Ceyhun Məmmədov: Bu qələbələri, bu xoşbəxt günləri bizlərə yaşatdığı üçün Ali Baş Komandan, cənab Prezident İlham Əliyevə, rəşadətli Azərbaycan Ordusuna öz təşəkkürümüzü bildiririk

Bakı:

18 °C

82 %

3 m/s

AZ RU EN

Ana səhifə / Siyasət / Ceyhun Məmmədov: Bu qələbələri, bu xoşbəxt günləri bizlərə yaşatdığı üçün Ali Baş Komandan, cənab Prezident İlham Əliyevə, rəşadətli Azərbaycan Ordusuna öz təşəkkürümüzü bildiririk

Ceyhun Məmmədov: Bu qələbələri, bu xoşbəxt günləri bizlərə yaşatdığı üçün Ali Baş Komandan, cənab Prezident İlham Əliyevə, rəşadətli Azərbaycan Ordusuna öz təşəkkürümüzü bildiririk

28.10.2020 [08:54]

“Parlamentdə təmsil etdiyim ikinci rayonun - Qubadlı rayonunun da işğaldan azad edilməsi ilə bağlı olduqca sevincliyəm. Bu qələbələri, bu xoşbəxt günləri bizlərə yaşatdığı üçün Ali Baş Komandan, cənab Prezident İlham Əliyevə, rəşadətli Azərbaycan Ordusuna öz təşəkkürümüzü bildiririk. Ali Baş Komandanımızın qətiyyəti, Azərbaycan Silahlı Qüvvələrinin torpaqlarımızın azad edilməsi uğrunda apardığı mübarizədə göstərdiyi rəşadət qələbələrimizin əsas təkanverici qüvvəsidir. Mən inanıram ki, ölkəmizdəki xalq-iqtidar birliyi Azərbaycanın Dağlıq Qarabağ mübarizəsindəki tam qələbəsini təmin edəcək. Bu gün hər bir Azərbaycan vətəndaşı bu tarixi qələbələri böyük qürur hissi ilə qarşılayır”.
Bunu qəzetimizə açıqlamasında Milli Məclisin deputatı Ceyhun Məmmədov deyib. Onun sözlərinə görə, illərdir öz doğma yurd-yuvalarından didərgin düşmüş, Ermənistanın təcavüzkar siyasəti ucbatından məcburi köçkün həyatı yaşayan vətəndaşlarımız əmin olmalıdır ki, Azərbaycan dövləti işğaldan azad edilən rayonlarda həyatı yenidən canlandıracaq və qısa zamanda bu rayonlarda normal yaşayış təmin olunacaq. Artıq bəzi işğaldan azad edilmiş ərazilərimizdə yeni kommunikasiya xəttlərinin çəkilişinə, yeni yolların salınmasına start verildiyini deyən millət vəkili bildirib ki, Azərbaycan hakimiyyəti bununla bağlı böyük iqtisadi layihələr işləyib hazırlayır. “Mən bir millət vəkili olaraq seçicilərimlə hər görüşdə bildirirdim ki, Azərbaycan Prezidentinin apardığı genişmiqyaslı fəaliyyət bizi o torpaqlara qovuşduracaq. Bütün sakinlərimiz buna əmin idilər və inanırdılar ki, o gün uzaqda deyil. Bu gün həmin tarixi an yetişib. Azərbaycan xalqı bir daha Ali Baş Komandanın bütün cəbhələrdə - həm döyüş meydanında, həm də siyasət meydanında nümayiş etdirdiyi peşəkarlığı görür. Bu gün bütün dünya ictimaiyyəti cənab Prezidentimizin müdrikliyini, siyasi dühasını, peşəkarlığını həsədlə izləyir. Ölkə Prezidentinin qətiyyəti, xalqının iradəsini ortaya qoyması bizim tam qələbəmizin təmin edilməsini reallaşdıracaq. Buna hər kəs əmin olsun”, - deyə əlavə edən millət vəkili vurğulayıb ki, Azərbaycan bütün addımlarında beynəlxalq hüququn prinsiplərini əsas götürür.
PƏRVİZ

Paylaş:

Baxılıb: 486 dəfə