Qüdrət Həsənquliyev: Bu gün ölkəmizdə heç vaxt olmadığı qədər güclü milli birlik mövcuddur

Bakı:

23 °C

73 %

12 m/s

Əlaqə

AZ RU EN

Ana səhifə / Siyasət / Qüdrət Həsənquliyev: Bu gün ölkəmizdə heç vaxt olmadığı qədər güclü milli birlik mövcuddur

Qüdrət Həsənquliyev: Bu gün ölkəmizdə heç vaxt olmadığı qədər güclü milli birlik mövcuddur

13.10.2020 [09:04]

“Bu günlərdə ölkəmizdə 50 siyasi partiyanın rəhbərlərinin iştirakı ilə “Milli həmrəylik - siyasi dialoqun nəticəsi” adlı videokonfrans formatında keçirilən görüş əslində milli birliyin və vəhdətin bir nümunəsidir. Cənab Prezidentin dediyi kimi ölkəmizdə siyasi islahatların dərinləşdirilməsi istiqamətində addımlar atılır”.
Bu fikirləri Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev deyib.
Qüdrət Həsənquliyev bildirib ki, siyasi islahatların nümunəsi kimi Prezident Administrasiyasında Siyasi partiyalar və qanunvericilik hakimiyyəti ilə əlaqələr şöbəsi yaradıldı və Ədalət Vəliyev həmin şöbənin müdiri təyin olundu. Bundan sonra ölkə Prezidentinin tapşırığı ilə Ədalət Vəliyevin siyasi partiyaların rəhbərləri ilə görüşləri oldu. Yəni bu görüşlərdə partiyaların hansı mövqedə olmasına fərq qoyulmadı. İqtidaryönlü, neytral və müxalifət partiyaları ilə görüşlər baş tutdu.
Onun sözlərinə görə, sentyabrın 27-də Ermənistanın ölkəmizə qarşı növbəti hərbi təxribatından sonra Azərbaycanda fəaliyyət göstərən 50 siyasi partiya birgə bəyanat imzalayaraq Qarabağ məsələsində Prezident, Ali Baş Komandanın yanında olduqlarını bəyan etdilər: “Bu günlərdə isə 50 siyasi partiya tərəfindən ATƏT-in Minsk qrupunun həmsədrlərindən olan Fransanın prezidenti Emmanuel Makronun ünvanına birgə etiraz bəyanatı qəbul olundu. Partiyaların mövqeyi bundan ibarətdir ki, Fransa həmsədrlikdən kənarlaşdırılmalıdır. Ümumiyyətlə, bu gün ölkəmizdə heç vaxt olmadığı kimi güclü milli birlik mövcuddur. Hazırda Azərbaycanda möhkəm vətəndaş birliyi yaranıb. Hesab edirəm ki, torpaqlarımızın işğaldan azad olunması yolunda qələbə qazanana qədər bu birliyə heç kim mane ola bilməz. Digər vacib bir məqam ondan ibarətdir ki, əvvəllər ayrı-ayrı partiyalar arasında əməkdaşlıq yox idi. Amma bu gün isə yaranmış siyasi dialoq nəticəsində partiyalar bir-biri ilə təmasda olurlar. Bu əməkdaşlıq ona gətirib çıxaracaq ki, ölkədə siyasi mədəniyyət yüksələcək, çoxpartiyalı sistem inkişaf edəcək, cəmiyyətimiz bundan faydalanıb irəli gedəcək”.
Torpaqlarımızın işğalda azad olunması uğrunda əsgərlərimizin böyük ruh yüksəkliyi ilə döyüşdüyünü deyən Q.Həsənquliyev qeyd edib ki, ordumuz əslində, bütün xalqımızın iradəsini ifadə edir. Ona görə də, siyasi partiyalar, QHT-lər, mətbuat, bütövlükdə cəmiyyətimiz ordumuzun arxasındadır, ona dəstək verir. Cəmiyyətimizdə həddindən artıq böyük ruh yüksəkliyi var. “Bir məqamı qeyd edim ki, erməni cəmiyyəti təlaş içindədir, Paşinyan dünya ölkələrinin liderlərinə zəng edib yalvarır ki, Azərbaycanı dayandırın. Yəni, ermənilər müharibənin davam etməsindən qorxurlar, bizim cəmiyyətdə isə narahatlıq ondan ibarətdir ki, birdən beynəlxalq güclərin təzyiqi ilə döyüşlər dayanar. Yəni bütün cəmiyyətimiz torpaqlarımızın işğaldan azad edilməsi üçün döyüş ruhunda köklənib. Azərbaycan və erməni cəmiyyətində fərq bundan ibarətdir. Mən əminəm ki, Azərbaycan bu məsələdə ədalətli mövqeyimizi müdafiə edən dövlətlərin mənəvi dəstəyi ilə 30 il işğal altında qalan torpaqlarını azad edəcək, 1 milyondan çox insan öz doğma yurdlarına qayıdacaq”, - deyə BAXCP sədri vurğulayıb.
Nardar BAYRAMLI

Paylaş:

Baxılıb: 352 dəfə