Anar Məmmədov: Ermənistanın növbəti dəfə atəşkəsi pozması onun təcavüzkar xislətinin göstəricisidir

Bakı:

22 °C

68 %

3 m/s

AZ RU EN

Ana səhifə / Siyasət / Anar Məmmədov: Ermənistanın növbəti dəfə atəşkəsi pozması onun təcavüzkar xislətinin göstəricisidir

Anar Məmmədov: Ermənistanın növbəti dəfə atəşkəsi pozması onun təcavüzkar xislətinin göstəricisidir

03.11.2020 [09:23]

“İşğalçı Ermənistanın terrorçu siyasət yürütməsi, məkrli xisləti sülhdən, haqq-ədalətdən nə qədər uzaqda olduqlarını açıq-aydın göstərir. Azərbaycan tərəfi isə hər zaman üzərinə düşən öhdəlikləri yerinə yetirməyə hazır olduğunu, bu öhdəliklərə sadiqliyini bəyan edir. Ölkəmiz üçüncü dəfə də vasitəçilərin humanitar atəşkəsə çağırışına biganə qalmadı, çağırışı edənlərə bir daha etimad göstərdi. 26 oktyabr səhər saat 08:00-dan humanitar atəşkəs razılığı elan olundu. Rəsmi məlumatlara əsasən, Ermənistan bu dəfə də razılığı pozaraq mülki əhalimizə və yaşayış məntəqələrinə hücumlar edib və hazırda da atəşkəsi pozmaqda davam edir”. Bu fikirləri Milli Məclisin deputatı Anar Məmmədov deyib.
A.Məmmədov bildirib ki, yeni humanitar atəşkəs razılaşmasının pozulması işğalçı dövlətin hərbi-siyasi rəhbərliyinin barbarlığının növbəti bariz göstəricisidir. Dinc əhaliyə atəşin açılması beynəlxalq hüquq normalarının kobudcasına pozulması deməkdir. Ermənistan tərəfi istər birinci Qarabağ müharibəsində, istərsə də indiki müharibədə atəşkəs rejiminə əməl etməyib. Bununla da, regionda təxribatçılıq, terror ilə məşğul olan ermənilər bir daha bütün dünya üçün təhlükə mənbəyi olduqlarını sübut edirlər.
Millət vəkilinin sözlərinə görə, bu gün baş verənlərin bütün məsuliyyəti şəxsən Paşinyanın üzərindədir: “Məqsədli şəkildə, müxtəlif Qərbyönümlü dairələrin, birbaşa isə Sorosun köməkliyi ilə hakimiyyətə gələn Paşinyan erməni xalqına həddən artıq iztirab gətirib. O, xaricdəki ağalarının diktəsi ilə hərəkət edərək öz ölkəsini uçuruma aparır. Buna görə də, tez bir zamanda ermənilər öz utanc gətirən “liderləri” olan Paşinyanı məsuliyyətə cəlb etməlidirlər. Həmçinin bu günədək Azərbaycan xalqına qarşı törətdikləri soyqırımlar və qətliamlara, dinc əhaliyə qarşı törətdikləri terror aktlarına, Xocalımıza, Şuşamıza, Qarabağımıza, digər işğal etdikləri ərazilərdə törətdikləri vəhşiliklərə, vandalizmə görə xalqımızdan üzr istəməlidirlər. Eyni zamanda, bütün beynəlxalq təşkilatlar regionda sülh və sabitliyə ciddi təhlükə yaradan erməni hakimiyyətinin təxribatçı əməllərinə qarşı mənfur düşmənin işğalçılıq siyasətini kəskin şəkildə qınamalı, işğalçını hüquqa, humanitar öhdəliklərə əməl etməyə məcbur etməlidir. Əks halda, Azərbaycanın şücaətli, yenilməz ordusu öz gücünü göstərərək hərb meydanında düşməni bundan sonra da ağır məğlubiyyətə düçar edəcək”.
N.BAYRAMLI

Paylaş:

Baxılıb: 510 dəfə