələbinə uyğun şəkildə keçirildiyini yerli müşahidəçilər də təsdiqləyiblər. Məsələn, 19 saylı Nərimanov birinci seçki dairəsinin 14 saylı Məntəqə Seçki Komissiyasında yerli müşahidəçilər Kamal Qurbanov və Fərid Novruzov prosesə hər hansı kənar müdaxilənin olmadığını, seçki prosesinin seçicilərin yüksək fəallığı ilə müşayiət olunduğunu deyiblər.
19 saylı Nərimanov birinci seçki dairəsi üzrə 12 saylı Seçki Məntəqəsindən müşahidəçi Ağqız Mahmudova və Bəşir Səfərov prosesdən razılıqlarını ifadə ediblər: “Heç bir qanun pozuntusu qeydə alınmayıb. Bütün seçicilər üçün sərbəst səsvermə şəraiti yaradılıb”.
19 saylı Nərimanov birinci Seçki Dairəsi üzrə 16 saylı Məntəqə Seçki Komissiyasında müşahidəçi İmanmədinə Qasımova deyib ki, səsvermə demokratik prinsiplərə uyğun keçirilib və hər hansı qanun pozuntusuna rast gəlinməyib.
18 saylı Məntəqə Seçki Komissiyasında müşahidəçi Orxan Qasımov isə müşahidəçilərə yaradılan əlverişli şəraitdən bəhs edərək səsvermənin mövcud qanunvericiliyə uyğun keçdiyini bildirib. O, seçki prosesinin gedişindən razı qaldığını, neqativ hala rast gəlmədiyini deyib.
Öz səsvermə hüquqlarından istifadə edən seçicilər - Mahir Mirzəyev, Əvəz Umudov, Arzu Nəbiyeva, Tural Gözəlov və başqaları yaradılmış şəraiti yüksək qiymətləndirib və hər hansı qanun pozuntusu ilə rastlaşmadıqlarını qeyd ediblər.
Bununla yanaşı, seçkiləri izləyən beynəlxalq müşahidəçilər də səsvermənin gedişindən razı qaldıqlarını və seçkilərin mövcud qanunvericiliyə müvafiq surətdə keçirildiyini bildiriblər.
Nurlan QƏLƏNDƏRLİ

Paylaş:

Baxılıb: 403 dəfə