Sabir Hacıyev: Milli maraqlarımıza qarşı xəyanətkar mövqe tutanlara xalq hər zaman öz yerini göstərir

Bakı:

20 °C

73 %

0 m/s

AZ RU EN

Ana səhifə / Siyasət / Sabir Hacıyev: Milli maraqlarımıza qarşı xəyanətkar mövqe tutanlara xalq hər zaman öz yerini göstərir

Sabir Hacıyev: Milli maraqlarımıza qarşı xəyanətkar mövqe tutanlara xalq hər zaman öz yerini göstərir

25.09.2020 [23:42]

“Xarici ölkələrin təcrübəsindən görmüşük ki, dövlət üçün, xalq üçün taleyüklü məsələlərdə hakimiyyətdə və ya müxalifətdə olmasından asılı olmayaraq bütün siyasi qüvvələr eyni mövqedən çıxış edir, milli və dövlət maraqlarının müdafiəsi üçün yekdillik nümayiş etdirirlər. Çox təəssüf ki, Azərbaycan müxalifətini təmsil etmək iddiasında olan bəzi radikal qüvvələr bu cür anlarda tamamilə başqa mövqe sərgiləyirlər. Yəni, radikallar ölkəmiz və xalqımız üçün taleyüklü məqamlarda xəyanətə bərabər mövqe sərgiləməkdən belə çəkinmirlər”.

Bu fikirləri “Yeni Azərbaycan” qəzetinə açıqlamasında Azərbaycan Vətəndaş Birliyi Partiyasının sədri, millət vəkili Sabir Hacıyev səsləndirib.

Partiya sədrinin sözlərinə görə, son vaxtlar Ermənistanın hərbi təxribatlarının artdığı dövrdə bütövlükdə xalqımız, həmçinin hazırda Azərbaycanda fəaliyyət göstərən, o cümlədən parlamentdə təmsil olunan müxalifət partiyalarının, demək olar ki, əksəriyyəti Azərbaycan Prezidentinə, Silahlı Qüvvələrimizə dəstək nümayiş etdirir: “Lakin belə bir vaxtda da radikal müxalifət öz pozucu fəaliyyətindən geri qalmır. Belə ki, Tovuz rayonu istiqamətində Ermənistanın hərbi təxribatı zamanı Azərbaycan cəmiyyəti, ölkədə fəaliyyət göstərən siyasi partiyalar həmrəylik nümayiş etdirərək dövlətimizə, Ali Baş Komandana və ordumuza dəstək göstərdiyi halda, həmin radikal düşərgə təmsilçiləri imzalanan birgə bəyanata qoşulmadılar”.

Deputat deyib ki, həmin dövrdə orduya, hakimiyyətə, xalqa qarşı xəyanət yolu tutanlar yenə öz amplualarındadırlar: “Görünən odur ki, düşmənin təxribatına qarşı Azərbaycan xalqının həmrəylik və birlik nümayiş etdirməsi, anti-Azərbaycan qüvvələri, radikal düşərgə təmsilçilərini narahat edir. Ona görə də həmin düşərgədə təmsil olunan bəzi şəxslər Azərbaycana qarşı qarayaxma kampaniyasını daha da genişləndiriblər. Belə ki, Azərbaycan dövlətinin maraqlarına qarşı çıxan həmin qüvvələr bu gün də sosial şəbəkələrdə ölkəmizin əleyhinə yalan və böhtanlar, əsassız ittihamlar yağdırmaqla məşğuldurlar. Ancaq onlar kimi düşünməyən hər kəsi mənəvi terrora məruz qoymağa çalışan, ermənipərəst dairələrin Azərbaycana qarşı apardığı qarayaxma kampaniyasına dəstək verənlər hər zaman olduğu kimi bu gün də xalqın qınağı ilə üzləşirlər. Radikallar bilməlidirlər ki, milli və dövlət maraqlarımıza qarşı xəyanətkar mövqe tutanlara xalq hər zaman öz yerini göstərərir”.

Paylaş:

Baxılıb: 422 dəfə