Azərbaycanın Dağlıq Qarabağ münaqişəsinin həlli məsələsi ilə bağlı haqlı və ədalətli mövqeyi beynəlxalq səviyyədə dəstəklənir

Bakı:

23 °C

68 %

12 m/s

AZ RU EN

Ana səhifə / Siyasət / Azərbaycanın Dağlıq Qarabağ münaqişəsinin həlli məsələsi ilə bağlı haqlı və ədalətli mövqeyi beynəlxalq səviyyədə dəstəklənir

Azərbaycanın Dağlıq Qarabağ münaqişəsinin həlli məsələsi ilə bağlı haqlı və ədalətli mövqeyi beynəlxalq səviyyədə dəstəklənir

17.06.2020 [08:58]

Avropa Parlamentinin məruzəçilərinin birgə bəyanatında əksini tapmış məqamlar işğal faktının nüfuzlu Avropa təsisatları tərəfindən də təsdiq olunduğunu göstərir
Xəbər verildiyi kimi, Avropa Parlamentinin Azərbaycan, Gürcüstan və Ermənistan üzrə Parlament Əməkdaşlıq Komitəsinin həmsədri Mariya Kalyurand, Azərbaycan üzrə məruzəçisi Jelena Zavko, Ermənistan üzrə məruzəçisi Trayan Basesku Ermənistan ilə Azərbaycanın işğal altında olan Dağlıq Qarabağ bölgəsi arasında əlaqə yaradacaq magistral yolun tikintisi ilə bağlı birgə bəyanat yayıb. Bəyanatda ölkəmizin işğala məruz qalan tərəf olduğu əksini tapıb. Belə ki, qeyd edilən sənəddə münaqişənin məhz Azərbaycanın beynəlxalq səviyyədə tanınmış sərhədləri çərçivəsində həllinə çağırış ifadə olunub.
Qeyd edilməlidir ki, bütün dünyada böyük nüfuza malik olan Avropa Parlamentinin rəsmilərinin belə bir bəyanatla çıxış etmələri beynəlxalq hüquq normalarına əsaslanır və bəyanatda müasir dünyada separatizm, bir dövlətin başqa bir ölkənin ərazisini zor gücünə ilhaq etməsi kəskin şəkildə pislənilir. Dünya birliyinin birmənalı mövqeyi belədir ki, bu kimi faktlar təhlükəli presedent yarada bilər.
Məsələ ilə bağlı fikirlərini bölüşən Milli Məclisin üzvü Elman Məmmədov Azərbaycan dövlətinin Dağlıq Qarabağ probleminin həllinə yanaşmada tarixi faktlarla yanaşı, beynəlxalq hüquqa, dünya birliyi tərəfindən qəbul edilən norma və prinsiplərə əsaslanaraq prinsipial mövqedən çıxış etdiyini diqqətə çatdırıb. Millət vəkili bildirib ki, münaqişənin həlli ölkəmizin ərazi bütövlüyü çərçivəsində təmin olunmalıdır: “Bəhs olunan bəyanat Avropa təsisatlarının ədalətə və beynəlxalq hüquqa əsaslanan mövqeyini əks etdirir. Bəyanatda “Azərbaycanın işğal altında olan əraziləri” ifadəsinin işlədilməsi Avropa təsisatları tərəfindən işğal faktının təsdiq olunduğunu növbəti dəfə sübuta yetirir. Bu sənəd Ermənistan tərəfindən Azərbaycanın işğal altında olan ərazilərində qeyri-qanuni fəaliyyət həyata keçirildiyini təsdiqləyir, eyni zamanda, infrastrukturu dəyişdirmək cəhdlərinin yolverilməzliyini diqqətə çatdırır. Avropa təsisatları, beynəlxalq ictimaiyyət artıq görür və əmindirlər ki, Ermənistan infrastrukturu dəyişdirməyə cəhd göstərməklə və qeyri-qanuni məskunlaşdırma həyata keçirməklə işğalın nəticələrini qanuniləşdirmək istəyir”.
Milli Məclisin üzvü Azər Badamov da Ermənistan-Azərbaycan Dağlıq Qarabağ münaqişəsinin həlli prosesində ölkəmizin mövqeyinin qəti və birmənalı olduğunu diqqətə çatdırıb. Onun sözlərinə görə, Azərbaycan dövləti hər zaman münaqişənin sülh yolu ilə tənzimlənməsinə üstünlük verdiyi halda, Ermənistanın mövqeyi qeyri-konstruktivdir. Bu isə birmənalı olaraq beynəlxalq hüquq normalarının kobud surətdə pozulmasıdır: “Avropa Parlamentinin rəsmiləri tərəfindən verilən bəyanat olduqca müsbət xarakterə malikdir. Bəyanatda Ermənistanın Azərbaycan torpaqlarını işğal etməsi aydın şəkildə ortaya qoyulur. Bununla yanaşı, bəyanatda tərəflərin səmimi danışıqlara dəvət olunması çağırışının ünvanı da məhz Ermənistandır. Çünki beynəlxalq ictimaiyyət də danışıqlarda maraqlı olduğunu iddia edən, lakin işğal olunmuş ərazilərdə qeyri-qanuni fəaliyyət həyata keçirən rəsmi Yerevanın sözü ilə əməlinin bir-birinə tərs mütənasib olduğunu müşahidə edir və bunu qınayır. Fikrimcə, bu bəyanat ATƏT-in Minsk Qrupunun həmsədrlərinə çox ünvanlı və konkret bir çağırışdır, eyni zamanda, həmsədrlər üçün yol xəritəsinə çevrilməlidir. İnanıram ki, Ermənistan-Azərbaycan Dağlıq Qarabağ münaqişəsi ilə bağlı həqiqətləri özündə əks etdirən bu bəyanat ATƏT-in Minsk qrupunun həmsədrlərinin bundan sonrakı fəaliyyətində, addımlarında nəzərə alınacaq”.
Pərviz

Paylaş:

Baxılıb: 395 dəfə