18 oktyabr qeyri-iş günü olmalıdırmı?

Bakı:

21 °C

88 %

7 m/s

Əlaqə

AZ RU EN

Ana səhifə / Siyasət / 18 oktyabr qeyri-iş günü olmalıdırmı?

18 oktyabr qeyri-iş günü olmalıdırmı?

13.10.2021 [10:47]

“Müstəqillik Günü haqqında” qanun layihəsi ikinci oxunuşda qəbul edilib

Oktyabrın 12-də Milli Məclisin Sədri Sahibə Qafarovanın sədrliyi ilə parlamentin növbəti plenar iclası keçirilib.

Cari məsələlərin müzakirəsində deputatlar Ceyhun Məmmədov, Razi Nurullayev, Tahir Kərimli, Fazil Mustafa, İltizam Yusifov, Əminə Ağazadə, Cəbi Quliyev, Tural Gəncəliyev, Bəhruz Məhərrəmov, Şahin İsmayılov Vətən müharibəsində qazanılan Zəfərin birinci ildönümü ərəfəsində ölkəmizdə baş verən mühüm ictimai-siyasi hadisələrdən, işğaldan azad olunmuş bölgələrdə aparılan quruculuq işlərindən, Azərbaycan gənclərinin xaricdə təhsil almasına göstərilən qayğıdan söz açıb, seçicilərini düşündürən məsələlərə - səhiyyədəki, şəhərlərarası sərnişindaşımadakı vəziyyətə, bölgələrdə suvarma probleminə, bəzi məktəb binalarının qəzalı vəziyyətdə olmasına, ucqar kəndlərdə internetin sürətinin zəifliyinə və sair diqqət yönəldiblər.

Milli Məclisin Sədri Sahibə Qafarova gündəlikdə bir məsələnin - “Müstəqillik Günü haqqında” qanun layihəsinin ikinci oxunuşda müzakirəyə çıxarıldığını diqqətə çatdırıb.

Plenar iclasda “Müstəqillik Günü haqqında” qanun layihəsini ikinci oxunuşda təqdim edən Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli parlamentə Azərbaycan Prezidenti tərəfindən qanunvericilik təşəbbüsü qaydasında təqdim olunmuş bu qanun layihəsinin məzmununun, məntiqinin və zərurətinin müzakirələrdə düzgün şərh edilərək Azərbaycan cəmiyyətinə çatdırıldığını bildirib.

Məlumat verilib ki, sözügedən qanun layihəsinin Hüquq siyasəti və dövlət quruculuğu komitəsində müzakirəsi zamanı səslənən fikirlər - qanunun preambulası ilə əlaqədar, texniki redaktə xarakterli və digər səpkili bir sıra təkliflər qanunvericilik təşəbbüsü subyekti ilə razılaşdırılıb və yeni variantda öz əksini tapıb. Həmin dəyişiklikləri deputatların diqqətinə çatdıran Əli Hüseynli birinci oxunuş zamanı səslənmiş bir sıra fikirlərə də münasibətini açıqlayıb.

Sonra iclasda “Müstəqillik Günü haqqında” qanun layihəsinin ikinci oxunuşda müzakirəsinə başlanıb. Əvvəlcə qanun layihəsi əsas kimi qəbul olunub.

Müzakirələrdə Milli Məclis Sədrinin müavini Fəzail İbrahimli, deputatlar Sabir Rüstəmxanlı, Nizami Cəfərov, Əziz Ələkbərov, İsa Həbibbəyli, Fazil Mustafa, Zahid Oruc, Musa Qasımlı, Qüdrət Həsənquliyev, Tahir Mirkişili, Sahib Alıyev, Hikmət Məmmədov, Erkin Qədirli qanun layihəsinə dair rəy və təkliflərini parlamentin diqqətinə çatdırıblar.

Milli Məclis Sədrinin birinci müavini, komitə sədri Əli Hüseynli çıxışlara münasibət bildirib, deputatları maraqlandıran sualları cavablandırıb. Qeyd olunub ki, ikinci oxunuş zamanı parlamentdə səslənmiş təkliflər də qanunvericilik təşəbbüsü subyektinin diqqətinə çatdırılacaq.

Müzakirələrin yekununda “Müstəqillik Günü haqqında” qanun layihəsi əvvəlcə maddə-maddə, sonra isə bütövlükdə səsə qoyulub və ikinci oxunuşda qəbul edilib.

Paylaş:

Baxılıb: 780 dəfə