Radikalların əməlləri ölkə vətəndaşlarında narahatlıq doğurur

Bakı:

11 °C

93 %

6 m/s

Əlaqə

AZ RU EN

Ana səhifə / Siyasət / Radikalların əməlləri ölkə vətəndaşlarında narahatlıq doğurur

Radikalların əməlləri ölkə vətəndaşlarında narahatlıq doğurur

17.03.2011 [10:10]

Bununla bağlı redaksiyamıza məktub göndərən insanlar Prezident İlham Əliyevdən sabitliyin və təhlükəsizliyin qorunması üçün ciddi tədbirlər görməyi xahiş edirlər
Məlum olduğu kimi, son zamanlar Azərbaycanın sabit və dinamik inkişafından narahat olan bir sıra qüvvələr ölkəmizdə qarışıqlıq yaratmağa çalışırlar. Həmin xarici qərəzli qüvvələrin anti-Azərbaycan planlarının baş tutmasına yerli radikallar da köməklik göstərirlər. Onlar müxtəlif vasitələrdən istifadə edərək, Azərbaycanı 1990-cı illərin əvvəllərində mövcud olmuş xaos və anarxiya vəziyyətinə yenidən qaytarmağa cəhd göstərirlər. Bütün bunlar isə vətəndaşların narahatlığına səbəb olub.
ötən gün redaksiyamıza daxil olmuş bir sıra məktublarda vətəndaşlarımızın haqlı narazılıqları öz əksini tapıb. İnsanlar Prezident İlham Əliyevdən sabitliyin və təhlükəsizliyin qorunması üçün ciddi tədbirlər görməyi xahiş edirlər. Belə ki, Tərlan Əliyarbəyov küçəsi, 9 nömrəli binanın sakinləri tərəfindən göndərilən məktubda deyilir: “Son günlər şəhərin mərkəzində baş verən hadisələr bütün Bakı sakinləri kimi bizim də rahatlığımızı pozmuşdur. Belə ki, özlərini Azərbaycanın qeyrətli vətəndaşları kimi göstərməyə çalışan bəzi ünsürlər, yəni, müxalifətçilər düşmən dövlətlərin tapşırığını yerinə yetirmək üçün respublikada çaşqınlıq və qarışıqlıq yaratmaq istəyirlər. Onların niyyətləri bizim kimi bütün Azərbaycan vətəndaşlarına da məlumdur. Cənab Prezident, sizdən artıq dərəcədə xahiş edirik ki, övladlarımızın şən və firavan yaşamasının pozmaq istəyən bu siyasi hoqqabazların haqqında ciddi tədbirlər görəsiniz. Azərbaycan vətəndaşları Ulu öndərimizin siyasətini tam dəstəkləyir və hər zaman sizin yanınızdadır. Dövlətimizin və hər bir Azərbaycan vətəndaşının təhlükəsizliyinin qarantı kimi Sizdən həmin müxalifətçilərin qeyri-qanuni hərəkətlərinə son qoyulması üçün müvafiq tədbirlərin görülməsinə göstəriş verməyinizi xahiş edirik”.
Səbail rayonu M.Rahim adına 7 saylı məktəbin direktoru G.Mehdizadənin göndərdiyi məktubda isə bildirilir: “Mən şəhərin mərkəzində yerləşən 7 saylı məktəbin direktoruyam. Həm özümün, həm də müəllim, valideyn və şagird kollektivinin haqq səsini sizə çatdırmaq istəyirəm. Martın 11-12-də olan mitinq cəhdləri bizi çox narahat edir. Biz müxalifətin hər üzünü görmüşük. Onlar nə istəyirlər? Azərbaycanımızın tərəqqi etdiyi bir dövrdə dövlətçiliyimizə, milli birliyimizə zərər gətirə biləcək bu kimi cəhdlərin qarşısını almağı Sizdən xahiş edirik. Biz sizə arxalanır, güvənir və hər zaman sizinləyik”.
Göründüyü kimi, insanlar müxalifətin ölkədə xaos və anarxiya yaratmaq kimi cəhdlərini pisləyirlər. Bu bir daha sübut edir ki, dövlətini və xalqını sevən vətəndaşlarımız Azərbaycanı daim inkişaf edən dövlət kimi görmək istəyirlər. Eyni zamanda, bununla bir fakt da öz təsdiqini tapır ki, müxalifətin Azərbaycan cəmiyyətində sosial dəstəyi yoxdur.
Ramil VƏLİBƏYOV

Paylaş:

Baxılıb: 984 dəfə