Eldar İbrahimov: Azərbaycan, Türkiyə və Pakistan parlamentlərinin sədrləri tərəfindən Bakı Bəyannaməsinin imzalanması tarixi hadisədir

Bakı:

30 °C

52 %

7 m/s

AZ RU EN

Ana səhifə / Siyasət / Eldar İbrahimov: Azərbaycan, Türkiyə və Pakistan parlamentlərinin sədrləri tərəfindən Bakı Bəyannaməsinin imzalanması tarixi hadisədir

Eldar İbrahimov: Azərbaycan, Türkiyə və Pakistan parlamentlərinin sədrləri tərəfindən Bakı Bəyannaməsinin imzalanması tarixi hadisədir

03.08.2021 [09:26]

“44 günlük Vətən müharibəsindən, tarixi Zəfərimizdən sonra bütün sahələrdə, xüsusilə siyasi və diplomatik müstəvilərdə uğurlarımızın hər an davamı gəlir. Hər gün, demək olar ki, növbəti nailiyyətlərin, tarixi anların şahidi və iştirakçısı oluruq. Bu tarixi nailiyyətlərin də memarı qalib Azərbaycanın Müzəffər Ali Baş Komandanı, ölkə Prezidenti cənab İlham Əliyevdir. Məhz Onun son dərəcədə uğurlu, uzaqgörən, müdrik daxili və xarici siyasət kursu nəticəsində Azərbaycan bu uğurlara, parlaq qələbələrə imza atıb və atmaqdadır”.
Bu fikirləri Milli Məclisin İntizam Komissiyasının sədri, Yeni Azərbaycan Partiyası (YAP) İdarə Heyətinin üzvü Eldar İbrahimov deyib.
Eldar İbrahimov bildirib ki, son günlərin mühüm hadisələrindən biri Azərbaycan, Türkiyə və Pakistan parlament sədrlərinin tarixi görüşü və Milli Məclisdə Bakı Bəyannaməsinin imzalanmasıdır. Bu hadisə bir daha dünyaya mesaj vermiş oldu ki, istər Azərbaycan, istər qardaş Türkiyə, istərsə də hər zaman yanımızda olan qardaş Pakistan bu günə kimi bütün məqamlarda, bütün məsələlərdə bir, həmrəy olduqları kimi, bundan sonra da həmrəy olacaqlar. Xüsusilə də, parlamentlərası əməkdaşlıqda, parlament diplomatiyasında hər zaman eyni mövqedən çıxış ediləcək, daim həmrəylik nümayiş etdiriləcək.
Millət vəkilinin sözlərinə görə, Bakı Bəyannaməsində qeyd olunduğu kimi, Azərbaycan, Pakistan və Türkiyə öz xalqlarını daha da yaxınlaşdırmaq üçün həm ikili, həm də çoxtərəfli səviyyələrdə parlamentlərararası dialoq və əməkdaşlığı inkişaf etdirməyə yönəlik qərarlılıqlarını bəyan etdilər: “Həmçinin mövcud əlaqələri gücləndirmək və daimi komitələrin, dostluq qruplarının və parlamentlərin işçi heyətlərinin əlaqələrini təşviq etmək məsələsində qərarlılıqlarını təyin etdilər. Eyni zamanda, beynəlxalq problemlərin həllində və dünyada barış və təhlükəsizliyin möhkəmləndirilməsində ikitərəfli və çoxtərəfli parlament əlaqələrinin rolu vurğulandı. Bəli, bunlar olduqca vacib və mühüm məqamlar, hədəflərdir. Bu hədəflərə çatmaqda da heç bir maneə və çətinliyin olmayacağı qənaətindəyəm. Çünki digər sahələrdə olduğu kimi, parlamentlərarası əməkdaşlıqda da böyük məsafə qət edilib, mühüm uğurlara imza atılıb. Mən özüm də uzun illər Milli Məclisin Azərbaycan-Pakistan parlamentlərarası əlaqələr üzrə işçi qrupunun rəhbəri olmuşam, bu ölkəyə dəfələrlə səfərlər etmişəm və hər zaman qardaş və dost Pakistan xalqından Azərbaycan qarşı sevgi, hörmət görmüşəm. Heç təsadüfi deyil ki, dünyada üç ölkədən (Türkiyə və Özbəkistanla birlikdə) biridir ki, Pakistan Ermənistanla bu günədək heç bir siyasi və diplomatik münasibətlər qurmayıb. Həm də Xocalı qətliamını soyqırımı aktı kimi tanıyan ilk ölkələrdən, ilk palamentlərdən biri məhz qardaş Pakistan və Pakinstan ali qanunverici orqanıdır. Odur ki, Bakı Bəyannaməsinin ruhuna uyğun olaraq, 3 ölkənin parlamentinin, parlamentarilərinin qarşıdakı hədəflərə çatacağı da birmənalı və şübhəsizdir. Buna kimsənin şübhəsi ola bilməz. Bakı Bəyannaməsinin imzalanmasına görə də Milli Məclisimizin hörmətli Sədri xanım Sahibə Qafarovaya, o cümlədən, Türkiyə Böyük Millət Məclisinin Sədri cənab Mustafa Şentopa və Pakistan Milli Assambleyasının rəhbəri cənab Əsəd Qeysərə dərin minnətdarlığımı bildirirəm. Sahibə xanım Qafarovanın da imzalanma mərasimində dediyi kimi, bu sənəd ölkələrimiz arasında strateji əlaqələrin möhkəmlənməsinə öz töhfəsini verəcək”.
YAP İdarə Heyətinin üzvü qeyd edib ki, Bakı Bəyannaməsinin imzalanmasından sonra parlament sədrlərinin işğaldan azad olunmuş Qarabağa, Füzuli və Şuşaya səfərləri tarixin yaddaşına əbədi həkk olunacaq bir addımdır: “Bakı Bəyannaməsinin imzalanmasından sonra Qarabağ, Şuşa səfəri bir daha həmrəyliyimizin, qardaşlıq və dostluğumuzun bəyanı oldu. Bütün bunlar üç qardaş və dost dövləti zəfərlərdən zəfərlərə aparacaq. Bu, qarşısıalınmaz bir prosesdir, kimsə də buna əngəl ola bilməz”.

Paylaş:

Baxılıb: 601 dəfə