Yefim Pivovar: Azərbaycan iqtisadi sahədə postsovet məkanında misilsiz uğurlar qazanıb

Bakı:

11 °C

87 %

7 m/s

Əlaqə

AZ RU EN

Ana səhifə / Siyasət / Yefim Pivovar: Azərbaycan iqtisadi sahədə postsovet məkanında misilsiz uğurlar qazanıb

Yefim Pivovar: Azərbaycan iqtisadi sahədə postsovet məkanında misilsiz uğurlar qazanıb

02.03.2010 [08:05]

Rusiya Dövlət Humanitar Universitetinin (RDHU) rektoru, Rusiya EA-nın müxbir üzvü, Azərbaycan ilə Dostluq Cəmiyyətinin sədri, professor Yefim Pivovar AzərTAc-a müsahibəsində deyib: “Azərbaycanın iqtisadi və sosial sahədə uğurları aşkar görünür və bu uğurlar bizi sevindirir. Deyə bilərəm ki, dünya maliyyə böhranı şəraitində postsovet məkanında bu uğurlar misilsiz hadisədir. ümid edirəm ki, Rusiya ilə Azərbaycan arasında qarşılıqlı münasibətlər bu meyilləri daha da gücləndirəcək və sənayemizin inkişafına, iqtisadi potensialımıza kömək edəcəkdir”.
Y.Pivovar deyib ki, Azərbaycan üDM-in artımı və sənaye məhsulu istehsalının həcminə görə lider mövqeyini sabit olaraq saxlayır və bu fakt bir sıra amillərin nəticəsidir. Alim bildirib: “Bunlar, ilk növbədə dövlət rəhbərliyinin bacarıqlı idarəetmə siyasətinin, onun öz gücünə arxalanan və gücdən çox səmərəli, düşünülmüş şəkildə istifadə edilən ardıcıl iqtisadi strategiyasının nəticəsidir. Bu, həm də Azərbaycan xalqının özünün əməksevərliyinin nəticəsidir. Bütün bunlar bütövlükdə Azərbaycan siyasətinin şəksiz uğurudur. Azərbaycan rəhbərliyi ölkə iqtisadiyyatını dirçəltmək üçün çox iş görmüşdür. Bütün bunların nədən başlanmasını xatırlasaq, Heydər Əliyevin xatirəsi önündə baş əyməliyik. ölkədə islahatları o başlamışdı və mən çox şadam ki, Azərbaycan Prezidenti İlham Əliyev bu gün bu fəaliyyət xəttini səmərəli şəkildə və bacarıqla davam etdirir”.
Y.Pivovar daha sonra deyib: “İki il bundan əvvəl də Bakıda olmuşdum. ötən müddətdə tikinti bumunun zəifləməməsi, onun davam etməsi və daha səmərəli olması məni sevindirdi. Təməli qoyulmuş obyektlərin çoxu artıq tikilmişdir. Ən başlıcası odur ki, bu proses davam edir. Xoş təsir bağışlayan bir məqam da budur ki, Bakı çox təmiz, səliqəli, müasir və işıqlı şəhərdir. Gecə vaxtı bu gözəllik insanı ümumiyyətlə heyran edir. Hava limanından şəhərə gələn yol öz möhtəşəmliyi ilə misilsiz hesab edilə bilər”.
Yefim Pivovar Humanitar Əməkdaşlıq üzrə Birinci Azərbaycan-Rusiya Forumunun işində iştirak etmək üçün Bakıya gəlmiş Rusiyanın nüfuzlu nümayəndə heyətinin səfərinin yekunlarını şərh edərək Azərbaycan Prezidenti İlham Əliyevlə görüşü xüsusi vurğulamışdır. RDHU-nun rektoru deyib: “Bu görüş həm mənim üçün, həm də onun digər iştirakçıları üçün çox səmərəli və yaddaqalan oldu. çox səmimi, mehribanlıq şəraitində keçən bu görüş Prezident haqqında çox müsbət təsir yaratdı. Bu görüşdə Rusiya və Azərbaycan xalqları arasında, iki ölkənin prezidentləri arasında əməkdaşlığı möhkəmlətmək ruhu duyulurdu. Bizim liderlərin şəxsi əlaqələri də çox vacibdir. Bu əlaqələr də münasibətlərin inkişafı perspektivlərinə əsas verir. Söhbət zamanı Azərbaycan ilə Dostluq Cəmiyyətinin fəaliyyəti, mədəni, iqtisadi və humanitar sahələrdə əməkdaşlıq barədə bir sıra məsələlər qaldırıldı. Həmin görüşün yekunlarına əsasən qəbul edilmiş bir sıra qərarların populyarlaşdırılması üçün biz artıq bəzi proqramları həyata keçirməyə başlamışıq. Biz MDB ölkələrinin humanitar universitetlərinin rektorlarının və fakültə rəhbərlərinin Azərbaycan paytaxtında keçiriləcək görüşünə çox həssas yanaşırıq və indi bununla əlaqədar təşkilati məsələlər həll edilir. Bütün bunlar onu göstərir ki, müstəqil Azərbaycanın paytaxtı Bakı MDB ölkələrinin humanitar əməkdaşlığı üçün çox mühüm və səmərəli yerdir”.
Ticarət-iqtisadi əməkdaşlığın inkişaf etdirilməsi üçün Cəmiyyət Rusiyadakı Azərbaycan diasporu ilə iş istiqamətində müəyyən addımlar atır. Azərbaycan ilə Dostluq Cəmiyyətinin sədri deyib: “Biz bu sahədə fəal iş aparacağıq. İndi bu işə təzə başlayırıq. Lakin mənim fikrimcə, burada böyük perspektivlər vardır. Biz, əlbəttə, Rusiya və Azərbaycan biznesinin əməkdaşlığının inkişafını hər vasitə ilə dəstəkləyəcək, bütün mövcud imkanlardan istifadə edəcəyik”.
Y.Pivovar daha sonra deyib: “Azərbaycanın mədəni həyatında maraqlı məqamlar çoxdur, burada muzey işi çox yaxşı təşkil edilmişdir. Mən üç muzeydə oldum, onların hər biri əlamətdar hadisədir. Müasir İncəsənət Muzeyi adamı heyran edir. İxtisasca tarixçi olduğumdan, Heydər Əliyev Fondunun muzey ekspozisiyasında gördüklərim məni çox maraqlandırdı. Bunlar çox maraqlı olmaqla bərabər, mədəni-siyasi və tərbiyəvi əhəmiyyət kəsb edir. Misli-bərabəri olmayan Xalça Muzeyinin məziyyətləri isə hər kəsə məlumdur. Bu muzey hər mənada bənzərsizdir. Bir sözlə, şəhərinizin mənəvi həyatı çox zəngindir”.
Yefim Pivovar Rusiya-Azərbaycan münasibətlərinin perspektivlərindən bəhs edərək deyib ki, iki ölkə arasında əlaqələr daha da möhkəmlənəcəkdir və nəinki Qafqazda, nəinki postsovet məkanında, hətta onun hüdudlarından çox-çox uzaqlarda da bir çox məsələlərin həlli bizim yaxşı münasibətlərdən asılıdır.

Paylaş:

Baxılıb: 1164 dəfə